Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



КОМИ РЕСПУБЛИКАСА ЮРАЛЫСЬ - СЕРГЕЙ АНАТОЛЬЕВИЧ ГАПЛИКОВ

Чужис 1970 вося косму тӧлысь 29 лунӧ Фрунзе карын потомственнӧй казакъяс семьяын. Став челядьдырыс муніс Сибирын да Ылі Асыввылын: бать-мамыс стрӧитісны Байкало-Амурскӧй магистраль (БАМ).

 

1988 - 1989 воясын служитіс Воздушно-десантнӧй войскаын, десантно-штурмӧвӧй бригадалӧн торъя разведка ротаын. Армияысь локтіс “гвардияса старшина” нимӧн.

Куим вылыс тӧдӧмлуна: 1996 воын помаліс Н.Э. Бауман нима Москваса канму техническӧй университет (МГТУ) “Газодинамическӧй импульснӧй устройствояс” уджсикас серти; МГИМО, “Канмусянь стрӧитчан да веськӧдлан юкӧнын юрист-специалист” уджсикас, 2000 воын - Ортсыса вузасьӧмлӧн Ставроссияса академия “Мирса экономика” уджсикас серти.

Уджавны заводитіс 1995 воын инженер-конструкторӧн Москваын Наука туялан машиностроительнӧй институтын, студентӧн на.

1996 восянь уджаліс Москва карса Асыввыв административнӧй кытшлӧн префектураын уна сикас чинъясын, а 2000 восянь - Россия Федерацияса экономика сӧвмӧдан да вузасян министерствоын.

2004 вося косму тӧлысьын Чувашия Республикаса юралысь Н.В. Федоров корӧм серти заводитіс веськӧдлыны дінмуса Веськӧдлан котыр уджӧн.

2010 воын индӧма Россия Федерацияса Веськӧдлан котырлӧн Аппаратса Юрнуӧдысьӧс вежысьӧн.

2011 воын Россия Федерациялӧн Веськӧдлан котырса Веськӧдлысь В.В. Путинлӧн решениеӧн индӧма “Олимпстрой” канму корпорацияса Президентӧн, кӧні помӧдз веськӧдліс став олимпийскӧй объектъяс стрӧитӧмӧн Олимпиада помасьтӧдз.

 

Сочиын 2014 вося XXІІ Олимпийскӧй да XІ Параолимпийскӧй тӧвся ворсӧмъяс дасьтӧмӧ да нуӧдӧмӧ ыджыд пай пуктӧмысь да Россияса сборнӧй командаяслысь бура ворсӧм могмӧдӧмысь наградитӧма “Айму водзын заслугаясысь” ІІІ степеня орденӧн.

 

2015 вося кӧч тӧлысь 30 лунӧ Россия Федерацияса Президент В.В. Путинӧн индӧма Коми Республикаса Юралысьлысь могъяс недыр олӧмӧ пӧртысьӧн.

2016 вося кӧч тӧлысь 18 лунӧ став войтырлӧн бӧрйысьӧмъяс вылын бӧрйисны Коми Республикаса Юралысьӧн. 2016 вося кӧч тӧлысь 22 лунсянь босьтчис уджавны Коми Республикаса Юралысь чинын.

 

Гӧтыра, 2015 воын гозъя пасйисны “эзысь кӧлысь”. Гапликовъяслӧн крепыд семьяын кык кага: ныв - студентка да пи - школаын велӧдчысь.

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»