Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Коми босьтіс модельнӧй библиотекаяс дасьтӧм вылӧ 55 миллион шайт мында федеральнӧй субсидия

18.04.2019

Рытыв-Войвыв регионъяс пӧвстын миян республика босьтіс медуна сьӧм. Ставнас та вылӧ Рытыв-Войвыв федеральнӧй кытшса субъектъяслы вичмӧдӧма 145 миллион шайт. Та йылысь юӧртіс регионса культура министр Сергей Емельянов. Талун республикаса Веськӧдлан котырлӧн заседание дырйи сійӧ сёрнитіс “Культура” национальнӧй проект збыльмӧдӧм йылысь докладӧн.

“Культура” национальнӧй проектӧ пырӧ куим федеральнӧй проект: “Культура гӧгӧртас”, “Творческӧй йӧз”, “Цифрӧвӧй культура”. Сідзжӧ проектын индӧма кык медшӧр торъя мога петкӧдлас – тайӧ 2024 во кежлӧ культура организацияясӧ ветлӧмсӧ 15% вылӧ да цифрӧвӧй культура ресурсъясӧн вӧдитчӧмсӧ 5 пӧв содтӧм.

“Культура гӧгӧртас” проект серти Комиын котыртасны 9 модельнӧй муниципальнӧй библиотека. Тайӧ сетас позянлун йӧзлы вӧдитчыны став юӧрӧн, бурмӧдас библиотекаын йӧзӧс могмӧдӧмсӧ.

Россияса культура министерстволӧн отсӧгӧн 2022 во кежлӧ Сыктывкарын кӧсйӧны котыртны культура сӧвмӧдан шӧрин. Та вылӧ вичмӧдасны 159 миллион шайт мында федеральнӧй сьӧм. Ӧні уджалӧны сы вылын, медым сетны Шӧрин проектируйтӧм вылӧ му участок. Уна мога культура шӧринын лоасны концертъяс да кино петкӧдлан залъяс, сервиснӧй зонаяс. Сэні позяс коллявны прӧст кад челядьлы да верстьӧ йӧзлы.

Сідзжӧ кӧсйӧны котыртны да капитальнӧя дзоньтавны сикт-грездъясын культура да прӧст кад коллялан 14-ысь унджык учреждение. Медводзӧн – Вуктыл районса Пӧдчерем сиктысь, Чилимдін районса Мӧскашор сиктысь, Усинск районса Денисов сиктысь социокультурнӧй шӧринъяс, Княжпогост районса Чимиавӧрӧк сиктысь культура керка.

Россияса культура министерство отсӧгӧн челядьлы 16 искусство школаӧ да 2 колледжӧ ньӧбасны шылада инструментъяс да торъя оборудование. Тайӧ сетас позянлун содтыны Коми Республикаса челядьлы искусство школаясын да училищеясын велӧдчысьяслысь лыдсӧ.

Челядьлы 5 искусство школаын да Коми Республикаса искусство колледжын материально-техническӧй базасӧ бурмӧдӧм да найӧс оборудованиеӧн могмӧдӧм вылӧ таво вичмӧдӧма 30 миллион шайт.

Россияса культура министерство отсӧгӧн 2024 воӧдз Коми Республикаӧ воас 10 выль автоклуб. Автотранспорт отсӧгӧн позяс сетны концертъяс, могмӧдны библиотекаӧн, нуӧдны челядьлы прӧст кад коллялан да тӧдӧмлун сетан удж сэні, кӧні культура керкаясыс абуӧсь.

Водзӧ кутасны лӧсьӧдны выль кинозалъяс, выльмӧдны регионса да муниципальнӧй культура керкаяс.

 

 

email home map
Региональная горячая линия 8-800-200-8212
ОСТАЛОСЬ ДНЕЙ

IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Российский инвестиционный форум

Витрина закупок Республики Коми

Портал государственных услуг РФ
Цифровое эфирное телевидение
Активный регион Республика Коми

Официальный интернет-портал правовой информации

© 2019 ГАУ РК «ЦИТ»