ВАЛЕРИЙ ФЁДОРОВИЧ КЮРШИН
Чужис 1952 вося йирым тöлысь 27 лунö Ленинград карын. Национальносьтыс роч.
Вылыс тöдöмлуна. 1975 воын помаліс Ленинградса вавывса транспорт институт, уджсикасыс – "Судостроение да судоремонт";
2006 воын – Коми Республикаса Юралысь бердын Коми республиканскöй государственнöй служба академия, уджсикасыс - "Юриспруденция".
1975 восянь – Невскöй судостроительнöй заводын инженер-конструктор.
1975 восянь 1976 воöдз – армияын служба.
1977 воын – Ленинградса судоремонтнöй заводлöн докöвöй да навигационнöй участокса мастер.
1977 восянь – Санкт-Петербургса пытшкöс делöяс органъясын служба.
1994 восянь – Санкт-Петербургса федеральнöй вот полиция органъясын служба.
2004 восянь – Коми Республикаса Юралысьлöн сöветник.
2004 вося йирым тöлыссянь – Россия Федерацияса Рытыв-Войвыв регионын Коми Республикаöс петкöдлысь.
2011 вося урасьöм тöлысь 17 лунсянь Коми Республикаса Юралысьлöн тшöктöмöн индöма Россия Федерацияса Рытыв-Войвыв регионын Коми Республикаöс петкöдлысь чинö.
Сетöма СССР-са МВД-ын зэв бур уджысь III да II степеня медальяс, "Вот полицияын службаысь" I, II, III степеня медальяс, "Вот полицияса почётнöй сотрудник" морöсвывса пас, "Коми Республика водзын заслугаясысь" отличие пас.
