Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Сыктывкарын воссис “Уна челядя Россия” дінмукостса форум

19.04.2019

Сылӧн мог – семьялысь тӧдчанлунсӧ кыпӧдӧм, уна челядя семьяяслы лӧсялана юалӧмъяссӧ дискуссияяс дырйи видлалӧм, найӧс збыльмӧданногъяс индӧм да опытӧн юксьӧм. Коми Республикаса Юралысь Сергей Гапликов чолӧмаліс форумӧ пырӧдчысьясӧс – уна челядя бать-мамӧс, общественникъясӧс да экспертъясӧс.

Регионса Юралысь аттьӧаліс Россияса да Коми Республикаса ӧтйӧза палатаясӧс, а сідзжӧ Уна челядя семьяяскӧд уджалӧм серти ӧтйӧза организацияяслӧн ставроссияса котырӧс тӧдчана форум нуӧдӧмысь.

“Ми гӧгӧрвоам, мый ӧні и ӧти кагасӧ быдтыны абу кокни. А чужтыны да быдтыны куим, нёль, вит челядьӧс – тайӧ збыль подвиг. Миян мог – отсавны тіянлы, кывзыны тіянлысь вӧзйӧмъяснытӧ да збыльмӧдны найӧс ӧтув, медым кыпӧдны уна челядя семьялысь социальнӧй статуссӧ да бурмӧдны сылысь оланногсӧ, – тӧдчӧдіс Сергей Гапликов. – Канму да республикаса власьт органъяс торйӧн бура видзӧдӧны челядя семьяяслы отсалӧм да чужӧм челядьлысь лыдсӧ содтӧм бӧрся. Тайӧ могыс йитчӧма “Демография” федеральнӧй национальнӧй проект да мукӧд проект збыльмӧдӧмкӧд. Семья – канму сӧвмӧдан, йӧзлысь олӧмсӧ бурмӧдан подув. Та вӧсна Россия Федерацияса Президент Владимир Владимирович Путин пуктӧ уна вын, медым отсавны семья институтлы да дорйыны сійӧс”.

Комиын олӧ 10 сюрс гӧгӧр уна челядя семья. Налы отсалӧм могысь республикаса Юралысь шуис нюжӧдны дінму семейнӧй капитал мынтан кадколастсӧ. Россияса Рытыв-Войвылын сылӧн мындаыс медыджыдъяс лыдын. Сідзжӧ нӧшта на куим во нӧбасьысь аньяс, кодъяс олӧны регионса сьӧкыда воӧдчан кар-сиктъясын, вермасны бергӧдны республикаса медицина учреждениеясӧ ветлӧмысь да бӧр туйысь сьӧм.

Колян во заводитісны ӧнъяӧдны челядьлы поликлиникаяс. Дзоньталӧма нин Сыктывкарса да Ухтаса челядьлы поликлиникаяс, 11 муниципалитетын челядьлы медицина учреждениеясӧ ньӧбӧма ӧнія медицина оборудование. 2020 во помӧдз кӧсйӧны ӧнъяӧдны нӧшта 31 поликлиника, а 17 муниципалитетын – поликлиника юкӧн.

Республикаын куим арӧса да ыджыдджык арлыда челядьӧс детсадйӧ местаясӧн могмӧдӧм серти ӧчередьыс абу. Локтан 3 воӧ лӧсьӧдасны нӧшта сюрс выль места, медым детсадъясӧ вермисны ветлыны кык тӧлысся арлыдсянь челядь.

Республикаса удж да социальнӧя доръян министерство отсалӧ семьяяслы, кодъяслӧн чӧжӧсыс абу уна да кӧні чужис медводдза кага, босьтны быдтӧлысся президентскӧй мынтӧм. Дасьтӧны збыльмӧдӧм вылӧ Семейнӧй социальнӧй контракт пыртӧм серти пилотнӧй проект.

Форум дырйи кутас уджавны 3 секция: “Уна челядя семьяяслы социальнӧя отсалӧм”, “Уджаланін – уна челядя семья”, “Гражданалӧн водзмӧстчӧмъяс да уна челядя бать-мамлӧн ӧтйӧза ӧтувъяс кыдзи канму могъяс збыльмӧданног”. Сідзжӧ лоасны юристъяскӧд консультацияяс да тренингъяс сы серти, кыдзи бурмӧдны уна челядя семьяяслысь олан условиеяссӧ.

Фотографияяс

 

email home map
Региональная горячая линия 8-800-200-8212
ОСТАЛОСЬ ДНЕЙ

IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Российский инвестиционный форум

Витрина закупок Республики Коми

Портал государственных услуг РФ
Цифровое эфирное телевидение
Активный регион Республика Коми

Официальный интернет-портал правовой информации

© 2019 ГАУ РК «ЦИТ»