Коми Республикаса Юралысь Вячеслав Гайзер чолöмалiс Владимир Торлоповöс РФ Федеральнöй Собраниелöн Федерация Сöветö пырысьлысь уджмогъяс сылы сетöмöн
03.03.2010
Рака тöлысь 3 лунö Федерация Сöвет мездiс Игорь Васильевöс уджмогъясысь да сетiс Коми Республикаса Веськöдлан котырсянь Федерация Сöветö пырысьлысь уджмогъяссö Владимир Торлоповлы.
«Аттьö Федерация Сöветлы, мый сенаторъяс ставöн ошкисны Владимир Александровичлысь кандидатурасö. Чайта, мый федеральнöй тшупöдын Коми Республика тöдчымöн зумыдмис. Медводз, Владимир Торлопов, кыдзи вöвлöм Юралысь, зэв бура тöдö миян регионлысь мытшöдъяссö, мöд-кö, сiйö уджавлiс нин Федерация Сöветын да сылы оз ков уна кад уджас пырöдчöм вылö. Гöгöрвоана, ми кутам топыда öтув уджавны», - висьталiс В.Гайзер.
