ЯРОСЛАВ СТЕПАНОВИЧ ЗИНЯК
Чужис 1952 вося моз тöлысь 7 лунö Ивано-Франковскöй обласьтса Богородчанскöй районлöн Межгорье сиктын.
Вылыс тöдöмлуна. 1980 воын помалiс Ухтаса индустриальнöй институт, уджсикасыс – «мусир да биару месторождениеяс лöсьöдан технология да комплекснöй механизация».
1990 воын – Ленинградса вылыс партийнöй школа, уджсикасыс – «партийнöй да сöветскöй стрöитчöм».
1971 восянь – Армияын служба.
1973 восянь – ВГПУ техническöй юкöнса инженер, Вуктыл кар.
1975 восянь – КПСС Вуктыл райкомса инструктор, Вуктыл кар.
1978 восянь – ВЛКСМ райкомса первой секретар, Вуктыл кар.
1983 восянь – «Вуктылстрой» трест парткомса секретар, Вуктыл кар.
1985 восянь – КПСС райкомлöн пропаганда да агитация юкöнса веськöдлысь, Вуктыл кар.
1986 восянь – КПСС Коми обкомын мусир да биару промышленносьт юкöнса, социально-экономическöй юкöнса инструктор, кывкутысь организатор, Сыктывкар.
1990 восянь – КПСС Вуктыл райкомса первой секретар, Вуктыл кар.
1991 восянь – Коми ССР промышленносьт, транспорт да связь кузя государственнöй комитетса медыджыд специалист, веськöдлысьöс вежысь, Сыктывкар.
1992 восянь – «Коминефть» ПО маркетинг да ортсы экономическöй йитöдъяс юкöнса начальникöс вежысь, Ухта кар.
1994 восянь – Сыктывкарын «Мусир переработайтан Ухтаса завод» ВАК петкöдлысь.
2000 восянь – Коми Республикаын ас вылö уджалысьяслöн котырса олöмö пöртысь директор, Сыктывкар.
2002 воын – «Прин» КТД производствоса директор, Сыктывкар.
2002 восянь – «Войвывса магистральнöй мусир проводъяс» ВАК социальнöя сöвмöдан юкöнса начальник, Ухта кар.
2003 восянь - «Войвывса магистральнöй мусир проводъяс» ВАК социальнöя сöвмöдан юкöнса начальник, Ухта кар.
2007 воын – «Севергазпром» ИКК общественносьткöд йитöд кутан службаса нуöдысь инженер, Ухта кар, Коми Республика.
2007 восянь – «Вуктыл» муниципальнöй районлöн администрацияса юрнуöдысь.
2011 вося ода-кора тöлысь 10 лунö Коми Республикаса Юралысьлöн тшöктöмöн индöма Коми Республикалöн эмбур агентствоса юрнуöдысь чинö.
Коми Республикаса нимöдана уджалысь. Сетöма «Коми Республикалы зэв бура служитöмысь», «Коми Республика водзын заслугаясысь» отличие пасъяс, Коми Республикаса почёт грамота.
