Обычная версия сайта
Размер шрифта: -A +A

Антитеррористическая комиссия Республики Коми

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Официальный интернет-портал правовой информации



КОМИ РЕСПУБЛИКАСА МУНАН-ВЕТЛАНТОР

Коми Республикаын транспорт сетьö пырö: 2,3 сюрс км кöрт туй (сы лыдын 1,7 сюрс км öтув вöдитчан туйяс), 4,1 сюрс км судноöн пытшкöсса ва вывті ветлан туйяс (сы лыдын 3,1 сюрс км öтув вöдитчан туйяс, на пöвстын Печорскöй бассейнса ва вывті ветлан туйяс – 2,5 сюрс км, Вычегодскöй бассейнса – 0,6 сюрс км), 11,8 сюрс км автомашина туйяс (сы лыдын 6,3 сюрс км öтув вöдитчан автомашина туйяс).

 

Кöрт туй транспорт

Коми Республикаын öтув вöдитчана кöрт туй сетьсö артмöдö Котлас - Воркута кöрт туй магистраль, кодлöн кузьтаыс 1,7 сюрс км да этша ветлан 3 кöрт туй линия ("Микунь – Кослан – Вендинга", "Сосногорск – Мылдін", "Сыня – Усинск").

Коми Республикаын öтув вöдитчан кöрт туй сетьлöн плотносьтыс лоö мутаслöн 1 сюрс кв. км вылö 4,1 км.

Республикаын уджалöны кöрт туй транспортлöн кык медшöр предприятие асланыс тэчас юкöдувъясöн:

1) Войвывса кöрт туйлöн Сосногорскса юкöн - "Россияса кöрт туйяс" ВАК филиал (медшöр уджыс – грузъяс нуöм-вайöм, предприятиелöн балансö пырö ставнас медшöр да отсöг сетан инфраструктураыс). 2009 воын предприятиеöн нуöма-вайöма 17,7 млн. тонна груз. Кöрт туй транспортöн новлöдлан медшöр грузъясöн лоöны: из шом (2009 воын – став нуöм-вайöм грузысь 42%), мусир да мусир продукт (26%), вöр груз (8%).

2) "Сыктывкар" вагоннöй участок – "Россияса кöрт туйяс" ВАК филиаллöн – Федеральнöй пассажирскöй дирекциялöн тэчас юкöдув – Войвывса региональнöй дирекциялöн пассажиръясöс могмöдысь тэчас юкöдув.

Республикаын ветлöдлöны ылі муясті ветлысь 16 поезд гоз, на пиысь 8 поезд гозыс Войвывса региональнöй дирекциялöн пассажиръясöс могмöдысь тэчаслöн.

2009 воын республика пасьта нуöма 3,1 млн. пассажирöс.

Кöрт туй транспортса предприятиеяслы сетсьö Коми Республикаса республиканскöй бюджетысь государствосянь отсöг карбердса перевозкаясысь убыток бергöдöм вылö да этша уджöдан кöрт туй линияяс уджöдöмысь убыток мыйтакö компенсируйтöм вылö (2009 воын – 10,2 млн.шайт).

 

Авиация транспорт

Коми Республика мутасын уджалöны «Сыктывкар», «Воркута», «Ухта», «Печора», «Усинск», «Инта» да «Чилимдін» аэропортъяс, кодъяс лоöны "Комиавиатранс" ФГÖП-лöн тэчас юкöдувъясöн.

Республикаын уджалöны татшöм авиакомпанияяс: «Комиавиатранс» ФГÖП, «ЮТэйр-Экспресс» ИКК да «ЮТэйр» ВАК, «НордАвиа» – региональнöй авиалинияяс» ПАК, «Кировса öтувтöм авиаотряд» ВАК, «РусЛайн авиационнöй компания» ПАК (пассажиръясöс сезонöя новлöдлöм).

Таысь öтдор, Коми Республикаын эм «Сынöд транспортöн ветлöм котыртысь государственнöй корпорация» ФГÖП-лöн «Войвыв Урал Аэронавигациялöн Филиал» торйöн артмöдöм предприятие – сынöд транспортöн вöдитчöм, сынöд транспортöн ветлöмöн да радиотехникаöн могмöдöмöн веськöдлöм кузя предприятие.

Коми Республика мутасын пассажиръясöс муниципальнöй юкöнъяс костын сынöд транспортöн новлöдлö «ЮТэйр-Экспресс» ИКК авиакомпания Ан-24 самолётъясöн.

2009 воын Коми Республикаса республиканскöй бюджетысь ветлысь-мунысьöс муниципальнöй юкöнъяс костын сынöд транспортöн новлöдлöм вылö сетöма 32,5 млн. шайт.

Муниципальнöй район пытшкын сьöкыда воöдчан олан пунктъясö ветлысь-мунысьöс новлöдлöны Ми-8 веролётъясöн Инта, Печора, Ухта, Усинск да Чилимдiн районъясын. 2009 воын Коми Республикаса республиканскöй бюджетысь тайö могъяс вылö сетöма 18,2 млн. шайт мында субсидияяс.

