Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Коми театрлы 100 во тырӧмсӧ пасъясны “Коми рытъяс” фестивальӧн

18.04.2019

Сійӧ лоӧ 2019 вося арын. Сэтчӧ чукӧртчасны республикаысь медбур профессиональнӧй, нимйӧза да любительскӧй театральнӧй котыръяс. Та йылысь юӧртісны талун, регионса Веськӧдлан котырлӧн заседание дырйи. Заседаниесӧ нуӧдіс Коми Республикаса Юралысь Сергей Гапликов.

Регионса культура министр Сергей Емельянов тӧдмӧдіс Коми Республикаын “Культура” национальнӧй проект збыльмӧдӧм йылысь.

Медшӧр нырвизь пиысь ӧти – гражданаӧс культура гӧгӧртасӧ кыскӧм, сы лыдын: енбиа том войтырлы отсалӧм, школаын велӧдчысьяслы культурнӧй да тӧдӧмлун сетан дінму уджтас лӧсьӧдӧм да збыльмӧдӧм, “Культура юкӧнлы кадръяс дасьтӧм” федеральнӧй уджтасӧ пырӧдчӧм, россияса культураын шедевръясӧн йӧзӧс тӧдмӧдӧм, доброволечьяслӧн ӧтмунӧмъяслы отсалӧм. Тайӧ да мукӧд мероприятиесӧ кутасны збыльмӧдны национальнӧй проектӧ пырысь “Творческӧй йӧз” проект серти.

Сідз, Коми Республика лоӧ пилотнӧй регионӧн, кӧні кутасны збыльмӧдны “Школаын велӧдчысьяслы культурнӧй нормативъяс” проект. Сійӧ ышӧдас челядьӧс сӧвмыны культура боксянь Россияса войтырлӧн культура озырлун подув вылын.

Культура да искусство учреждениеясын уджалысьяс вермасны кыпӧдны ассьыныс квалификациясӧ медбур творческӧй вузъясын лӧсьӧдӧм Шӧринъясын. 2019 во вылӧ республикалӧн квотаыс – 104 морт.

2019 восянь культура да искусство юкӧнын проектъяс збыльмӧдӧм вылӧ Коми Республикаса Юралысьлӧн грантыс содіс 12,6 млн шайтӧдз. Театральнӧй искусство да концертнӧй удж юкӧнын отсӧгсӧ сетасны республикаса профессиональнӧй театръяслы, найӧ вермасны збыльмӧдны фестивальяс серти ыджыд проектъяс.

Арнас В. Савин нима драма театрын лоӧ Войвывса театральнӧй III фестиваль, кытчӧ пырӧдчасны том войтырлӧн медбур театръяс да Россияса ТЮЗ-яс, а сідзжӧ “Мойдысь ордын” аканьяса театръяслӧн войтыркостса IV фестиваль. Коми Республикалы 100 во тыригкежлӧ Вужвойтырлӧн шылада-драмаа театрын лоӧ “Коми рытъяс” театральнӧй фестиваль.

 


информация о коронавирусе

Общероссийская акция взаимопомощи

План Правительства РФ по преодолению экономических последствий коронавируса



email home map
IT -опрос населения по оценке деятельности органов местного самоуправления

Год памяти и славы 2020

Инвестиционный портал Республики Коми


Витрина закупок Республики Коми

Горячая линия по короновирусной инфекции

Портал государственных услуг РФ

Активный регион Республика Коми

Официальный интернет-портал правовой информации

© 2020 ГАУ РК «ЦИТ»