Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Коми Республикаса Юралысь Сергей Гапликов тшӧктіс регионса Веськӧдлан котырлы видлавны шӧйтысь понъяс серти юалӧмсӧ

17.05.2017

Ӧткымын муниципалитетын индӧм уджсӧ котыртӧма лёка, да та понда юалӧмсӧ индӧма выльысь видлавны.

Кыдзи юӧртіс Веськӧдлан котырӧн Юрнуӧдысьӧс вежысь – Коми Республикаса видз-му овмӧс да потребительскӧй рынок министр Анатолий Князев, шӧйтысь понъясӧс куталӧны Сыктывкарын, Печораын, Сосногорскын, Воркутаын, Луздор, Сыктывдін, Емдін, Сыктыв, Кӧрткерӧс, Чилимдін да Княжпогост районъясын. 2017 во заводитчӧмсянь кутӧма 302 шӧйтысь понйӧс.

Куталӧм вылӧ контрактъяссӧ кырымалӧма Вуктылын, Ухтаын, Койгорт да Мылдін районъясын, но уджыс сэні оз мун.

Аукцион вылӧ заявкаяс эз вӧвны Усинскын да Интаын. Та кадӧ Интаын кырымалісны 100 сюрс шайт вылӧ услугаяс сетӧм серти регыдъя кад кежлӧ веськыд договор.

Изьва, Кулӧмдін, Удора районъясын уджсӧ абу котыртӧма. Гортса пемӧсъясӧс лёка видзӧмысь ӧлӧдан административнӧй протоколъяссӧ оз лӧсьӧдны Вуктылын, Интаын, Сыктывкарын, Усинскын, Сыктывдін, Изьва да Удора районъясын.

Кӧрткерӧс, Луздор, Изьва да Кулӧмдін районъясса уставъясӧ абу пыртӧма положение, мый серти  шойтысь понъяс куталӧм да видзӧм вылӧ позьӧ босьтны муниципальнӧй сьӧм.

Став кар-районъясса администрациякӧд кырымалӧма 2017 воын шӧйтысь понъяс куталӧм да видзӧм вылӧ субвенция сетӧм серти сёрнитчӧм. Ставнас – 8 миллион шайтысь унджык.

Медся зіля мытшӧдсӧ бырӧдӧны Воркутаын. Налӧн уджаланног йылысь лӧсьӧдісны торъя карта да ыстісны став муниципалитетӧ, медым бур опытсӧ пыртны уджас.

А.Князевлӧн кывъяс серти, 2017 вося ӧшым тӧлысь 20 лунӧдз джын шӧйтысь понсӧ кӧсйӧны кутавны. Шӧйтысь пон лыд чинтӧм серти планъяссӧ сетісны Сыктывкар, Усинск, Вуктыл, Печора, Воркута, Ухта, Сосногорск, Луздор, Койгорт, Изьва, Сыктыв, Мылдін, Кулӧмдін районъяс.

Доклад бӧрын Коми Республикаса Юралысь Сергей Гапликов тшӧктіс петкӧдны юалӧмсӧ регионса Веськӧдлан котырлӧн заседание вылӧ, коді чукӧртчас 2017 вося ода-кора тӧлысь 23 лунӧ.

 

email home map
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

РТРС.Цифровое эфирное телевидение

© 2017 ГАУ РК «ЦИТ»