Обычная версия сайта
Размер шрифта: -A +A

Антитеррористическая комиссия Республики Коми

Победа! 70 лет

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Кадровый резерв Президента России

Официальный интернет-портал правовой информации



ВОЙТЫРКОСТСА ЙИТÖДЪЯС

ФИНН-ЙÖГРА ВОЙТЫРЛÖН КОНГРЕССЪЯС

 

Финн-йöгра войтырлöн конгрессъяс кыдзи общественно-политическöй тшупöдын вужвойтырлöн öтувтчöмъяс чужисны войтыркостса йитöдъяс кутан вежсьöм системаын Российскöй государстволöн историческöя сöвман торъя кадколастö.

Россияса финн-йöгра войтырлöн öтувтчöмыс, öти боксяньыс, да Россия Федерациялöн кыдзи асшöр государстволöн "пöдса обществоысь" войтыркост аренаö петöмыс, мöд боксяньыс, лоины сэтшöм тенденцияясöн, кодъяс сетісны позянлун став финн-йöгра войтырлы öтувтчыны духовнöя.

1990 вояс заводитчигöн РФ финн-йöгра регионъясын чужисны национальнöй öтмунöмъяс, кодъяс босьтчисны сöвмöдны финн-йöгра войтырлысь кыв да культура. Медым пöртны олöмö тайö босьтчöмсö, ковмис нуöдны уна сикас общественно-политическöй удж. Тöдчымöн бура сöвмис национальнöй öтмунöмыс Комиын, кöні öтувтчисны уджас учёнöйяс, общественнöй деятельяс, гижысьяс, журналистъяс.

Коми войтырöс сöвмöдан комитет вöзйис котыртны Россияса финн-йöгра войтырлысь Ассоциация. 1992 вося февральын Сыктывкарын аддзысьлісны Сöвмöдан комитетлöн водзмöстчöм серти Россияса финн-йöгра регионъяслöн национальнöй съездъясвывса, общественно-политическöй да национально-культурнöй öтмунöмъясса полномочнöй йöз да лöсьöдісны Ассоциациясö. А тайö жö вонас майын Ижевск карын муніс Финн-йöгра войтырлöн I Ставроссияса съезд.

Öтувтчыны кöсйöмыс вöлі сэтшöм ыджыд, мый Ижевскын съезд вылын примитісны решение - 1992 во помын Сыктывкарын нуöдны финн-йöгра войтырлысь Ставмирса конгресс. Конгресс нуöданінсö бöрйöмыс вöлі эз прöста сідз. 1992 воын республикаын вöлі примитöма государственнöй кывъяс йылысь, коми войтыр съездлöн статус йылысь оланпасъяс, мый мукöд финн-йöгра регионлы татшöмторйöдз вöлі ылын на. Коми войтырöс сöвмöдан комитет лöсьöдіс да кутіс кутны топыд йитöд республикаса власьт органъяскöд.

Комиын зэв паськыда кутісны дасьтысьны Конгресс кежлö. Медся уна уджыс вичмис Коми войтырöс сöвмöдан комитетлы. Коми ССР-са Медвылыс Сöвет (Президиумса Веськöдлысьыс - Ю.А. Спиридонов) ошкис тайö водзмöстчöмсö.

Конгресс лöсьöдысьяслы торъя отсöг сетіс Финляндияса да Сöветскöй Союзса Ёртасьысь войтырлöн общество (генеральнöй секретарыс - Мерья Ханнус) да РФ-ын Венгерскöй Республикаса чрезвычайнöй да полномочнöй посол Д.Нановски.

 

 

Финн-йöгра войтырлöн I ставмирса конгресс.

1992 вося декабр 1-3 лунъяс, Сыктывкар (Россия).

