Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Коми Республикаса Веськӧдлан котыр кутас видзӧдны челядьлысь дзоньвидзалун бурмӧдӧм бӧрся

18.05.2017

Регионса Веськӧдлан котыр кырымаліс челядьлысь шойччӧмсӧ да дзоньвидзалун бурмӧдӧмсӧ котыртӧм серти тшӧктӧм.

Коми Республикаса велӧдан, наука да том йӧз политика министерстволы тшӧктӧма лӧсьӧдны реестр, кытчӧ пыртасны Комиын челядьӧс шойччӧдан да налысь дзоньвидзалун бурмӧдан организацияяс. Сідзжӧ министерстволы тшӧктӧма збыльмӧдны пилотнӧй проект, мый отсӧгӧн челядьӧс шойччыны ыстӧм могысь шыӧдчӧмсӧ позяс сетны “Электроннӧй велӧдчӧм” юӧртан система пыр.

Тӧд вылӧ уськӧдам, мый 2017 воын проектӧ пырӧдчас челядьлӧн куим лагер: “Мечта”, “Чайка” да “Гренада”.

 Челядьӧс лагерӧ ыстӧм йылысь электроннӧй шыӧдчӧмыс бурджык сы боксянь, мый позьӧ кокниджыка тӧдмавны услугаяс сетӧм йылысь да бӧрйыны асланыс ныв-пилы лӧсяланаджык шойччанін.

Водзӧ вылӧ тайӧ проектӧ пырӧдчасны тшӧтш Комиын да сылӧн суйӧр сайын уджалысь челядьлӧн лагеръяс.

Регионса удж, уджӧн могмӧдан да социальнӧя доръян министерстволы тшӧктӧма меставывса асвеськӧдлан органъяскӧд ӧтвылысь лӧсьӧдны шойччыны мунысь сійӧ челядьлысь список, кодъяс колисны бать-мамлӧн дӧзьӧртӧг либӧ олӧны приёмнӧй семьяясын, да юклыны налы путёвкаяс.

Коми Республикалӧн меставывса асвеськӧдлан органъяслы 2017 воын вӧзйӧма ыстыны шойччан лагеръясӧ сы мында жӧ челядьӧс, кымынӧс ыстылісны кольӧм во. А сулалӧны кӧ ныв-зонмыс профилактика учёт вылын, сетны налы позянлун гожӧмнас ветлыны шойччан лагерӧ, бурдӧдны дзоньвидзалун либӧ уджавны.

Тыр арлыдтӧм челядьлӧн делӧяс да налысь инӧдъяс доръян мутас комиссияын учёт вылын сулалысь 14-18 арӧсаяс пӧвстын 30 прӧчентысь оз этшаджык челядьлы быть колӧ сетны гожся удж.

Фотографияяс

 

email home map
Выборы

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2017 ГАУ РК «ЦИТ»