Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Валерий Козлов аттьӧаліс Сергей Гапликовӧс выль коммунальнӧй техника ньӧбӧмын отсалӧмысь

16.01.2019

Удж серти аддзысьлігӧн мэр юӧртіс Коми Республикаса Юралысьлы, кыдзи Сыктывкарса оланін да коммунальнӧй службаяс уджалӧны тӧлын.

“Выльвося гажӧдчан лунъясӧ ме да менам вежысьяс пыр кутім контроль улын лым весалӧм серти юалӧмъяссӧ. Верма шуны, мый уличьяссӧ весалісны бура. Ӧткымын веськӧдлысь компания дорӧ эмӧсь норасьӧмъяс йӧръяс весалӧм серти. Юалӧмъяс кузя уджалам водзӧ, ачым ветлывла видзӧдлыны улич-йӧръяссӧ. Вочавидзам и “Водзмӧстчысь регион” порталын меститӧм юӧр вылӧ. Зэв ыджыд аттьӧ выль техникаысь. Сійӧс пасйӧма нин. Войся сменаӧ уджалӧ лым весалан 30-50 техника. Луннас – 20-25 единицаӧдз”, - юӧртіс Валерий Козлов.

Казьтыштам, республикаса Юралысьлӧн грант отсӧгӧн ӧшым тӧлысьӧ карса администрация ньӧбис “КО-806” кык комбинированнӧй машина, “Ant-750” кык мини-погрузчик, “Бродвей” прицепнӧй чышкысян-идралан машина, “ЭД244КМ” комбинированнӧй машина.

Коми Республикаса Юралысь тшӧктіс торйӧн бура видзӧдны спортивнӧй стадионъяс, скверъяс, паркъяс бӧрся, кӧні радейтӧны шойччыны олысьяс.

Сідзжӧ Валерий Козлов юӧртіс чорыд коммунальнӧй шыбласъясӧн (ЧКШ) вӧдитчан выль система уджӧ пыртӧм йылысь.

“Оз тырмыны контейнеръяс да бункеръяс ас керкаяс дорын. Дінмуса операторкӧд ми уджалам мытшӧдъяс сертиыс. Кӧні колӧ, сувтӧдам контейнеръяс да бункеръяс. Йӧзыслӧн эмӧсь юалӧмъяс тшӧтъяс артмӧдӧм серти. Ми нуӧдам гӧгӧрвоӧдана удж, отсалам гижны выльысь рӧштшӧт вӧчӧм вылӧ шыӧдчӧмъяс. Сідзсӧ, гажӧдчан лунъясӧ шыбласъяс нуӧмын тӧдчана мытшӧдъясыс эз вӧвны”, - пасйис мэр.

“Тайӧ уджкӧд йитчӧм став юалӧмсӧ быть колӧ ладмӧдны. Йӧзыслы колӧ стӧча тӧдны, мыйысь найӧ вештысьӧны, мый услугасӧ сетӧны бура. Сэки и шуасьӧмъясыс да норасьӧмъясыс оз лоны. Сэні, кӧні контейнерыс да бункерыс оз тырмы, позьӧ вӧдитчыны мукӧд позянлунӧн. Кыдзи тайӧс вӧчисны ӧти районын, кӧні ме вӧлі неважӧн”, - вӧзйис регионса Юралысь.

 

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми


Витрина закупок Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2019 ГАУ РК «ЦИТ»