Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Сергей Гапликов: “Вуктылса войтырлӧн водзмӧстчӧмъясыс петкӧдлӧны, кыдзи йӧзкотыр отсалӧ власьтлы”

11.10.2017

Вуктылӧ удж серти ветлігӧн Коми Республикаса Юралысь аттьӧаліс муниципалитетса олысьясӧс асланыс чужанін вӧсна тӧждысьӧмысь да “Войтырлӧн сьӧмкуд” проектын зіля участвуйтӧмысь.

Татшӧм проектъяс пиысь ӧти – Клубно-спортивнӧй комплекслысь йӧр бурмӧдӧм. Регыд тані лоӧ машинаяслы сувтланін. Олысьяс весалісны кушинсӧ кустарникъясысь, шыльӧдісны сійӧс да вайисны гравий. Муниципалитетлӧн сьӧм да внебюджетнӧй сьӧм тшӧт весьтӧ сувтӧдасны шлагбаум да нюжӧдасны би.

“Войтырлӧн сьӧмкуд” проект серти Сопльӧс посёлокын олысьяс стрӧитісны ва босьтан колонка, Пӧдчерем сиктын – дзоньталісны дренажнӧй да канализационнӧй системаяс, лӧсьӧдісны “Коми Республикаса войтырлӧн обрядъяс” этнофестиваль нуӧдан площадка, Вуктылын – сувтӧдісны карса изэрд вылӧ ӧграда, выльмӧдісны нянь пӧжаланінын да столярнӧй цехын оборудование, восьтісны квайтпалич видзан ферма. Сідзжӧ регыдъя кадӧ карын восьтасны кык выль остановка комплекс.

“Войтырлӧн сьӧмкуд” проектлӧн тӧдчанлуныс сыын, мый йӧзыс асьныс бӧрйӧны, мый колӧ вӧчны медводз: кодйыны струба, сувтӧдны челядьлы площадка либӧ выль производство отсӧгӧн лӧсьӧдны выль уджалан местаяс. Найӧ тшӧтш пырӧдчӧны уджас. Кымын зільджыка олысьяс кутасны участвуйтны татшӧм проектъясын, сымын ӧдйӧджык артмас разьны мытшӧдъяссӧ. Вуктылын тайӧ бура тыдалӧ. Олысьяс асьныс босьтчисны уджӧ да вежӧны олӧмсӧ бурлань”, - пасйис Сергей Гапликов.

Казьтыштам, Россияса минфин “Войтырлӧн сьӧмкуд” проект збыльмӧдӧм серти Коми Республикалысь опытсӧ пыртіс медбур практикаяс лыдӧ. Проектыс подуласьӧ тӧдчана социальнӧй юалӧмъяс серти гражданаӧн сетӧм вӧзйӧмъяс вылӧ, медым сӧвмӧдны муниципалитетсӧ. Олысьяс асьныс отсалӧны дасьтыны да збыльмӧдны проектъяссӧ.

 

*** “Войтырлӧн сьӧмкуд” проект заводитісны збыльмӧдны 2016 воын муниципальнӧй юкӧнъясын гражданалӧн чукӧртчылӧмъяссянь. Найӧс нуӧдісны сы могысь, медым тӧдмавны кар-районъяс сӧвмӧдӧмын йӧзлы тӧдчана да экономика боксянь колана юалӧмъяс. Ставнас вӧлі нуӧдӧма 345 чукӧртчылӧм, кӧні участвуйтіс 16 сюрсысь унджык морт. Збыльмӧдӧм вылӧ вӧзйӧма ӧкмыс нырвизь серти 650 унджык проект.

Ведомствокостса комиссия бӧрйис войтырлысь 143 проект:

а) ичӧт да шӧр предпринимательство сӧвмӧдан юкӧнын – 12 проект;

б) культура юкӧнын – 17 проект;

в) физкультура да спорт юкӧнын –14 проект;

г) йӧзӧс уджӧн могмӧдан юкӧнын – 22 проект;

д) кар-районъяс бурмӧдан юкӧнын – 21 проект;

е) туйвывса удж юкӧнын – 21 проект;

ж) агропромышленнӧй комплекс юкӧнын – 6 проект;

з) Коми Республикаын олысь войтырӧс этнокультурнӧя сӧвмӧдан юкӧнын – 10 проект;

и) велӧдан юкӧнын – 20 проект.

2017 воын “Войтырлӧн сьӧмкуд” проект збыльмӧдӧм вылӧ вӧлі урчитӧма 57 млн. шайт: 42 млн. шайт вичмӧдӧма Коми Республикаса 8 канму уджтас пыр, 11,8 млн. шайт – меставывса сьӧмкудъяслӧн сьӧм, 3,2 млн. шайт сетісны регионса предприятиеяс.

Октябр 1 лун кежлӧ збыльмӧдӧма 132 проект, мукӧдсӧ помаласны регыдъя кадӧ.

Проектъяссӧ отсалісны збыльмӧдны 3000 гӧгӧр морт.

Проектъяс збыльмӧдігӧн недыр кад кежлӧ уджӧн могмӧдісны 111 мортӧс. Предпринимательство юкӧнса проектъяс отсӧгӧн Койгорт, Ыб, Выльгорт сиктъясын, Сыктывкарын да Вуктылын лӧсьӧдӧма 30 выль уджалан места.

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»