Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



НОВОСТИ

70 участник да 50 волонтёр петкӧдласны Коми Республикаӧс Том йӧзлӧн да студентъяслӧн ставмирса фестивальын

16.05.2017

Шӧр мероприятиеяссӧ нуӧдасны Сочи карын 2017 вося йирым тӧлысь 14 лунсянь 22 лунӧдз. Том йӧзлӧн да студентъяслӧн ставмирса фестивальын участвуйтасны 150 странаысь 20 сюрсысь унджык том йӧз.

Кыдзи юӧртіс Веськӧдлан котырӧн Юрнуӧдысьӧс вежысь – Коми Республикаса велӧдан, наука да том йӧз политика министр Наталья Михальченкова, фестивальса участникъясӧс бӧрйис фестиваль кежлӧ дасьтысян регионса комитет, коді видлаліс 517 заявка. Том йӧзлӧн да студентъяслӧн ставмирса ХІХ фестиваль вылӧ республикасянь лои ӧти места вылӧ сизимысь унджык морт. На лыдысь форум вылӧ бӧрйисны 70 том мортӧс.

Ода-кора 1 лунӧдз участникъяс пасйысины ӧтуввез пыр. Та бӧрын фестиваль котыртысьяс да конкурсса комиссия нуӧдісны очнӧй собеседование. Экспертъяс донъялісны том йӧзлысь проектнӧй да йӧзлы колана уджсӧ, кыдзи найӧ пӧртӧны олӧмӧ пӧртӧны олӧмӧ ассьыныс могъяссӧ да кӧсйӧмъяссӧ, эмӧсь-ӧ налӧн дипломъяс, степеньяс, грантъяс, тӧдӧны-ӧ суйӧрсайса кывъяс. Фестиваль вылӧ делегатъяссӧ индасны лӧддза-номъя тӧлысьын.

Коми Республикаса Юралысь чолӧмаліс том йӧзӧс да тӧдчӧдіс, мый Том йӧзлӧн да студентъяслӧн ставмирса фестивальын участвуйтӧмыс восьтас налы выль позянлунъяс да отсалас водзӧ олӧмын.

 

*** Том йӧзлӧн да студентъяслӧн ставмирса ХІХ фестивальын участвуйтӧм вылӧ воис 517 заявка Коми Республикаса 15 муниципальнӧй юкӧныс татшӧм нырвизьяс серти:

- Журналистика;

- Экономика;

- ІT, ӧнія технологияяс, изобретенияяс да выль восьтӧмъяс;

- Политика;

- Велӧдӧм и наука;

- НКО ӧтйӧза институтъяс сӧвмӧдӧм, бурвӧчӧм, волонтёрство;

- Искусство да творчество;

- Экология;

- Культура да история;

- Дзоньвидза оласног, спорт.

Фотографияяс

 

email home map
Выборы
IT -опрос населения по оценке деятельности органов местного самоуправления

эко-Республика

Инвестиционный портал Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2017 ГАУ РК «ЦИТ»