Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Выльвося гажӧдчан лунъясӧ экстреннӧй да оперативнӧй службаяс бура видзисны Коми Республикаын олысьяслысь безопасносьтсӧ

09.01.2018

Коми Республикаса Юралысь Сергей Гапликов нуӧдіс сӧвещание, кӧні вӧчисны кывкӧртӧдъяс Выль во да Рӧштво дырйи йӧзлысь безопасносьт могмӧдӧм, оланін да коммунальнӧй овмӧслӧн удж серти. Сӧвешаниеӧ пырӧдчисны Регионса Веськӧдлан котырӧн Юрнуӧдысьӧс Медводдза вежысь Лариса Максимова да Коми Республикаса Юралысьлӧн Администрацияӧн Юрнуӧдысь Михаил Порядин.

Лариса Максимова юӧртіс, мы таво выльвося гажӧдчан лунъясӧ йӧзлысь олӧм могмӧдан объектъяс вылын кольӧм во серти аварияыс вӧлі этшаджык. Тӧвшӧр тӧлысь 2-3 лунъясӧ нуӧдісны оланін да коммунальнӧй, биару да энергетика овмӧсса объектъяс вылын аварияяс бырӧдӧм серти тренировкаяс. Мобилизация тшупӧд петкӧдліс и бурторсӧ, и тырмытӧмторъяссӧ. Таво ведомствояс дасьтысисны бурджыка кольӧм во серти. Тайӧс пасйисны и МЧС-са уджъёртъяс.

Выль во паныд, ӧшым тӧлысь 30 лунӧ, Кӧрткерӧс сиктын котельнӧйын орис мазутопровод, мазутыс ӧзйыліс. Тайӧ лоӧмтор понда 281 олан керкаӧ да шӧр больничаӧ дугдіс воны шоныд. Виччысьтӧмторсӧ службаяс бырӧдісны ӧти часӧн. Коми Республикаса Юралысьлӧн тшӧктӧм серти лоӧмторйыслысь помкаяссӧ туялісны, филиалса юрнуӧдысьяссӧ да уджалысьяссӧ дисциплинарнӧя мыждасны, - тӧдчӧдіс председательӧс вежысь.

Эмӧсь элясьӧмъяс Сыктывкарса веськӧдлысь компанияяс да коммунальнӧй службаяс дорӧ туй-йӧр весалӧм серти. Коми Республикаса Юралысь тшӧктіс карса администрациякӧд да дӧзьӧр нуӧдысь органъяскӧд ӧттшӧтш туявны веськӧдлан компанияяслысь уджаланногсӧ да кыскыны кывкутӧмӧ сійӧ организацияяссӧ, кодъяс оз колана ногӧн вӧчны уджсӧ, вермасны дугӧдны лицензиясӧ.

“Ӧткымын муниципалитетын лым весалӧм серти уджсӧ котыртӧма абу колана ногӧн.  Ме ачым унаысь ӧлӧдлі татшӧм ногӧн уджалӧмысь. Ме ветлі миян лунвыв районъясӧ, аддзылі Кулӧмдінӧ да Ухтаӧ нуӧдысь весавтӧм трассаяс”, - пасйис Сергей Гапликов.

Коми Республикаса Юралысь тшӧктіс юӧртны, мыйта шыӧдчӧм воис гажӧдчан лунъясӧ веськыд йитӧда телефон пыр, кытысь, кыдзи вӧлі котыртӧма на серти уджсӧ муниципалитетъясын. Юралысь корис вӧчны вежон помӧдз отчёт сы серти, кӧні бура разисны мытшӧдъяссӧ, а кӧні йӧзыслысь юалӧмъяссӧ эз и решитны. Пасйис, мый сёрнитасны на та серти да примитасны лӧсялана помшуӧмъяс.

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Витрина закупок Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2017 ГАУ РК «ЦИТ»