2009 во кывкöрталöмöн сынöд транспорт предприятиеясöн республикаса аэропортъясысь мöдöдöма 203,4 сюрс пассажирöс, нуöма – 153,3 сюрс пассажирöс, мöдöдöма 1,7 сюрс тонна груз да пошта, нуöма – 0,7 сюрс тонна.

 

Автомашина транспорт

Коми Республика мутасын овмöс нуöдан удж вöчö уна сикас эмбур формаа пассажирскöй автомашина транспортлöн 62 предприятие, кодъяслöн балансö пырö 1014 автомашина. Таысь кындзи, йöзöс нуöм-вайöмын автотранспортнöй услугаяс сетöны 358 асшöр уджалысь, кодъяслöн эмбурын 866 автомашина.

2009 во помасьöм вылö йöзöс нуöны-вайöны 51 межмуниципальнöй коставлытöм автобуснöй маршрут серти, кöнi уджалöны конкурс серти бöрйöм перевозчикъяс.

2009 воын пассажирскöй автомашина траспортöн нуöма-вайöма 98,5 млн. мортöс.

Коми Республикаса республиканскöй бюджетысь автомашина транспортса предприятиеяслы сетсьö сьöм автотранспорт организацияяслысь вошан чöжöссö вештöм вылö, кодъяс нуöны-вайöны йöзöс автомашина транспортöн межмуниципальнöй туйясті (2009 воын – 7,1 млн.шайт).

2009 воын груз новлöдлан автомашина транспортöн нуöма-вайöма 23 млн. тонна груз.

 

Ю транспорт

Коми Республикаын ю туйыс лоö 1000 кв. км вылö 9,8 км.

Коми Республика мутасын ю транспорт услугаяс сетö Печораса вавывса туйясöн да судоходствоöн государственнöй бассейнöвöй веськöдланін, коді уджöдö да сöвмöдö Печора бассейнлысь вавывса туйяс (кузьтаыс 2589 км), да вавывса туйяслöн Сыктывкарса район - Северо-Двинскöй вавывса туйясöн да судоходствоöн государственнöй бассейнöвöй веськöдланінлöн филиал, коді уджöдö да сöвмöдö Эжва бассейнлысь вавывса туйяс (кузьтаыс 601 км).

Печора да Эжва бассейнъяслöн вавывса туйяс видзсьöны федеральнöй бюджет тшöт весьтö. Таысь кындзи, Коми Республикаса республиканскöй бюджет тшöт весьтö государствосянь сетсьö отсöг Печора да Эжва бассейнъяслöн регионса тöдчанлуна юяс вылын суднояс видзöм вылö (2009 воын – 1,7 млн. шайт).

Коми Республикаын öтув вöдитчан ю транспортлöн медшöр предприятиеясöн, кодъяс нуöны-вайöны йöзöс, грузъяс да вöчöны сöвтан-ректан уджъяс, лоöны "Печораса ю пароходство" судноöн ветлан компания ВАК, "Печораса ю порт" ВАК, "Печора" судноöн ветлан компания ИКК.

Республикалöн нёль муниципальнöй юкöнын (Чилимдін, Изьва, Вуктыл да Усинск районъясын) йöзöс нуöны-вайöны муниципальнöйпытшса юястi новлöдчöмöн.

2009 воын ва транспортöн нуöма-вайöма 58 сюрс мортöс да 891 сюрс тонна груз.

 

Магистральнöй транспорт

Коми Республика мутасын мусир нуöны:

"Харьяга-Уса" межпромыслöвöй мусир провод системаöн öтув кузьтанас 150 км да вонас 12 млн. тонна («ЛУКОЙЛ-Коми» ИКК);

"Уса-Ухта" да "Ухта-Ярославль" магистральнöй мусир провод системаöн öтув кузьтанас 1540 км да "Уса-Ухта" юкöнын вонас 24,2 млн. тонна, а "Ухта-Ярославль" юкöнын - вонас 20,3 млн. тонна («Войвывса магистральнöй мусир проводъяс» ВАК).

Коми Республика мутасын магистральнöй биару транспорт система артмö магистральнöй биару проводлöн нёль öчередьысь (кузьтаыс 7300 км), биару провод-отводъясысь (1200 км) да конденсатопроводъясысь (545 км). Медуна биару мунö Тюменскöй обласьтса месторождениеясысь.

Коми Республика мутасын однониточнöй магистральнöй биару проводъяс системалöн кузьтаыс 4000 км.

Коми Республикаын биару новлöдлö «Газпром трансгаз Ухта» ИКК («Газпром» ВАК-лöн тэчаса юкöдув).

Магистральнöй биару проводті дугдывтöг мунö республикалöн мутасын 100 млн. тоннаысь унджык естественнöй биару.

Став груз нуöмын трубопроводнöй транспортлöн пайыс 74,5%.