 

Сэні вöліны Россияса, Венгрияса, Финляндияса, Эстонияса войтыръяслöн 14 делегация, куим парламентскöй делегация. Конгрессын участвуйтіс 278 делегат. Медся паськыда петкöдчис Россия Федерация: Коми, Карелия, Удмуртия, Марий Эл, Мордовия, Коми, Коми-Пермяцкöй, Ненецкöй, Ямало-Ненецкöй, Ханты-Мансийскöй автономнöй кытшъяс, Киров, Перым, Тюмень, Ленинград, Вологда, Свердловск обласьтъяс.

Конгресслöн медшöр темаыс: "Финн-йöгра мир: талун да аски". Конгресса делегатъяс примитісны мирса финн-йöгра войтыр ёртасьöмын шöр принципъяс, цельяс да могъяс йылысь декларация, кöні пасйöма, мый финн-йöгра войтырлöн Ставмирса конгресс лоö став мирлы восьсаöн, кытчö ас кöсйöм серти вермöны пырны öткодь правоа вужвойтыръяс, кодъяс став мирöвöй сообщество водзын кöсйöны дорйыны ассьыныс олан интересъяссö, европаса гуманизм да войтыркостса право принципъяс вылö мыджсьöмöн.

Декларацияын финн-йöгра войтырлöн ёртасьны кöсйöмкöд, национальнöй традицияяс, кыв да культура öтвылысь сöвмöдöмкöд вöлі висьталöма мог: "збыльмöдны войтыркостса нормаяс самоопределение вылö войтырлöн право юкöнын, вужвойтырлöн, национальнöй меньшинствояслöн правояс юкöнын да мортлöн правояс юкöнын".

Конгресс вылын вöлі примитöма "Россия Федерацияса да сылöн составö пырысь финн-йöгра республикаясса Парламентъяс да Правительствояс дорö Шыöдчöм". Россиялысь политическöй олöмсö тöд вылö босьтöмöн, шыöдчöмсö примитісны сöмын Россия Федерацияса делегатъяс.

Конгресс вылын вöлі примитöма решение лöсьöдны Финн-йöгра войтырлысь Консультативнöй комитет. Консультативнöй комитетлöн мог - координируйтны национальнöй организацияяслысь уджсö, медым войтыркостса организацияясын да форумъясын, тшöтш и ООН-ын, збыльмöдны финн-йöгра войтырлысь öтувъя шöр могъяс да дорйыны налысь интересъяс. Финн-йöгра войтырлöн Консультативнöй комитетса медводдза заседание вылын, мый муніс 1993 вося февраль 22 лунö Сыктывкарын, сылöн веськöдлысьнас бöрйисны Коми войтырöс сöвмöдан комитетса веськöдлысь В.П. Марковöс.

Финн-йöгра войтырлöн медводдза конгрессыс висьталö сы йылысь, мый финн-йöгра ёртасьöмын заводитчис выль этап. Конгресс бöрын финн-йöгра регионъяс да странаяс костын бурмисны научнöй, культурнöй да общественнöй йитöдъяс. Ыджыд тöдачанаторйöн тайö кадколастын лоис Венгерскöй Республикаса президент А.Генцлöн Россияса финн-йöгра регионъясті ветлöм (Мордовия Республика, Марий Эл Республика, Удмуртскöй Республика, Коми Республика, Ханты-Мансийскöй АО). Венгерскöй Республикаса президентлöн визитыс финн-йöгра мирлы лоис зэв тöдчанаторйöн, сы вöсна мый кыпöдіс дзик выль тшупöдö Россияса финн-йöгра регионъяслысь войтыркостса йитöдъяссö.

 

Финн-йöгра войтырлöн II ставмирса конгресс.

1996 вося август 17-20 лунъяс, Будапешт (Венгрия).

 

Конгресс местасö бöрйöмыс подуласьö сы вылö, мый 1996 воын Венгрия пасйис венгръяслöн чужанінлы 1100 во тырöм. Конгресс вылын чолöмалана кывъясöн сёрнитіс Венгерскöй Республикаса президент Арпад Генц.

