Тукмаков В.А. - Коми Республикаса Юралысьöс вежысь – Коми Республикалöн сьöм овмöсса министр, веськöдлö Коми Республикаса олöмö пöртысь власьт органъяслöн уджöн, видзöдö налöн удж бöрся, сетö индöдъяс татшöм юалöмъяс кузя, кыдзи:
1) наука да инновационнöй политика, дінмуса научно-техническöй да инновационнöй уджтасъяс да балаяс котыртöм да збыльмöдöм;
2) республиканскöй инвестиционнöй политика да асшöр инвестицияясö ышöдöм;
3) Коми Республикаса экономикаö содтöд сьöм ресурсъяс кыскöм;
4) Коми Республикаса экономика государствосянь ладмöдан механизм лöсьöдöм да бурмöдöм;
5) экономикаын дзескöдöмъяс, мый урчитöма законодательствоöн;
6) войтыр костын ортсы экономическöй да дінмуяс костын Коми Республикаса йитöдъяс лöсьöдöм да сöвмöдöм;
7) Коми Республикаса Веськöдлан котырлöн Россия Федерацияса Веськöдлан котыркöд öтувъя удж;
8) Коми Республика экономическöя да социальнöя сöвмöдöм артыштöм;
9) Коми Республикаса государственнöй сьöм овмöс, бюджетнöй да вот политика лöсьöдöм да збыльмöдöм;
10) Коми Республикаса республиканскöй бюджет лöсьöдöм да збыльмöдöм;
11) Коми Республикаса республиканскöй бюджетлöн сьöмöн колана ногöн вöдитчöм;
12) бюджеткостса йитöдъяс сöвмöдöм;
13) эмбур йитöдъяс юкöнын öтувъя государственöй политика;
14) Коми Республикаса государственнöй эмбурöн веськöдлöм;
15) предпринимательстволы, ичöт да шöр бизнеслы отсöг;
16) удж йитöдъяс;
17) йöзöс уджöн могмöдöмлы отсöг;
18) торъя сикас удж лицензируйтöм дырйи öтувъя государственнöй политика збыльмöдöм;
19) республиканскöй государственнöй заказ лöсьöдöм, иналöм да сы бöрся видзöдöм;
20) мирöвöй ёрдысьяслысь удж могмöдöм;
21) Коми Республикаса олöмö пöртысь власьт органъяслöн ведомство улö пырысь организацияясын альтернативнöй гражданскöй служба котыртöм;
22) му йитöдъяс;
23) туризм юкöнын государственнöй политика збыльмöдöм.
Коми Республикаса Юралысьлöн 2011 во урасьöм тöлысь 17 лунся 85-р №-а тшöктöм
(1 №-а содтöд)
Коми Республикаса Юралысьöс вежысьяслöн юалöмъяс серти налöн отпуск, командировка, висьöм дырйи могъяс збыльмöдан пöрадок
Коми Республикаса Юралысьöс Медводдза вежысь костын да Коми Республикаса Юралысьöс вежысьяс костын могъяс юклöм серти, мый вынсьöдöма Коми Республикаса Юралысьлöн 2011 во урасьöм тöлысь 17 лунся 85-р №-а тшöктöмöн, Коми Республикаса Юралысьöс лöсялана вежысьлы индöм юалöмъяссö видлалöны налöн отпуск, командировка либö висьöм дырйи татшöм пöрадок серти:
Коми Республикаса Юралысьöс вежысь В.А.Тукмаковлы индöм юалöмъяссö видлалö Коми Республикаса Юралысьöс Медводдза вежысь А.Л. Чернов, а кор сійö абу – Коми Республикаса Юралысьöс вежысь А.А. Буров.
Коми Республикаса Юралысьлöн 2011 во урасьöм тöлысь 17 лунся 85-р №-а тшöктöм
(3 №-а содтöд)