Ямальскöй биару нуöм могысь Россияса öтувъя биару системаын 2030 воöдз планируйтöма котыртны 2500 км-ысь унджык öтувъя кузьтаöн выль поколениеа биару нуан система. Сылöн медшöр юкöнöн лоö 1100 км гöгöр кузьта «Бованенково – Ухта» магистральнöй биару провод система (наысь 807 км Коми Республика мутасын), мый стрöитöны 2007 восянь.

 

Медшöр лыдпасъяс

2001 во

2002 во

2003 во

2004 во

2005 во

2006 во

2007 во

2008 во

2009 во

Став сикас транспортöн груз нуöм, млн. тонна

154,3

152,4

152,9

166,2

169,4

175,5

186,4

192,5

160,6

Транспортлöн грузооборот, млрд. т-км

123,8

123,6

127,6

138,9

142,7

154,6

164,3

170,6

158,9

Öтув вöдитчана транспортöн йöзöс новлöдлöм, млн. морт

239,4

236,8

124,91)

118,8

108,4

110,8

117,8

111,6

101,7

Öтув вöдитчана транспортлöн пассажирооборот, млрд. пасс.-км

3,3

3,2

2,5

2,5

2,2

2,3

2,5

2,5

2,3

 

Туй овмöс

Коми Республикаса государственнöй эмбурын öтув вöдитчана автомашина туйяслöн кузьтаыс 2010 вося тöвшöр тöлысь 1 лун вылö лоö 6041,6 км, кöні 5330,9 км чорыд веркöса, либö 88,2% öтувъя автомашина туй кузьтаысь. Чорыд веркöса республиканскöй унджык туйясыс асфальтобетоннöй веркöса (68,0%). Коми Республикаса автомашина туйяс сетьö пырö 283,6 км кузьта «Вятка» федеральнöй автомашина туй (Киров – Мураши – Сыктывкар Коми Республика мудорын).

Республикаын чорыд веркöса öтув вöдитчана автомашина туйяслöн (федеральнöйсö пыртöмöн) плотносьтыс лоö 1000 кв.км вылö 13,5 км. Россияса регионъяс костын автомашина туйяслöн плотносьт серти Коми Республика босьтö бöръя местаясысь öтиöс, кöні республикалысь экономикасö бура да вынйöра сöвмöдöм вылö автомашина туйяслöн медічöт коланлун серти эм сöмын 60%.

Такöд тшöтш, Коми Республикаса автотранспортнöй тэчас оз торъяв бур качествоöн, сы вöсна мый уна на переходнöй сяма да грунтöвöй туйяс. Сiдз, чорыд веркöса став öтув вöдитчана туйысь 30,6% мындаыс переходнöй сяма туй либö 1629,9 км. Вочасöн чинö грунтöвöй туй, мый 2010 во тöвшöр тöлысь 1 лун вылö вöлi 710,7 км кузьта либö автомашина туй öтувъя кузьта серти 11,8% мында.

2010 во тöвшöр тöлысь 1 лун вылö Коми Республикаса туйяс вылын эм 533 пос да путепровод, сы лыдын 339 пос либö 63,6% – капитальнöй, вавывса 18 пос. Ыджыд пайыс пу посъяслöн, кодъяслöн лыдыс 2010 во тöвшöр тöлысь 1 лун вылö 194 пос либö став пос да путепровод öтувъя лыдысь 36,4%. Пу поскыс унджыкыс Кулöмдiн, Удора да Луздор районъясын.

Тöвся кадö сиктын транспорт йитöдсö могмöдöны 12 км кузьта йи вывті 25 вуджанін, сы лыдын кузьта серти вöвлытöм йи вывті вуджанінъяс Печора ю вомöн быдöн 1,5 км унджык.

Коми Республикаса 35,8% сиктса олан пунктын абу зумыд транспорт йитöд чорыд веркöса öтув вöдитчана автомашина туйяскöд. Сизим муниципальнöй юкöнса олан пунктъясын, кöні олöны 300 сюрсысь унджык морт, сы лыдö пырöны Печора, Усинск, Инта, Воркута каръяс, республиканскöй автомашина туйяскöд да орчча регионъяскöд абу зумыд транспорт йитöдыс.

Коми Республикаын стрöитсьö «Сыктывкар – Ухта – Печора – Усинск – Нарьян-Мар Воркута да Салехард каръясöдз воöдчöмöн» автомашина туй, а сiдзжö дöзьöритсьöны да дзоньтавсьöны республика мутасті мунысь "Вятка" федеральнöй автомашина туй юкöнъяс.

 

email home map

Лучшая региональная практика 2017

Региональный раздел Республики Коми на федеральном Информационном портале об Оценке регулирующего воздействия


эко-Республика

VI Съезд Финно-Угорских народов РФ

Инвестиционный портал Республики Коми

Открытая Республика

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Торгово-промышленная палата Республики Коми

Разработка сайта — веб-студия «Цифровой Век»