Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

2019 во лоас зэв тӧдчанаӧн Сыктывкар бурмӧдӧм-мичмӧдӧмын

16.01.2019

Та йылысь Коми Республикаса Юралысь Сергей Гапликовкӧд удж серти аддзысьлігӧн юӧртіс мэр Валерий Козлов. Регионлӧн юркарса юрнуӧдысь висьталіс туйяс, подӧн ветланінъяс да йӧръяс дзоньталан, шойччан зонаяс бурмӧдан да “Карын бур оласног лӧсьӧдӧм” верктуя проект збыльмӧдан планъяс йылысь.

2019 воын кӧсйӧны бурмӧдны-мичмӧдны Коммунистическӧй улича Сӧветскӧй уличасянь Киров уличаӧдз.

“Сергей Анатольевич, Тіянӧн сетӧм грант вылӧ колян во нуӧдӧма инженерно-геодезическӧй корсьысьӧмъяс, проектируйтӧм серти уджъяс, урчитӧма донсӧ – 37 миллион шайт. Ӧні нуӧдӧны сметнӧй дон серти экспертиза. Сійӧс эштӧдӧм бӧрын, ода-кора тӧлысся праздникъяс бӧрын кутам уджавны та серти”, - висьталіс Валерий Козлов.

Тайӧ уджъяссӧ помалӧм бӧрын кӧсйӧны заводитны Коммунистическӧй улича, Стефан нима изэрд мичмӧдӧм серти мӧд этап. Тайӧ участок серти уджъяс вылӧ медводдза донсӧ урчитӧма 100 миллион шайт.

Таво “Карын бур оласног лӧсьӧдӧм” верктуя проект серти “Стрӧитель” микрорайонын мичмӧдасны карса парк. Колян во сійӧс бӧрйисны карсаяс. Ӧні помалӧны нуӧдны сметнӧй дон серти экспертиза (сійӧ лоис 35 миллион гӧгӧр шайт).

Водзӧ вылӧ кӧсйӧны бурмӧдны Первомай улича вылын Варччан шӧр бассейн водзсӧ. Тайӧ проектсӧ помаласны 2020 воӧ. Медводдза доныс – 59 миллион шайт.

Таво 440 миллион шайт веськӧдасны Сыктывкарса уличаяс дзоньталӧм вылӧ, 35 миллион шайт – тротуаръяс стрӧитӧм да дзоньталӧм вылӧ, 8 миллионысь унджык шайт – газонъяс лӧсьӧдӧм вылӧ, 8 миллионысь этшаджык шайт – автобус сувтланінъяс выльмӧдӧм вылӧ.

“Сьӧм сетӧны уна. Та вӧсна карыс быть вежсяс. Тайӧ зэв тӧдчана мог. Йӧзыс важӧн нин виччысьӧны сійӧс збыльмӧдӧмсӧ. Колӧ, медым Коми Республикалы сё во тыригкежлӧ юркарыс мичаммис, медым йӧзыс нимкодясисны сыӧн. Киров нима паркын набережнӧйсӧ колӧ помавны став техническӧй да архитектурнӧй аслыспӧлӧслунъяссӧ тӧд вылӧ босьтӧмӧн, медым сійӧ кажитчис йӧзыслы,” – казьтыштіс Сергей Гапликов.

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми


Витрина закупок Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2019 ГАУ РК «ЦИТ»