Обычная версия сайта
Размер шрифта: -A +A

Антитеррористическая комиссия Республики Коми

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Официальный интернет-портал правовой информации

Национальный антитеррористический комитет



НОВОСТИ

Сергей Гапликов: “Войвыв саридз туй отсалас петкӧдны Россияса энергоресурсъяссӧ став мирса рынок вылӧ”

05.10.2017

Коми Республикаса Юралысь участвуйтіс “Россияса энергетика вежон” энергоэффективносьт да энергетика сӧвмӧдӧм серти войтыркостса I форумын (РЭВ). Форумлысь пленарнӧй заседаниесӧ восьтіс Россияса Президент Владимир Путин. Сійӧ индіс энергетикаын водзӧ вылӧ медся тӧдчана нырвизьяс.

Нырвизьяс пиысь ӧти – сӧвмӧдны энергоресурсъяс да энергетика инфраструктура. Такӧд йитӧдын канмуса юралысь пасйис энергоресурсъяс нуан выль маршрутъяслысь тӧдчанлунсӧ.

“Ми кӧсъям нуны унджык кизьӧртӧм природнӧй биару АТР странаясӧ [Азиатско-Тихоокеанскӧй регион, - пасйӧд] да Рытыв Европаӧ. Тайӧ уджын миянлы отсалас Войвыв саридз туй, - юӧртіс Владимир Путин. - “Ротердам-Йокогама” маршрут дорысь Войвыв саридз туйті нунысӧ лоӧ ёна ӧдйӧджык да кивывджык”.

Россияса Президент сідзжӧ пасйис, мый энергобаланс вежсьӧм бӧрын миян странаын этшаджык кутасны перйыны мусир, из шомӧн вӧдитчигӧн да сійӧс иналігӧн кутасны ёнджыка видзны вӧр-васӧ. Технологияяс сӧвмӧдігӧн из шомӧн вӧдитчанногыс тӧдчымӧн паськалас. Арктика мутасъяслӧн энергетика боксянь позянлуныс зэв ыджыд, торйӧн нин Воркутаса геолого-промышленнӧй районын (из шомыс сэні 340 млрд тоннаысь абу этшаджык).

Коми Республикаса Юралысь Сергей Гапликов тӧдчӧдіс, мый Арктика зонаын колӧ лӧсьӧдны бур транспорт инфраструктура. Тайӧ стратегическӧй могыс отсалас петны мирса рынок вылӧ.

“Ӧні сӧвмӧны энергоэффективнӧй технологияяс, но энергиялӧн тӧдчанлуныс оз чин. Сідзкӧ, содӧ и энергоресурсъяслӧн коланлуныс. Владимир Владимирович Путин веськыда пасйис миян страналысь, кыдзи мирса энергетика сӧвмӧдӧмын вына канмулысь, тӧдчанлунсӧ. Татшӧм ногӧн, быть коланаторйӧн лоӧ лӧсьӧдны Арктика мутасын энергетика инфраструктура да транспорт туйяс, кыдзи Войвыв саридз туй да “Шёлкӧвӧй туй”, - гӧгӧрвоӧдіс Сергей Гапликов.

Регионса Юралысь казьтыштіс Коми Республикаса Веськӧдлан котырлӧн вӧзйӧмъяс йылысь, кутшӧмъясӧн сійӧ шыӧдчис Арктика сӧвмӧдан юалӧмъяс серти канму комиссиялӧн Президиум дорӧ. Сідз, Сергей Гапликов вӧзйис пыртны “2010-2020 вояс вылӧ Россияса кӧрт туй система сӧвмӧдӧм” федеральнӧй уджтасӧ да “РЖД” ПАО-лӧн инвестиционнӧй уджтасӧ татшӧм проектъяс: “Белкомур” (Соликамск-Сыктывкар-Архангельск), “Воркута карсянь Усть-Кара посёлокӧдз кӧрт туй стрӧитӧм” (“Карскомур”), “Сосногорск–Индига кӧрт туй вож стрӧитӧм” (“Баренцкомур”), “Воркута да Салехард каръясӧ пырӧмӧн Сыктывкар - Нарьян-Мар автомашина туй стрӧитӧм”. Тайӧ отсалас лӧсьӧдны бур транспорт инфраструктура да содтыны Войвыв саридз туйті груз нуӧмсӧ.

 

*** Россияса энергетика вежон лоӧ миян странаын энергетика тема серти войтыркостса тшупӧда медся гырысь мероприятиеӧн. Сылӧн могыс – видлавны мирса энергетикаын тӧдчана юалӧмъяс, индыны ТЭК юкӧн сӧвмӧдӧмын шӧр нырвизьяс, аддзыны мытшӧдъясысь петан туйяс.

Форумын, мый мунӧ октябр 3 лунсянь 7 лунӧдз Москваын да Санкт-Петербургын, участвуйтӧны войтыркостса гырысь энергетика компанияясӧс да организацияясӧс петкӧдлысьяс, мирса нуӧдысь экспертъяс.

Уджтасын – 50 гӧгӧр мероприятие, кытчӧ пырӧдчас 80 унджык канму. На лыдын: Австрия, Бельгия, Великобритания, Германия, Греция, Египет, Зимбабве, Италия, Казахстан, Кипр, Китай, Кувейт, Лаос, Марокко, Мексика, Норвегия, ОАЭ, Парагвай, Польша, Саудовская Аравия, США, Турция, Финляндия, Франция, Швейцария да Япония.

 

email home map

Лучшая региональная практика 2017

Региональный раздел Республики Коми на федеральном Информационном портале об Оценке регулирующего воздействия


эко-Республика

VI Съезд Финно-Угорских народов РФ

Инвестиционный портал Республики Коми

Открытая Республика

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Торгово-промышленная палата Республики Коми

Разработка сайта — веб-студия «Цифровой Век»