Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

2018 воын РЖД кутас кыпӧдны Сосногорскын кӧрт туй вокзал

05.01.2018

Та йылысь Коми Республикаса Юралысь Сергей Гапликовлы юӧртіс Войвыв кӧрт туйса начальникӧс вежысь Тимур Шалашнев. Удж серти аддзысьлігӧн найӧ вӧчисны 2017 воын республикаса Веськӧдлан котырлӧн да “РКТ” ВАК-лӧн (восьса акционер котыр) ӧтувъя удж серти кывкӧртӧдъяс.

Тимур Шалашневлӧн кывъяс серти, объект стрӧитан проектсӧ вынсьӧдіс кӧрт туй вокзалъяслӧн дирекция, сы серти эм канму экспертизасянь ошкана заключение. Объект стрӧитан доныс – 270 миллион шайт.

“Талун кежлӧ ми став колана документсӧ кырымалім. Ӧшым тӧлысь 20 лунӧ важ кӧрт туй вокзалын видлалім став техническӧй юалӧмсӧ, коммуникацияяс нюжӧдӧмсӧ. Вайим да сувтӧдім став коммуникацияа модульнӧй здание, кӧні выль вокзал стрӧитігӧн ветлысь-мунысьяс вермасны виччысьны поезд. Кор поводдяыс бурмас, заводитам стрӧитчыны”, - юӧртіс Тимур Шалашнев.

Сосногорскса станцияӧн вӧдитчӧны сизимдас во нин. Ӧнія корӧмъяслы сійӧ оз лӧсяв: абу места, кӧні ветлысь-мунысьяслы позис эськӧ шойччыштны либӧ виччысьны поезд, ваыс да канализацияыс абу жӧ.

Коми Республикаса Юралысь Сергей Гапликов да “Россияса кӧрт туйяс” ВАК-са Президент Олег Белозёров тайӧ проектсӧ олӧмӧ пӧртӧм йылысь сёрнитчисны Петербургын XXI войтыркостса экономика форум дырйи.

Проект серти, выль кӧрт туй вокзал лоас ӧти судтаа, классика стиля стрӧйбаӧн, арталӧма сійӧс 50 морт вылӧ. Стрӧйбасӧ кыпӧдасны сэтшӧм ногӧн, медым сэні челядь, верстьӧ да олӧма войтыр, торйӧн нин, сьӧкыда ветлысь йӧз, вермисны босьтны став колана услугасӧ.

“Нимкодь кывны тайӧ тӧдчана да дыр виччысяна юӧрсӧ. Сосногорскса вокзал лоас республикалы 100 во тыригкежлӧ бур козинӧн”, - пасйис Сергей Гапликов.

Тимур Шалашнев юӧртіс, мый Сосногорскын лӧсьӧдасны выль тэчас юкӧдувъяс. 2017 вося ӧшым тӧлысь 1 лунсянь уджалӧ вагоннӧй депо. 2018 вося тӧвшӧр тӧлысь 1 лунӧ восьтісны “Путевӧй механизируйтӧм часьт”, кытчӧ вуджӧдісны лым зыртан став единица. Содтӧд восьтасны и выль уджалан местаяс.

Войвыв кӧрт туйса начальникӧс вежысь Тимур Шалашневлӧн кывъяс серти, 2018 воын сідзжӧ босьтчасны збыльмӧдны Войвывса широтнӧй ветланін сӧвмӧдан проект. Стӧчджыка кӧ, стрӧитасны Ямало-Ненецкӧй асшӧр кытшса Лабытнанги станцияӧдз кӧрт туй, вӧчасны Обь ю вомӧн пос да йитасны Свердловскса кӧрт туйкӧд.

“Проектсӧ арталӧма 2023 воӧдз. Стрӧитӧмсӧ помалӧм бӧрын грузъяс новлӧдлӧмыс содас 2,5 пӧв”, - гӧгӧрвоӧдіс Тимур Шалашнев.

Фотографияяс

 

email home map
Выборы

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2017 ГАУ РК «ЦИТ»