Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Сергей Гапликов петкӧдлас Россияӧс Европаса Сӧветлӧн меставывса да регионъясса власьтъяслӧн конгрессын

10.10.2017

Россияса Президент Владимир Путинлӧн тшӧктӧм серти Коми Республикаса Юралысь странаса официальнӧй делегацияса составын участвуйтас Европаса Сӧветлӧн меставывса да регионъясса власьтъяслӧн конгресса 33 пленарнӧй сессияын, мый мунас Страсбург карын 2017 вося октябр 17 лунсянь 20 лунӧдз.

Россия Федерацияса Президентлӧн 2016 во сора тӧлысь 21 лунся 217-рп №-а тшӧктӧмӧн вынсьӧдӧма Россияса официальнӧй делегацияӧ пырысьясӧс. Тайӧ тшӧктӧм серти Коми Республикаса Юралысь Сергей Гапликов участвуйтас форумын кыдзи  Европаса Сӧветлӧн меставывса да регионъясса власьтъяслӧн конгресса Регионъяслӧн палатаын Россия Федерацияӧс петкӧдлысьясӧс вежысь.

Сессиялӧн медшӧр тема - “Беженецъясӧс бура интегрируйтӧм могысь децентрализация вылӧ политическӧй туйвизь”. Конгресса участникъяс сёрнитасны коррупциялы паныд удж нуӧдӧм, сиктса районъяс, том йӧз политика сӧвмӧдӧм, этша лыда войтырлы отсӧг сетӧм, аньяслӧн политическӧй олӧмӧ пырӧдчӧм йылысь. Сідзжӧ примитасны Европаса Сӧветӧ ӧткымын пырысь странаын меставывса да регионса тшупӧдын демократиялӧн петкӧдчӧм серти Конгресса документъяс.

2016 воын Сергей Гапликов сідзжӧ участвуйтіс Европаса Сӧветлӧн меставывса да регионъясса власьтъяслӧн конгресса пленарнӧй сессияын странаса официальнӧй делегацияса составын. Сэки форумлӧн темаӧн вӧлі “Меставывса да регионса тшупӧдъясын этика да восьсалун”.

 

***Европаса Сӧветлӧн меставывса да регионъясса власьтъяслӧн конгресс (ЕСМРВК) лоӧ Европаса Сӧветлӧн (ЕС) куим тэчас юкӧдулысь ӧтиӧн.

Аслас статус серти ЕСМРВК лоӧ ЕС-лӧн консультативнӧй органӧн, кытчӧ пырӧны ЕС пырысь канмуяслӧн меставывса да регионъясса власьт органъясӧс петкӧдлысьяс. Министръяслӧн комитет (ЕСМК) да Парламентса Ассамблея (ЕСПА) консультируйтчӧны ЕСМРВК-кӧд юалӧмъяс серти, мыйяс йитчӧмаӧсь Европаса странаяслӧн меставывса да регионъясса власьт органъяслӧн могъяскӧд да медшӧр корӧмъяскӧд.

ЕСМРВК уджлӧн медшӧр нырвизьяс - ЕС странаясын меставывса да регионъясса демократиялысь петкӧдчӧмсӧ туялӧм Меставывса асвеськӧдлӧмлӧн 1985 вося Европаса хартияӧ кутчысьӧм серти.

Тӧдчана ин босьтӧны татшӧм юалӧмъяс, кыдзи: этша лыда войтырлы мутас автономия сетӧм, зумыда сӧвмӧм да миграция серти мытшӧдъяс, культура да велӧдчӧм, каръясын ӧтсӧгласа олӧм, меставывса власьт органъясӧс сьӧмӧн могмӧдӧм да мукӧд.

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»