Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

РУСАЛ ӧтувтчӧм компания отсӧгӧн Княжпогост районын лоас выль социокультурнӧй шӧрин

04.01.2018

Коми Республикаса Юралысь Сергей Гапликов да РУСАЛ ӧтувтчӧм компанияса медыджыд директор Владислав Соловьёв сёрнитісны ёртасьӧмсӧ водзӧ сӧвмӧдӧм, регионлӧн экономикаӧ да социальнӧй юкӧнӧ выль инвестицияяс пыртӧм йылысь.

Бӧръя кык вонас РУСАЛ компания сетіс 3,6 миллиардысь унджык шайт, медым Вежаю-Вӧрыкваса месторождениеын перйыны пыдысьджык бокситсӧ да туявны, мыйта Вылыс Тшугӧрса месторождениеын эм бокситыс. Тайӧ сьӧм вылӧ ньӧбисны мупытшса озырлун перъян оборудование, стрӧитісны рудник, вӧчисны горно-капитальнӧй уджъяс, лӧсьӧдісны туйяс, инфраструктура да отсасян мукӧд объект.

Таво РУСАЛ компаниялӧн да регионса Промышленносьт министерстволӧн ӧтувъя уджалан группа донъяліс Вылыс Тшугӧрса куйланінын боксит перйыны заводитӧм кежлӧ дасьлунсӧ. Сэтчӧс запасыс тырмас 20 вося дугдывтӧг удж вылӧ. Сідзжӧ, 2018 воын кӧсйӧны артавны, уна-ӧ боксит позяс перйыны Тиманын.

Социальнӧй уджъёртасьӧм серти 2017 воын компания вичмӧдіс 10,5 миллион шайт, медым лӧсьӧдны проектнӧй документация да заводитны лэптыны Княжпогост районса Чимиавӧрӧк посёлокын социокультурнӧй шӧрин. 2018 воын объектсӧ эштӧдасны. 2018 воын тайӧ могъяс вылӧ компания урчитӧма 16,5 миллион шайт.

2017 воын республикаын спорт инфраструктура сӧвмӧдӧм вылӧ РУСАЛ компания вичмӧдіс 13,8 миллион шайт. Тайӧ сьӧм вылӧ Сыктывкарса лызьӧн котралан стадионын сувтӧдісны юӧртан табло. Компанияыс тшӧтш босьтчис спонсоравны Коми Республикаса лызьӧн котралӧм серти федерацияӧс да юӧртіс, мый сійӧ дась отсавны котыртны республикаса чемпионат. 2017 вося ӧшым тӧлысьӧ регионса Веськӧдлан котыр да “Боксит Тимана” акционер котыр кырымалісны лызьӧн котралӧм да челядьлы лызь спортӧс сӧвмӧдӧм серти ёртасьӧм да ӧтув уджалӧм йылысь соглашение.

Сергей Гапликов да Владислав Соловьёв воисны ӧти кывйӧ, мый экономикаын да социальнӧй юкӧнын ёртасьӧмсӧ колӧ и водзӧ сӧвмӧдны.

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»