Мöд конгресслöн уджын участвуйтіс 18 делегация. Конгресс вылын, пленарнöй заседаниеясысь öтдор, вöлі котыртöма квайт секциялысь удж: политика, экономика, культура, демография да йöзлысь дзоньвидзалун видзöм, юöр сетан средствояс, том йöз кузя (Финн-йöгра войтырлöн том йöз ассоциациялöн Сöветса заседание (МАФУН). Конгресс лöсьöдіс секцияяслöн вöзйöмъяс да кывкöртöд кузя Резолюция.

Ставмирса мöд конгресс вöчис кольöм кадколастлы кывкöртöд, вылö донъяліс Сыктывкарын нуöдöм Ставмирса медводдза конгрессö кыдзи историческöй лоöмтор. Конгресс эскöдіс, мый финн-йöгра войтырлы войтыркостса нормаяс да принципъяс серти зэв коланаöн лоö ас вöляысь олöм бöръян правоыс. Торйöн тöдчанаöн, кыдзи тöдчöдіс конгресс, кольöны культура да кыв ловзьöдöм да сöвмöдöм, финн-йöгра войтырлöн национальнöй асвежöртöм. Конгресс вылын вылö донъялісны Консультативнöй комитетлысь уджсö.

 

Финн-йöгра войтырлöн III ставмирса конгресс.

2000 вося декабр 11-13 лунъяс, Хельсинки кар (Финляндия).

 

Сылöн уджын участвуйтісны финн-йöгра войтырсянь квайтсёысь унджык делегат, официальнöй правительственнöй тэчасъясысь, войтыркостса организацияясысь йöз. Хельсинкиын чукöртчис финн-йöгра войтырлöн 21 делегация, куим вылö унджык Будапештын II конгресс серти. Конгресс уджын участвуйтісны: Финляндияса президент Тарья Халонен, Венгрияса президент Ференц Мадл, Эстонияса президент Леннарт Мери. Конгресс вылын участвуйтысьяс дорö лыддисны Россияса президент Владимир Путинлысь шыöдчöмсö. Конгресс вылын медводдзаысь вöліны ЮНЕСКО, ЕС европаса тэчасысь официальнöй йöз, Европарламентса депутатъяс.

Коймöд конгресслöн медшöр темаыс - "III сюрс воын финн-йöгра мир - сöвмöмын аскиа лун". Конгресслöн уджыс муніс нёль секция кузя: политика, культура да велöдчöм, экология да йöзлысь дзоньвидзалун видзöм, медиа да юöр сетан системаяс кузя. Тайö жö кадколастö Хельсинкиын муніс МАФУН-лöн конгресс.

Конгресс вылын Консультативнöй комитетса отчётын лои висьталöма, мый конгрессын финн-йöгра войтырлöн öтувтчöмыс сетіс позянлун тöдчымöн воськовтны водзö став финн-йöгра войтырлысь мытшöдъяссö решитöмын. Бурторйöн лыддьыссьö сійö, мый Россияын финн-йöгра найциональнöй организацияясыс вермисны нуöдны власьт да веськöдлысь органъяскöд бур сёрнитчöм, öтув корсисны петан туйяс да тайö туйвизьын унатор шедöдісны. Вöлі тöдчöдöма, мый РФ-са финн-йöгра войтырлöн медшöр могъясысь öтиöн кольö кывъяслöн да культуралöн аскодясьöмлы паныд сувтöм.

Конгресс вылын вöлі пасйöма, мый Россияса финн-йöгра войтырлысь кыв да культура сöвмöмлы ыджыд отсöг сетöны Финляндияса, Венгрияса, Эстонияса правительствояс. Став тайö странаясын примитöма РФ-са финн-йöгра войтырлы отсöг сетан государственнöй уджтасъяс.

Коймöд конгресс уджлöн кывкöртöдын вöлі примитöма Резолюция, кöні пасйöма локтан нёль во вылö уджлысь медшöр туйвизьяс. Резолюцияын конгресс пуктіс мог - корны, медым Венгрия, Финляндия, Эстония да Россия Федерация йöзöдісны финн-йöгра войтырöс сöвмöдан войтыркостса дас во.

