Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

2018 воын “Газпром межрегионгаз” компания чукӧр сетӧ Коми Республикалы 2 миллиард шайт мында инвестиция

06.01.2018

Та йылысь Коми Республикаса Юралысь Сергей Гапликовлы юӧртіс “Газпром межрегионгаз Ухта” ИКК-са (ичӧт кывкутан котыр) медыджыд директор Павел Курлыгин. Удж серти аддзысьлігӧн найӧ вӧчисны регионса Веськӧдлан котыркӧд 2017 вося ӧтувъя удж серти кывкӧртӧдъяс да видлалісны 2018 во вылӧ планъяссӧ.

“Газпром межрегионгаз” компания чукӧрсӧ Коми Республикаын петкӧдлӧны “Газпром межрегионгаз Ухта” ИКК да “Газпром газораспределение Сыктывкар” АК (акционер котыр) предприятиеяс. Кыдз пасйис Павел Курлыгин, 2017 воын вӧлі збыльмӧдӧма некымын ыджыд проект, сьӧм овмӧс да экономика боксянь воӧдчӧма став петкӧдласъясӧдз, вевтыртӧма производство серти планъяссӧ. Биару нуӧм-вайӧм да вузалӧм серти плансӧ вевтыртӧма 15% вылӧ.

2018 воын Коми Республикаӧс биаруӧн могмӧдан уджтассӧ кутасны збыльмӧдны водзӧ. Уджтас серти “лӧз ломтассӧ” кӧсйӧны вайны-нюжӧдны шӧр да лунвыв районъясӧдз, сідзжӧ и войвывса Воркута карӧдз.

“2017 воын лӧсьӧдім некымын ыджыд проект, 2018 воын заводитам найӧс пӧртны олӧмӧ. Коми Республикаса лунвылын – Визин сиктӧдз, сідзжӧ – Кӧрткерӧс, Сосногорск да Сыктывдін районъясӧ кутас воны биару”, - висьталіс “Газпром межрегионгаз Ухта” ИКК-са медыджыд директор.

Павел Курлыгин сідзжӧ юӧртіс, мый 2017 вося ӧшым тӧлысьӧ “Газпром межрегионгаз” компания чукӧрса медыджыд директор Кирилл Селезнёв вынсьӧдіс 2018 во вылӧ инвестиция серти лимитъяс. На серти Коми Республикалы вичмас 2 миллиард шайт. Тайӧ петкӧдласыс инвестиция ыджда серти странаын мӧд места вылын.

Коми Республикаса Юралысь Сергей Гапликов аттьӧаліс “Газпром межрегионгаз” компания чукӧрӧн юрнуӧдысьяссӧ бура ӧтув уджалӧмысь да висьталіс, мый 2018 во вылӧ став ӧтувъя плансӧ тшӧтш артмас збыльмӧдны.

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»