Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Бур вӧчӧм — тайӧ абу сӧмын удж, тайӧ сьӧлӧм тшӧктӧм

08.06.2018

Коми Республикаса Юралысь Сергей Гапликов чолӧмаліс йӧзӧс социальнӧя доръян службаын уджалысьясӧс. Коми Республикаын тайӧ юкӧнын уджалӧ 5 сюрсысь унджык морт. Талун вӧлі Коми республикаса филармонияын Социальнӧй уджалысьлӧн лунлы сиӧм кыпыд собрание.

“Тіян бӧрйӧм удж абу кокни. Отсавны пикӧ воӧм йӧзлы сьӧкыд. Тайӧ босьтӧ уна вын. Но ті югдӧданныд олӧмсӧ йӧзлы, код вӧсна тӧждысянныд, и найӧ эскӧны тіянлы, - шыасис социальнӧй уджалысьяс дінӧ регионса юралысь. - Ми вӧчам ставсӧ, медым йӧзлӧн социальнӧй службаяслы эскӧмыс пыр содіс. Аттьӧ тіянлы тіян шоныдысь, вын жалиттӧг сьӧлӧмсянь уджалӧмысь. Мед став бурыс, мый ті вӧчанныд йӧзлы, бӧр бергӧдчас тіянлы уна пӧв”.

Коми Республикаса Юралысь сетіс канму наградаяс.

Коми Республикаса йӧзӧс социальнӧя доръян системаӧ пырӧ 59 канму учреждение да 11 асшӧрлуна абу коммерческӧй организация. Социальнӧй уджалысьяс син улын 270 сюрсысь унджык республикаса олысь. Тайӧ войнаса да уджвывса ветеранъяс, олӧма, вермытӧм йӧз, бать-мамтӧм челядь, челядя семьяяс, судзсьытӧма олысьяс, пикӧ воӧм йӧз.

Комиын тайӧ юкӧныс бура сӧвмӧ. Колян воӧ Россия Федерацияса Президент Владимир Путинлӧн тшӧктӧм серти республикаын урчитӧм кадысь водз бырӧдісны Коми Республикаса психоневрологическӧй керка-интернатъясӧ ӧчередьяссӧ. Гортын социальнӧй могмӧдӧмыс вуджис социальнӧй нырвизя абу коммерческӧй организацияяс киӧ. Быд сикас социальнӧй отсӧг сетӧны ас кадӧ да тырвыйӧ.

 

***Коми Республикаса Юралысьлӧн Индӧдӧн Коми Республикалӧн бура сӧвмӧм вылӧ уна во зіля уджалӧмысь Почёт грамотаӧн пасйӧма:

Надежда Леонидовна Порядинаӧс – Емдін районса йӧзӧс уджӧн могмӧдан шӧринлӧн маркетинг да удж сетысьяскӧд йитӧд сӧвмӧдан юкӧнса начальникӧс;

 

Коми Республикаса Юралысьлӧн тшӧктӧмӧн уджын вермӧмъясысь да Коми Республикалӧн бура сӧвмӧм вылӧ уна вося бур уджысь “Коми Республика водзын заслугаясысь” отличие пас сетӧма:

Жанна Владимировна Брагалы - Усинскса пöрысь да вермытöм йöзлы республиканскöй керка-интернатса директорлы;

 

чина могъяс бура олӧмӧ пӧртӧмысь “Коми Республикалы зэв бура служитӧмысь” отличие пас сетӧма:

Валентина Алексеевна Звирянскаялы – Усинскса пöрысь да вермытöм йöзлы республиканскöй керка-интернатса постӧвӧй медицинскӧй сестралы;

Ольга Васильевна Тарасовалы – Луздор районса олысьясӧс доръян юкӧнын канму услугаяс сетан шöринса семьялы да челядьлы отсöг сетан юкӧнулын социальнӧй удж серти специалистлы;

Наталья Яковлевна Свиденцовалы – Коми Республикаса социальнӧй юкӧнын ветеранлы;

Наталья Анатольевна Черныхлы – Емдін районса олысьясӧс доръян юкӧнын канму услугаяс сетан шöринлӧн мутас шӧринса директор-заведующӧйӧс вежысьлы;

 

Коми Республикаса Юралысьлӧн тшӧктӧмӧн уна во бура уджалӧмысь Коми Республикаса Юралысьлысь Аттьӧалӧм сетӧма:

Лариса Васильевна Буялолы - Луздор районса олысьясӧс доръян юкӧнын канму услугаяс сетан шöринса котыртан да консультация юкӧнулын социальнӧй удж серти специалистлы;

 

челядь быдтӧмын заслугаясысь да уна во бура уджалӧмысь:

Ольга Пантелеймоновна Савельевалы – Емдін районса тыр арлыдтӧмъясӧс социальнӧя реабилитируйтан шӧринса ичӧт воспитательлы.

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»