Конгресс уджын муніс Финн-йöгра войтырлöн Консультативнöй комитетса заседание, кöні веськöдлысьнас коймöдысь бöрйисны В.П. Марковöс.

 

Финн-йöгра войтырлöн IV ставмирса конгресс.

2004 вося август 16-19 лунъяс, Таллин кар (Эстония).

 

Конгресса медшöр мог - видзны да сöвмöдны финн-йöгра да самодийскöй войтырöс да налысь культурасö кыдзи став морт рöдлысь озырлун. Ставмирса конгресс гöгöрвоö, мый ассимиляцияыс да национальнöй аслыспöлöслун вошöмыс медъёнасö государстволöн политика сайын да том йöзлöн асланыс культура, кыв да история дорö матыстчöмын.

Конгресс уджыс муніс нёль секция кузя: йöзöс юöртан средствояс да информационнöй системаяс; культура; йöзлöн дзоньвидзалун, демография да экология; кыв да велöдчöм.

2004 воын Консультативнöй комитетö пырисны выль йöз. ККФУН заседание вылын Выруын (апрель, 2004 во) комитетö примитісны квенъясöс (Норвегия) да сетуясöс (Эстония да Россия), кодъяс водзынджык вöліны видзöдысьясöн.

Конгресс вылын пасйыссис, мый мортлысь, вужвойтырлысь да ичöт лыда войтырлысь правояссö дорйöмыс пырö оз сöмын страналöн пытшкöсса политика уджö, но и лоö став войтыркостса сообществолöн могöн. Сы вöсна зэв коланаöн лоö мортлöн правояс кузя да ичöт лыда войтыр правояс кузя войтыркостса стандартъяссö национальнöй законодательствоö пыртігöн вöдитчыны и юридическöй боксянь вына войтыркостса правовöй позянлунъяса механизмöн.

Такöд йитöдын зэв коланаöн водзö вылö петкöдчö став странаяслöн ёртасьöм войтыркостса уна сикас организацияын, медводз, Европаса Сöветын да ОБСЕ-ын, а Венгрия, Финляндия да Эстония - Европаса Союзын.

Бöръя кадö тыдовтчö, мый унджык финн-йöгра да самодийскöй войтырлöн лыдыс, ас кывйöн вöдитчöмыс чинö. Медся ёна чиніс том поколениеыс сэні, кöні ас национальнöй культура серти сöвмыны позянлуныс абу.

Конгресс вöзйис Консультативнöй комитетлы 2006 воын котыртны финн-йöгра да самодийскöй войтырлысь войтыркостса конференция, медым анализируйтны, кыдзи вочасын пöртсьöны олöмö тайö Конгрессыслöн вöзйöмъясыс, паськыда йöзöдны юöр сетан средствоясын сылысь кывкöртöдъяссö.

Конгресс пасйис, мый зэв коланаторйöн лоис Эстониялöн да Венгриялöн Европаса Союзö пырöмыс. Европаса Союз да Россия Федерация костын йитöд водзö сöвмöмыс восьтö став финн-йöгра да самодийскöй войтыръяс костын ёртасьöм вылö выль бур позянлунъяс. Татшöм уджö том йöзлöн пырöдчöмыс ышöдö водзö сöвмöдны öтмунöм.

 

Финн-йöгра войтырлöн ставмирса V конгресс.

2008 вося июнь 27-30 лунъяс, Ханты-Мансийск кар.

 

2008 вося июнь 28-30 лунъясö Ханты-Мансийск карын (Ханты-Мансийскöй автономнöй кытш - Югра, Россия Федерация) муніс финн-йöгра войтырлöн V Ставмирса конгресс.

