Обычная версия сайта
Размер шрифта: 100% 150% 200%

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Владимир Уйба аддзысьліс Инта районса медицина уджалысьяскӧд

30.06.2020

Талун, лӧддза-номъя тӧлысь 30 лунӧ, Коми Республикаса Юралысьлысь могъяс недыр кадколастӧ збыльмӧдысь уджалӧ Интаын. Медводз В. Уйба ветліс 1 №-а поликлиникаӧ да больничнӧй городокӧ.

Регионса юрнуӧдысь видзӧдліс медицина кабинетъяс, медицина оборудование, сёрнитіс врачьяскӧд.

Больничаса юралысь врач Валентина Копченкова висьталіс, мый медицина учреждение обслуживайтӧ 27 сюрс сайӧ мортӧс. Больничаӧ пырӧ стационар, поликлиника, регыдъя отсӧг сетан юкӧн, бурдӧдан да диагностируйтан юкӧдувъяс, 8 ФАП. 7 фельдшер-акушер пункткӧд вогӧгӧрся автомашина йитӧдыс абу. Врачьяс ветлӧны сэтчӧ сӧмын тӧвнас. Регыдъя кадӧ больничалы сетасны ветлӧдлан флюорограф.

Владимир Уйба юӧртіс, мый Вуктыл районса Дутов сиктлы ньӧбӧма аэросани. Видзӧдласны, кыдзи уджалӧ техникаыс миян условиеясын. Бура кӧ асьсӧ петкӧдлас, гашкӧ, сійӧн кутасны вӧдитчыны и мукӧд сьӧкыда воӧдчан сикт-грездын. Висьысьясӧс позьӧ вайны санитарнӧй вездеходӧн.

Кыдзи и мукӧд районнӧй больничаясын, Интаын оз тырмыны специалистъяс – отоларинголог, невролог, анестезиолог-реаниматолог. Та дырйи врачьяслӧн лыдыс век жӧ ньӧжйӧникӧн, но содӧ. Травматология юкӧнын Владимир Уйба тӧдмасис том травматолог-ортопедкӧд. Денис Макаров воис Интаӧ Ярославльысь. Шуӧ, мый уджалан условиеясыс бурӧсь, эм позянлун сӧвмыны профессиональнӧя.

Хирургия отделениеын Владимир Уйбалы висьталісны, мый вонас тані вӧчӧны 160 планӧвӧй да 100 экстреннӧй операция. Мытшӧдъяс лыдысь пасйис важмӧм оборудование да сійӧс, мый операционнӧйын кӧдзыд: жырйын ӧшиньясыс важӧсь, ывлаын 40 градус кӧдзыд дырйи операционнӧйын  температураыс 15 градус шоныд.

Коми Республикаса Юралысьлысь могъяс недыр кадколастӧ збыльмӧдысь тшӧктіс регионса Йӧзлысь дзоньвидзалун видзан министерстволы пыртны локтан во кежлӧ планӧ –  хирургия отделениелысь вежны ӧшиньяссӧ да дзоньтавны банладорсӧ да видзӧдлыны, позьӧ-ӧ ньӧбны колана медицина оборудованиесӧ регыдъя кадӧ.

Больничаса уджалысьяскӧд аддзысьлігӧн дзоньвидзалун видзан юалӧмъяс кындзи сёрнитісны и сы йылысь, кыдзи водзӧ сӧвмӧдны Инта кар, бурмӧдны транспортӧн ветлан позянлунсӧ, дасьтысьны выль велӧдчан во кежлӧ, сӧвмӧдны пытшкӧсса туризм да видз-му овмӧс.

Фотографияяс

 


информация о коронавирусе

Общероссийская акция взаимопомощи

План Правительства РФ по преодолению экономических последствий коронавируса



email home map
IT -опрос населения по оценке деятельности органов местного самоуправления

Год памяти и славы 2020

Инвестиционный портал Республики Коми


Витрина закупок Республики Коми

Горячая линия по короновирусной инфекции

Портал государственных услуг РФ

Активный регион Республика Коми

Официальный интернет-портал правовой информации

© 2020 ГАУ РК «ЦИТ»