Коми Республикаса Правительство лоö пыр уджалысь медвылыс Коми Республикаса олöмö пöртысь власьт органöн. Коми Республикаса Правительство уджалö Коми Республикаса Юралысьлысь полномочиеяс олöмö пöртан кадколастö да мездысьö аслас полномочиеясысь Коми Республикаса Юралысь водзын, кодлы сетöма выль кадколаст кежлö полномочиеяс, Коми Республикаса Правительстволысь выль состав лöсьöдтöдз.
Коми Республикаса Правительствоö пырöны Коми Республикаса Юралысь, сійöс вежысьяс, Коми Республикаса министръяс. Коми Республикаса Юралысь вермö пыртны Коми Республикаса Правительствоö мукöд йöзöс.
Коми Республикаса Правительство лöсьöдöм йылысь решение тайö статья серти примитö Коми Республикаса Юралысь чинö босьтчöмсянь öти тöлысьысь оз сёрöнджык.
Коми Республикаса Правительстволысь правовöй статуссö урчитö Коми Республикаса оланпас Россия Федерацияса законодательство да Коми Республикаса законодательство серти.
Коми Республикаса Правительстволöн эмöсь юридическöй кывкутысьлöн правояс, эм канпаса печать.
Коми Республикаса Оланподувлöн 89 статья
Коми Республикаса Правительство лöсьöдö да олöмö пöртö Коми Республикаöс социально-экономическöй боксянь комплекснöя сöвмöдöм кузя мераяс, участвуйтö сьöм овмöс, наука, велöдöм, дзоньвидзалун видзöм, культура, социальнöя могмöдöм да экология юкöнын öтувъя государственнöй политика нуöдöмын.
Коми Республикаса Правительство:
1) аслас полномочиеясын олöмö пöртö мортлысь да гражданинлысь правояс да вöля збыльмöдöм, могмöдöм да дорйöм кузя, ас эмбур да общественнöй пöрадок видзöм кузя, терроризмлы да экстремизмлы паныд сулалöм кузя, преступносьткöд тыш нуöдöм кузя мераяс;
2) лöсьöдö Коми Республикаса республиканскöй бюджет бала, а сідзжö Коми Республикаöс социально-экономическöя сöвмöдан уджтас балаяс;
3) могмöдö Коми Республикаса республиканскöй бюджет олöмö пöртöм да дасьтö сійöс збыльмöдöм йылысь отчёт, а сідзжö Коми Республикаöс социально-экономическöя сöвмöдан уджтасъяс олöмö пöртöм йылысь отчётъяс;
4) веськöдлö да вöдитчö Коми Республикаса эмбурöн Коми Республикаса оланпасъяс серти, а сідзжö веськöдлö федеральнöй эмбурöн, мый сетöма Коми Республикалы веськöдлöм улö федеральнöй оланпасъяс да Россия Федерацияса мукöд нормативнöй правовöй акт серти;
5) сылöн эм право вöзйыны меставывса асвеськöдлан органлы, меставывса асвеськöдлан бöрйöм либö мукöд чина мортлы лöсьöдны Россия Федерацияса законодательство серти наöн йöзöдöм правовöй актъяссö сэки, кор индöм актъяс оз лöсявны Россия Федерацияса Оланподувлы, федеральнöй оланпасъяслы да Россия Федерацияса мукöд нормативнöй правовöй актлы, Коми Республикаса Оланподувлы, Коми Республикаса оланпасъяслы да Коми Республикаса мукöд нормативнöй правовöй актлы, а сідзжö эм право шыöдчыны ёрдö;
5¹) примитö Коми Республикаса олöмö пöртысь власьт органъясöн меставывса авеськöдлан органъяслысь öткымын полномочие недыр кад олöмö пöртöм йылысь решение федеральнöй оланпас серти;
7) вынсьöдö Коми Республикаса министерствояс, Коми Республикаса олöмö пöртысь власьт мукöд орган йылысь положение (юкöнъяс)яс да лöсьöдö найöс;
8) урчитö Коми Республикаса олöмö пöртысь власьт мутасса органъяс котыртан пöрадок;
9) вынсьöдö Коми Республикаса Правительстволысь Регламент;
10) вöчö мукöд полномочие, мый урчитöма федеральнöй оланпасъясöн, Коми Республикаса Оланподулöн да Коми Республикаса оланпасъясöн, а сідзжö олöмö пöртысь федеральнöй власьт органъяскöд артмöдчöмъясöн.
Коми Республикаса Правительство Россия Федерацияса Оланподув, федеральнöй оланпасъяс, Россия Федерацияса нормативнöй правовöй актъяс, Коми Республикаса Оланподув да Коми Республикаса оланпасъяс вылö подуласьöмöн да найöс олöмö пöртöм могысь йöзöдö Коми Республикаын быть олöмö пöртана шуöмъяс да тшöктöмъяс.
Коми Республикаса Оланподувлöн 90 статья
Коми Республикаса министерствояс да олöмö пöртысь власьт мукöд орган лоöны Коми Республикаса государственнöй олöмö пöртысь власьт пыр уджалысь органъясöн да найöс лöсьöдö Коми Республикаса Правительство.
Коми Республикаса министерствояслöн да олöмö пöртысь власьт мукöд органлöн правовöй статусыс урчитсьö Коми Республикаса Оланподув, Коми Республикаса оланпас да Коми Республикаса министерствояс да олöмö пöртысь власьт мукöд орган йылысь положение (юкöнъяс)яс серти, мый вынсьöдö Коми Республикаса Правительство.
Коми Республикаса Оланподувлöн 91 статья