Сылöн уджын участвуйтісны 21 финн-йöгра да самодийскöй войтырсянь 300-ысь унджык делегат, власьт тэчасъяс петкöдлысьяс, войтыркостса организацияяссянь йöз, йöзöс юöртан средствоясын уджалысьяс, учёнöйяс, культураса да искусствоса уджалысьяс. Конгресс уджын участвуйтісны Венгрияса, Россияса, Финляндияса да Эстонияса президентъяс. Тайö висьталö сы йылысь, мый финн-йöгра ёртасьöмлöн зэв ыджыд тöдчанлуныс.

Конгресслöн медшöр темаыс - "Мирлöн öткодьлун да вежласьöм" Конгрессыс уджаліс вит секция кузя: "Этнополитика да право", "Культура", "Кыв да велöдчöм", "Медиа да йöзöс юöртан средствояс", "Йöзлöн дзоньвидзалун, демография да семья".

Конгрессын уджалігöн участвуйтысьяс пасйисны уна бур вежсьöм, кутшöмъяс лоины бöръя воясö. Конгресс петкöдліс финн-йöгра да самодийскöй войтыр да налысь культура видзан да сöвмöдан туйвизьлысь кыдзи став йöз рöдлысь озырлун видзöмын коланлунсö да тöдчанлунсö.

V Ставмирса конгресслöн уджын кывкöртöдъяс серти вöлі примитöма Резолюция, кöні индöма водзö вылö нёль вося уджын медшöр туйвизьяс. Сэні пасйöма, мый неправительственнöй организацияясыс, сы лыдын финн-йöгра да самодийскöй войтырлöн национальнöй организацияясыс, лоöны финн-йöгра странаясын гражданскöй общество медшöр стрöитысьясöн.

Резолюцияын пасйыссьö, мый бур вежсьöмъяс вылö видзöдтöг, унджык финн-йöгра да самодийскöй войтырлöн лыдыс чинö, öнія мирын ортсыса гöгöртас вöсна öткодьлуныс вежсьö. Öнія ситуациясö тöд вылö босьтöмöн конгресс вöзйис этнополитика да правояс, кыв кузя правояс да велöдчöм, культура, йöзöс юöртан средствояс да юöр сетан системаяс, демография, йöзлысь дзоньвидзалун видзöм да экология юкöн кузя примитны торъя решениеяс.

Конгресс лыддьö, мый бöръя нёль вонас мортлысь да вужвойтырлысь правояс доръян юкöнын лои ыджыд вермöм: 2007 вося сентябр 13 лунö ООН-лöн Генеральнöй Ассамблея примитіс Мирса вужвойтырлöн правояслысь Декларация, кутшöмöс войтыркостса сообщество вужвойтыръяскöд öтвылысь дасьтіс 20 воысь дырджык. Тайö историческöй документсö дасьтігöн Финн-йöгра войтырлöн Консультативнöй комитет 1993 восянь участвуйтіс вужвойтырьяс кузя ООН-лöн уджалан группаса быд вося сессияясын (Женева) да Мирса вужвойтыр правояслöн Декларация бала помöдз лöсьöдöм кузя ООН-лöн уджалан группаын.

Зэв коланаöн татшöм могъяссö решитöмын лоö войтыркостса ёртасьöм, медводз, став Европалöн ёртасьöм. Финн-йöгра войтыръяс озырмöдöны Европалысь культурнöй унапöлöслунсö да отсалöны нуöдны Россия да Европаса Союз костын öта-мöдкöд культура кузя сёрни.

Конгресслöн уджын вöлі Финн-йöгра войтырлöн Консультативнöй комитетса заседание, кöні веськöдлысьнас бара бöрйисны В.П. Марковöс.

 

email home map

Форум Арктика
Российский инвестиционный форум
Система-112
Инвестиционный портал Республики Коми
Региональный раздел Республики Коми на федеральном Информационном портале об Оценке регулирующего воздействия

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Открытая Республика

Торгово-промышленная палата Республики Коми

Разработка сайта — веб-студия «Цифровой Век»