Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

Коми Республикаса велӧдысьясӧс тӧдмӧдасны школьник-олимпиадникъясӧс дасьтан медбур практикаясӧн

17.05.2017

Коми Республикаса велӧдан, наука да том йӧз политика министерство бурмӧдӧ енбиа челядькӧд уджалан да школьникъясӧс муниципальнӧй, регионса да национальнӧй конкурсъяс кежлӧ дасьтан система.

Уськӧдам тӧд вылӧ, мый 2017 вося косму тӧлысь 24 лунӧ Коми Республикаса Юралысь Сергей Гапликов тшӧктіс Веськӧдлан котырӧн Юрнуӧдысьӧс вежысь – Коми Республикаса велӧдан, наука да том йӧз политика министр Наталья Михальченковалы туявны, кыдзи мукӧд регионын школьникъясӧс дасьтӧны олимпиадаяс кежлӧ, да медбур опытсӧ пыртны  республикаса школаясӧ.

Вице-премьер серти, 2014 восянь Коми Республикаса школьникъяс тшӧкыдджыка пырӧдчӧны ставроссияса олимпиадаясӧ. Таво 17 предмет серти олимпиадаясӧ пырӧдчис 27 морт, на лыдын 5 вермысь да 7 призёр.  Кыдзи и век, школьникъяс бура петкӧдчисны физика, обществознание, химия, француз кыв да литература серти.

2014-2017 воясын олимпиадалӧн бӧръя этапын медтшӧкыда петкӧдчӧны Физико-математическӧй лицей-интернатысь велӧдчысьяс – 4 вонас 33 участник (ӧтувъя лыдысь 29,5 %), Сыктывкарса Народнӧй дипломатия лицейысь – 17 участник (15,2 %), А.С. Пушкин нима гимназияысь да СГУ бердса Коми республиканскӧй лицейысь – 7 участникӧн (7,1 %).

Н. Михальченкова висьталіс, мый школаясын лӧсьӧдӧны быд предмет серти велӧдысьяслысь учебно-методическӧй ӧтувъяс, медым на отсӧгӧн нуӧдны велӧдысьяслы семинаръяс да вебинаръяс, лӧсьӧдны быд велӧдан организациялы колана вӧзйӧмъяс. Сідзжӧ Республикаын котыртасны енбиа челядькӧд уджалан шӧринъяс, кодъяслы методика боксянь отсалас “Талант да успех” фонд [“Сириус” велӧдан шӧрин - Пасйӧд].

Коми Республикаса Юралысь тшӧктӧм серти миян да матысса регионъясысь велӧдысьяс, кодъяс дасьтісны олимпиадаясын вермысьясӧс да призёръясӧс, кутасны юксьыны асланыс опытӧн.

“Тайӧ уджыс сетас позянлун вӧдитчыны медбур методикаясӧн, а сідзжӧ сетас велӧдысьяслы выль тӧдӧмлунъяс. Водзӧ вылӧ велӧдчысьясӧс колӧ дасьтыны ичӧт да шӧр школасянь. Велӧдысьлӧн шӧр могыс – гӧгӧрвоны кагалысь енбисӧ да вӧзйыны сылӧн бать-мамлы бур позянлунъяс, медым челядьыс сӧвмисны”, - тӧдчӧдіс могсӧ Коми Республикаса Юралысь Сергей Гапликов.

Фотографияяс

 

email home map
Выборы

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2017 ГАУ РК «ЦИТ»