Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Коми Республикаса Юралысь тшӧктіс колана ногӧн могмӧдны регионса гражданаӧс лекарствоӧн

05.10.2017

Сергей Гапликов чорыда критикуйтіс ведомствоса юрнуӧдысьясӧс лёк уджысь да сетіс министр Дмитрий Березинлы выговор сыысь, мый колана кадӧ льготаа гражданаӧс эз могмӧдны олӧмын тӧдчана лекарствоясӧн.

Ёсь сёрнилы помкаӧн лоины бать-мамлӧн шыӧдчӧмъяс, кодъяслӧн челядьыс оз вермыны ас кадӧ босьтны лекарствояс. Регионса Юралысьӧс скӧрмӧдіс лоӧмтор, кор кык кага колины “Элпраза” да “Траклир” тӧдчана препаратъястӧг.

“Ас кадӧ ті син улысь лэдзинныд тайӧ лоӧмторсӧ. Ті, кыдзи ведомствоса юрнуӧдысь, кывкутанныд став артмӧм сьӧкыдлун разьӧмысь. И сійӧ, мый бать-мамлы ковмис шыӧдчыны ме дорӧ, шемӧсмӧдӧ! Медым татшӧмторйыс сэсся оз ло, сета тіянлы выговор”, - шуис регионса Юралысь.

Дмитрий Березин юӧртіс, кутшӧм мераяс примитӧма, медым разьны мытшӧдсӧ. Сійӧ эскӧдіс, мый “Элпраза” препарат воас “Коми Республикаса аптекаяс” ӦКП складӧ октябр 9 лунӧ. Мӧд лекарствосӧ вӧлі ньӧбӧма ас кадӧ, но мытшӧдъяс артмисны рецепт выпишитігӧн. Та серти сёрнитӧма юралысь врачкӧд.

“Ме нуӧді служебнӧй прӧверка, мый серти менам вежысьлӧн, коді кывкутӧ лекарствоӧн могмӧдӧмысь да закупкаясысь, тыдовтчисны уджын тырмытӧмторъяс. Дерт, ме тшӧтш мыжа, мый эг колана ногӧн видзӧд та бӧрся. Татшӧмыс сэсся оз ло, - эскӧдіс министр. - Ӧні ми заводитім пыртны став рецептсӧ компьютер программаӧ, кутшӧмӧс тестӧвӧй режимын видлім нин Эжваса поликлиникаын да “Коми Республикаса аптекаяс” предприятиеын. Сертификация прӧйдитӧм бӧрын программаыс кутас уджавны тырвыйӧ. Онлайн режимын ми вермам видзӧдны, кымын кольӧма лекарствоыс, кыдзи мунӧ налӧн выпискаыс, ас кадӧ лӧсьӧдны заявкаяс”.

Республикаса Юралысь тшӧктіс колана ногӧн могмӧдны регионса гражданаӧс лекарствоӧн да юӧртны примитӧм мераяс йылысь.

“Мортлӧн олӧм – медся тӧдчана, торйӧн нин кор сёрниыс мунӧ кага йылысь. Тӧдмалӧй, коді мыжа артмӧм ситуацияын. А тіян вежысь, лыддя, оз вермы уджавны татшӧм чинын. Воас кӧ гражданасянь нӧшта ӧти юӧр, мый лекарствосӧ абу босьтӧма ас кадӧ, ме примита мӧд мераяс”, - пасйис Сергей Гапликов.

 

***Орфаннӧй висьӧмъяса пациентъясӧс могмӧдӧм серти федеральнӧй регистрын лыддьыссьӧ 16 нозология серти 147 республикаса олысь. На лыдын 100 пациентӧс колӧ могмӧдны лекарственнӧй препаратъясӧн да торъя сёян-юанӧн. 2017 вося август тӧлысь кежлӧ препаратъяссӧ ньӧбӧма 89,4 миллион шайт вылӧ.

Фотографияяс

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»