Обычная версия сайта
Размер шрифта: -A +A

Антитеррористическая комиссия Республики Коми

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Официальный интернет-портал правовой информации

Национальный антитеррористический комитет



НОВОСТИ

Сергей Гапликов: “Быдӧнлӧн эм велӧдысь, коді пуктіс ыджыд пай сылӧн быдмӧм-сӧвмӧмӧ”

05.10.2017

Та йылысь Коми Республикаса Юралысь пасйис кыпыд собрание дырйи, мый вӧлі сиӧма Ставроссияса Велӧдысьлӧн лунлы да “Образование, государство, общество” регионса форум тупкӧмлы.

Республикаса юрнуӧдысь аттьӧаліс форумса участникъясӧс бур уджысь. Форум дырйи паськыда сёрнитісны велӧдан юкӧнын канму политика нырвизьяс йылысь, кывзісны Россияса нуӧдысь экспертъяслысь видзӧдласъяс, индісны республикаса, ставроссияса да войтыркостса медбур практикаяс, дасьтісны вӧзйӧмъяс, медым бура збыльмӧдны велӧдан юкӧнын Россияса Президент Владимир Путинӧн пуктӧм могъяс.

“Бур велӧдчӧмтӧг канмуыд киссяс, кыдзи подувтӧг стрӧитӧм керка. Велӧдӧм, сӧвмӧдӧм, быдтӧм да культура – тайӧ юкӧнъясысь артмӧ страналӧн, миян республикалӧн аскиа луныс, - пасйис Сергей Гапликов. - Велӧдысьлӧн могыс – ышӧдны челядьӧс сӧвмыны, паськӧдны тӧдӧмлунъяс. Ставсӧ, мый ті сетанныд кагалы, отсалас сылы водзӧ олӧмын”.

Регионса Юралысь тӧдчӧдіс, мый талун Коми Республика петкӧдлӧ бур велӧдан тшупӧд. Тайӧс эскӧдӧ и сійӧ, мый Сыктывкарса физико-математическӧй лицей-интернат да А.С. Пушкин нима гимназия пырисны Россияса ТОП-500 медбур школаяс лыдӧ.

Республикаын бура выльмӧдісны школаӧдз велӧдан система, мый серти вӧлі лӧсьӧдӧма челядьлы 5000 гӧгӧр места. 2016 воын регион пырӧдчис “Школьникъяслы ӧнія кадлы лӧсялысь гӧгӧртас лӧсьӧдӧм” выль федеральнӧй приоритетнӧй проектӧ. Некымын во чӧжӧн кӧсйӧны разьны важмӧм школаяс серти мытшӧдсӧ да бырӧдны мӧд смена.

Регион уджалӧ велӧдысьяслысь уджсикас сӧвмӧдан система лӧсьӧдӧм да пыртӧм серти, сідзжӧ республикаын збыльмӧдӧны велӧдан услугаяс бурмӧдӧм, мытшӧдтӧм гӧгӧртас лӧсьӧдӧм серти мероприятиеяс, Россияса Президент Владимир Путинлысь Индӧдъяс, лӧсьӧдӧны условиеяс, медым кыпӧдны педагоглысь социальнӧй статуссӧ.

Регионӧн юрнуӧдысь чолӧмаліс велӧдысьясӧс да ветеранъясӧс уджсикаслы сиӧм праздникӧн да аттьӧаліс сьӧкыд уджысь.

“Ті быд лун сетанныд ассьыныд сьӧлӧмтӧ челядьлы. Медым бурыс бергӧдчис тіянлы уна пӧв. Сиа, медым классъясын вӧлі унджык енбиа, тӧлка велӧдчысь, кодъяс вайӧны тіянлы сӧмын радлун да шуд”, - сиис Сергей Гапликов.

Регионса Юралысь сетіс велӧдан юкӧнын медбур уджалысьяслы канму наградаяс.

 

*** Коми Республикаса Юралысьлӧн Индӧдӧн

Коми Республика водзын заслугаясысь “Коми Республикаса нимӧдана уджалысь” почёт ним сетӧма:

Антонина Алексеевна Малетиналы – Морозов нима Сыктывкарса медицина колледжын преподавательлы;

 

Коми Республикаса Юралысьлӧн тшӧктӧмъясӧн

велӧдан юкӧнын заслугаясысь да уна вося бур уджысь “Коми Республикаса велӧдӧмын почёта уджалысь” ним сетӧма:

Людмила Эдуардовна Бобровалы – Морозов нима Сыктывкарса медицина колледжын роч кыв да литература преподавательлы;

Маргарита Ивановна Иевлевалы – Сыктывкарса индустриальнӧй колледжын торъя дисциплинаяс преподавательлы;

