НИКОЛАЙ НИКОЛАЕВИЧ СМЫШЛЯЕВ
Чужис 1956 вося вöльгым тöлысь 8 лунö Киров обласьтса Косогор грездын.
Вылыс тöдöмлуна. 1976 воын отличиеöн помаліс А.С.Попов нима Свердловскса радиотехническöй техникум да 1982 воын Ленинградса авиация приборостроение институт.
Уджсикасыс – инженер-электромеханик.
1977 – 1980 воясын быд гожöм уджалiс Ленинград обласьтса да Коми АССР-са стройкаяс вылын студентъяслöн стрöитчан отрядъясын.
1981 – 1982 воясын – ВЛКСМ Коми обкомса «Усинск» зональнöй студенческöй отрядын юралысь инженер.
1982 воын – «Комиавтодор» веськöдланiнса инженер, Сыктывкар.
1982 восянь 1988 воöдз – Коми областнöй студенческöй отрядса инструктор, юралысь инженер, Коми областнöй студенческöй отрядса командир – ВЛКСМ Коми обком юкöнса веськöдлысь.
1988 – 1990 воясын – Коми АССР культураса министрöс вежысь.
1991 восянь 1993 воöдз уджалiс Коми Республикаса уна сикас коммерческöй организацияын капитальнöй стрöитчöм кузя юрнуöдысь чинъясын.
1993 – 2003 воясын – «Иганбанк» ИКБ-лöн, «Коми социальнöй банк» коммерческöй банк ВАК-лöн инвестицияяс да капитальнöй стрöитчöм юкöнса начальник, инвестицияяс да капитальнöй стрöитчöм кузя менеджер.
2003 восянь 2004 воöдз – «Континент-К» ИКК-са директор.
2004 вося йирым тöлысьö индöма Коми Республикаса архитектура, стрöитчöм да коммунальнöй овмöс министрöс вежысьöн.
2006 восянь – Коми Республикаса архитектура, стрöитчöм да коммунальнöй овмöс министрöс медводдза вежысь.
2010 восянь – Коми Республикаса архитектура, стрöитчöм да коммунальнöй овмöс министр.
2011 вося урасьöм тöлысь 2 лунсянь Коми Республикаса Юралысьлöн тшöктöмöн индöма Коми Республикаса архитектура, стрöитчöм да коммунальнöй овмöс министр чинö.
Сетöма «Уджын нималöмысь» медаль, Ленинград карса ГУВД-лысь почёт грамота, СССР минтрансстройлысь почёт грамота, ВЛКСМ Ленинградса ОК-лысь почёт грамота, ВЛКСМ Коми ОК-лысь почёт грамота, ВЛКСП ЦК-са почёт грамота, Коми Республикаса Юралысьлысь почёт грамота, «Комсомолын сьöлöмсянь уджалöмысь», «Студенческöй отрядъясын сьöлöмсянь уджалöмысь» ВЛКСМ ЦК-лысь пасъяс. Сетöма «Россияса почётнöй стрöитчысь» да «Уджвывса ветераннимъяс.
Гöтыра. Быдтiс пиöс да нылöс.
