Ромаданов К.Ю. - Коми Республикаса Юралысьöс вежысь, веськöдлö Коми Республикаса олöмö пöртысь власьт органъяслöн уджöн, видзöдö налöн удж бöрся, сетö индöдъяс татшöм юалöмъяс кузя, кыдзи:
1) оланін политика;
2) «Россияса гражданалы – лöсялана да бур оланін» верктуя национальнöй проект збыльмöдöм;
3) Коми Республикаын каръяс сöвмöдöм да республикаын стрöитчöм;
4) коммунальнöй овмöс;
5) Коми Республика мутас планируйтöм, республикаса тöдчанлуна капитальнöй стрöйба объектъяс меститöм, кар стрöитöм проектируйтöм, Россия Федерацияса кар стрöитан кодексöн урчитöм случайяс дырйи государственнöй стрöйба бöрся дöзьöр нуöдöм;
6) Коми Республикаса туй овмöс юкöнын öтувъя государственнöй политика збыльмöдöм;
7) öтувъя государственнöй транспорт политика, связь сöвмöдан юкöнын государственнöй политика, промышленносьт сöвмöдан юкöнын государственнöй политика Коми Республикаын збыльмöдöм;
8) энергия да ресурс видзтан государственнöй политика, энергетика юкöнын государственнöй политика кузя быдлунъя уджöн веськöдлöм;
9) вöр-ва озырлун видзöм, сöвмöдöм да сыöн вöдитчöм да му пытшкöсöн вöдитчöм;
10) миянöс кытшалысь гöгöртас да экологическöй безопасносьт видзöм;
11) вöр йитöдъяс;
12) ва йитöдъяс;
13) государственнöй экологическöй экспертиза;
14) Коми Республика мутасын гражданскöй оборона, олысьясöс да мутасъяс виччысьтöм лоöмторйысь видзöм;
15) муниципальнöйкостса да регионъясса виччысьтöм лоöмторъясысь, лёк суöмысь, эпидемияясысь öлöдöм да наысь артмöм лоöмторъяс бырöдöм;
16) сэтшöмторъясысь öлöдöм, мый вöсна вермас торксьыны олысьяслöн оласног, да наысь артмöм лоöмторъяс бырöдöм;
17) Россия Федерацияса субъектъяслöн олöмö пöртысь власьт органъяслöн компетенцияын туй вылын лёк суöмысь видзöм;
18) Россия Федерацияса субъектъяслöн олöмö пöртысь власьт органъяслöн компетенцияын Коми Республика мутасын самоходнöй машинаяслöн да мукöд сикас техникалöн техническöй дасьлун бöрся государствосянь дöзьöр;
19) мобилизационнöй дасьлун да военнöй службаö мобилизуйтöм, корöм да дасьтöм;
20) электрическöй да шоныд энергия вылö тарифъяс государствосянь ладмöдöм.
Коми Республикаса Юралысьлöн 2011 во урасьöм тöлысь 17 лунся 85-р №-а тшöктöм
(1 №-а содтöд)
Коми Республикаса Юралысьöс вежысьяслöн юалöмъяс серти налöн отпуск, командировка, висьöм дырйи могъяс збыльмöдан пöрадок
Коми Республикаса Юралысьöс Медводдза вежысь костын да Коми Республикаса Юралысьöс вежысьяс костын могъяс юклöм серти, мый вынсьöдöма Коми Республикаса Юралысьлöн 2011 во урасьöм тöлысь 17 лунся 85-р №-а тшöктöмöн, Коми Республикаса Юралысьöс лöсялана вежысьлы индöм юалöмъяссö видлалöны налöн отпуск, командировка либö висьöм дырйи татшöм пöрадок серти:
Коми Республикаса Юралысьöс вежысь К.Ю.Ромадановлы индöм юалöмъяссö видлалö Коми Республикаса Юралысьöс Медводдза вежысь А.Л.Чернов, а кор сійö абу – Коми Республикаса Юралысьöс вежысь – Коми Республикалöн сьöм овмöсса министр В.А.Тукмаков.
Коми Республикаса Юралысьлöн 2011 во урасьöм тöлысь 17 лунся 85-р №-а тшöктöм
(3 №-а содтöд)
