Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Сергей Гапликов сёрнитіс регионӧн Веськӧдлан котырса вице-премьеръяскӧд 2019 во вылӧ медшӧр могъяс йылысь

15.01.2019

Коми Республикаса Юралысь кывзіс регионса олӧмӧ пӧртысь власьт органъяслӧн выльвося да рӧштвося гажъяс дырйи удж йылысь, а сідзжӧ республикаӧс социальнӧй да экономика боксянь сӧвмӧдӧмын петкӧдласъясӧдз воӧдчӧм, юкӧнъяс сӧвмӧдӧм, Россия Федерацияса Президентлысь “майскӧй индӧдъяс” олӧмӧ пӧртӧм, федеральнӧй уджтасъясӧ пырӧдчӧм да Национальнӧй проектъяс збыльмӧдӧм кежлӧ дасьтысьӧм серти Веськӧдлан котырлӧн уджын шӧракостса бӧртасъяс йылысь докладъяс.

“Бӧръя 2 воӧн промышленнӧй производство индексыс медводдзаысь кутчысьӧ сё прӧчентысь вылынджык тшупӧдын, тӧдчымӧн содіс оланінъяс пыртӧм серти став петкӧдласыс, пӧртӧма олӧмӧ Президентлысь удждон серти майскӧй индӧдъяс, тырвыйӧ видзӧма 2018 воысь федеральнӧй субсидияяс. Такӧд ӧттшӧтш ми заводитам федеральнӧй субсидияяс кыскӧм да федеральнӧй тшупӧда профильнӧй министерствояскӧд национальнӧй проектъяс серти Артмӧдчӧмъяс кырымалӧм серти ыджыд удж. Кадколастыс – урасьӧм тӧлысь 15 лунӧдз. Национальнӧй проектъяс збыльмӧдан могъяссӧ тӧд вылӧ босьтӧмӧн Каналан Сӧветлӧн мартся заседание кежлӧ ми дасьтам сьӧмкуд стӧчмӧдӧм серти вӧзйӧмъяс”, - юӧртіс республикаса Веськӧдлан котырӧн Юрнуӧдысьӧс Медводдза вежысь Лариса Максимова.

Вице-премьер Наталья Михальченкова юӧртіс челядькӧд ыджыд мероприятиеяс нуӧдӧм да социальнӧй юкӧнса проектъяс стрӧитӧм серти 2019 во вылӧ медшӧр могъяс йылысь. Торйӧн нин кутасны уджавны республикаса школаясын кык сменаӧн велӧдчӧмсӧ бырӧдӧм да яслиӧ ветлысь челядьлы местаяс вичмӧдӧм серти.

Водзӧ стрӧитӧны 5 школа: Сыктывкарын, Кулӧмдін районса Помӧсдін сиктын, Сыктыв районса Визин сиктын да Сыктывдін районса Час сиктын. Збыльмӧдны проектъяссӧ кӧсйӧны и Вуктыл районса Дутов сиктын да Мылдін районса Приуральскӧй посёлокын, а сідзжӧ Изьва районын. Муниципалитетъяслы колӧ дасьтыны участокъяс да проектъяс, медым пырӧдчыны верктуя национальнӧй проектлӧн мероприятиеясӧ.

Вице-премьер Константин Лазарев юӧртіс чорыд коммунальнӧй шыбласъясӧн (ЧКШ) вӧдитчӧм серти выль система пыртӧм йылысь. Казьтыштам, сійӧс пыртӧны страна пасьта. Сылӧм могыс – бурмӧдны экология боксянь серпассӧ. Комиын чорыд коммунальнӧй шыбласъясӧн вӧдитчӧм серти уджысь кывкутӧ дінму оператор – “Ухтажилфонд” ичӧт кывкутана котыр.

Коми Республикаса Юралысь Сергей Гапликов тшӧктіс ладмӧдны дінму операторкӧд ӧтувъя уджсӧ, медым ЧКШ-ӧн вӧдитчан выль системаыс уджаліс торксьытӧг. А та бӧрся видзӧдны тшӧтш колӧ корны общественникъясӧс.

Лунӧн водзджык, Кулӧмдін районын вӧлі йӧзкӧд медводдза аддзысьлӧм, кытчӧ регионса Юралысьлӧн тшӧктӧм серти пырӧдчисны профильнӧй министерствоясысь специалистъяс. Дінму операторӧс петкӧдлысьяскӧд ӧтвылысь найӧ сетісны гражданалы гӧгӧрвоӧдӧмъяс. Татшӧм аддзысьлӧмъяссӧ кӧсйӧны котыртны республикаса быд муниципалитетын.

 

 

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми


Витрина закупок Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2019 ГАУ РК «ЦИТ»