Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

2019 воын Коми Республикаса школаӧдз велӧдан организацияясын лӧсьӧдасны 300 выль места

16.01.2019

Та йылысь Коми Республикаса Юралысь Сергей Гапликовлы юӧртіс регионса Велӧдан, наука да том йӧз политика министрлысь могъяссӧ олӧмӧ пӧртысь Наталья Якимова. Сідзжӧ сійӧ тӧдмӧдіс Юралысьӧс 2018 воын велӧдан юкӧн сӧвмӧдӧмын кывкӧртӧдъясӧн да таво кежлӧ могъясӧн.

Казьтыштам, Коми Республикаын збыльмӧдӧма 3 арӧссянь 7 арӧсӧдз челядьӧн школаӧдз тӧдӧмлун босьтны позянлунсӧ могмӧдӧм серти Россия Федерацияса Президентлысь тшӧктӧмсӧ. Талун кежлӧ тайӧ петкӧдласыс 100%. Ӧні медшӧр могыс – могмӧны яслиӧ ветлысь челядьӧс детсадйӧ местаясӧн.

2018 воын республикаса школаӧдз велӧдан учреждениеясын пыртӧма 3 арӧсӧдз челядьлы 250 места. Сы лыдын 170 – детсадъясын жыръяс выльысь оборудуйтӧмӧн, 80 – олан жыръяс ньӧбӧмӧн да мукӧд ногӧн.

“Комиын серпасыс Россия Федерация да Рытыв-Войвыв федеральнӧй кытш серти бурджык. 3 арӧсӧдз челядьӧс местаясӧн могмӧдан тшупӧдыс 91,6%. Детсадйӧ оз на ветлӧдлы 1300 гӧгӧр кага. Торйӧн нин сэні, кӧні чужӧм челядьлӧн лыдыс пыр содӧ – тайӧ Сыктывкар, Сыктывдін, Кӧрткерӧс да Кулӧмдін районъяс. Но во помӧдз “Демография” национальнӧй проект серти ми кӧсъям кыпӧдны тайӧ петкӧдлассӧ 94 прӧчентӧдз”, - юӧртіс министрлысь могъяссӧ олӧмӧ пӧртысь.

Таво тайӧ могъяс вылӧ федеральнӧй да республиканскӧй сьӧмкудъясысь вичмӧдасны 378 миллионысь унджык шайт.

Коми Республикаса Юралысьлӧн тшӧктӧм серти водзӧ нуӧдасны консультация сетан пунктъяс лӧсьӧдӧм серти удж. Пунктъясын сетӧны психолого-педагогическӧй отсӧг бать-мамлы, кодъяслӧн челядьыс оз на велӧдчыны школаын. Отсӧгсӧ сетӧны велӧдысь-логопед, велӧдысь-дефектолог, педагог-психолог. 14 муниципалитетын уджалӧ нин 79 консультация сетан пункт. Могыс – восьтыны татшӧм пунктъяссӧ став муниципалитетын.

 

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Российский инвестиционный форум

Витрина закупок Республики Коми

Портал государственных услуг РФ
Цифровое эфирное телевидение
Активный регион Республика Коми

Официальный интернет-портал правовой информации

© 2019 ГАУ РК «ЦИТ»