ГАЛИНА ИВАНОВНА ГАБУШЕВА
Чужис 1969 вося лöддза-номъя тöлысь 28 лунö Коми Республикаын Кöрткерöс районса Шойнаты сиктын.
Вылыс тöдöмлуна. 1994 воын помаліс Санкт-Петербургса культура академия, уджсикасыс – «Библиотековедение да библиография».
1989 восянь – Шойнаты сиктса библиотекаын – 1 №-а филиалын, Кöрткерöсса челядьлы шöр библиотекаын, Коми Республикаса национальнöй библиотекаын библиотекар.
1995 восянь – Коми Республикалöн уна сикас войтыр министерствоса нуöдысь специалист.
1997 восянь – Коми Республикаын Россия Федерацияса Президентöс полномочнöй петкöдлысьлöн аппаратса 1 категорияа специалист.
2000 восянь – Россия Федерацияса Медвылыс ёрд бердын Ёрд департаментлöн Коми Республикаын веськöдланінса нуöдысь специалист.
2001 восянь – Коми Республикалöн уна сикас войтыр министерствоса нуöдысь специалист.
2002 восянь – Коми Республикаса Юралысьöс вежысьлöн сöветник, Коми Республикаса Юралысьлöн да Коми Республикаса Веськöдлан котырлöн Администрация.
2008 восянь – Коми Республикалöн национальнöй политикаса министрöс вежысь – юкöнса начальник, Коми Республикалöн национальнöй политикаса министрöс вежысь.
2011 вося урасьöм тöлысь 2 лунсянь Коми Республикаса Юралысьлöн тшöктöмöн индöма Коми Республикалöн национальнöй политикаса министр чинö.