Галина Степановна Котиклы – Сыктывкарса индустриальнӧй колледжын велӧдчан (производственнӧй) практикаӧн заведуйтысьлы;

Надежда Александровна Подоровалы – Морозов нима Сыктывкарса медицина колледжын сестринскӧй делӧ преподавательлы;

Елена Александровна Шехониналы – Куратов нима ӧткымын предмет пыдісянь велӧдан 1 №-а Сыктывкарса шӧр школалӧн директорлы;

 

“Коми Республикаса йӧзӧс велӧдӧмын почёта велӧдысь” ним сетӧма:

Надежда Михайловна Зайцевалы – Сыктывкарса ӧткымын предмет пыдісянь велӧдан 26 №-а шӧр школаын ичӧт классъяс велӧдысьлы;

 

чина могъяс бура збыльмӧдӧмысь “Коми Республикалы зэв бура служитӧмысь” отличие пасӧн наградитӧма:

Оксана Валерьевна Аксанова – Сыктывкарса сервис да связь колледжын содтӧд тӧдӧмлун сетысь педагог;

Николай Прокопьевич Королёв – Сыктывкарса 9 №-а шӧр школаын содтӧд тӧдӧмлун сетысь педагог;

 

велӧдан юкӧнын уна вося бур уджысь да челядьӧс велӧдӧмын да быдтӧмын шедӧдӧм вермӧмъясысь Коми Республикаса Юралыссянь дона козин сетӧма:

Лилия Федоровна Блиновалы – Микунь карлӧн 1 №-а шӧр школаса директорлы;

 

Россия Федерацияса велӧдан да наука министерстволӧн тшӧктӧдӧн

челядьӧс велӧдан, быдтан юкӧнын тӧдчана заслугаясысь да уна вося уджысь “Россия Федерацияса велӧдан юкӧнын почёта уджалысь” почёта ним сетӧма:

Светлана Викторовна Суриналы – Коми Республикалӧн велӧдан юкӧнса ветеранлы;

 

велӧдан юкӧнын тӧдчана заслугаясысь да уна вося бур уджысь Россия Федерацияса велӧдан да наука министерстволӧн Почёта грамотаӧн наградитӧма:

Инна Олеговна Байдалка – Воркута карын Челядьлы искусство школаса директор;

Валентина Федоровна Волкова – Койгорт районлӧн Подз посёлокса шӧр школаын роч кыв да литература велӧдысьлы;

Светлана Александровна Голосова – Визин сиктса шӧр школаын велӧдчан удж серти директорӧс вежысь;

Лидия Михайловна Григорьева – Сосногорск карса ӧткымын предмет пыдісянь велӧдан 3 №-а шӧр школаын роч кыв да литература велӧдысьлы;

Галина Владимировна Жукова – Емдін районлӧн Айкатыла сиктса быдсяма челядьӧс 1 №-а видзанінын музыкальнӧй юрнуӧдысь;

Елена Александровна Казакова – Коми Республикаса велӧдан, наука да том йӧз политика министерстволӧн содтӧд тӧдӧмлунъяс да гожся шойччӧм серти юкӧнса начальник;

Лариса Борисовна Коренева – “Юӧртан методическӧй шӧрин” Сыктывкарса муниципальнӧй учреждениеын директорӧс вежысьлы;

Мария Валериановна Кузнецова – “Изьва” муниципальнӧй районлӧн муниципальнӧй юкӧнса администрациялӧн Велӧдӧмӧн веськӧдланінын методист;

Елена Борисовна Малева – Кулӧмдін районлӧн Дереваннӧй сиктса шӧр школаын роч кыв да литература велӧдысь;

Ольга Васильевна Негря – Вуктыл районлӧн Дутов сиктса шӧр школаын роч кыв да литература велӧдысь;

Галина Михайловна Прядкина – Удора районлӧн Ёдваса шӧр школаын география велӧдысь;

Изабелла Валерьевна Сажнева – Ухта карса 3 №-а челядьӧс видзанінын воспитатель;

Татьяна Витальевна Федорова – Печора карса 2 №-а шӧр школаын велӧдчан да воспитательнӧй удж серти директорӧс вежысь;

Галина Владимировна Чупрова – Бабиков нима Чилимдінса шӧр школаын роч кыв да литература велӧдысь.

Фотографияяс

 

email home map

Лучшая региональная практика 2017

Региональный раздел Республики Коми на федеральном Информационном портале об Оценке регулирующего воздействия


эко-Республика

VI Съезд Финно-Угорских народов РФ

Инвестиционный портал Республики Коми

Открытая Республика

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Торгово-промышленная палата Республики Коми

Разработка сайта — веб-студия «Цифровой Век»