Обычная версия сайта
Размер шрифта: -A +A

Антитеррористическая комиссия Республики Коми

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Официальный интернет-портал правовой информации



КОМИ РЕСПУБЛИКАСА ЙÖЗЛЫ ОТСÖГ СЕТÖМ, ВЕЛÖДÖМ, ЙÖЗЛЫСЬ ДЗОНЬВИДЗАЛУН ВИДЗÖМ, КУЛЬТУРА ДА СПОРТ

Йöзöс уджöн могмöдöм

2009 воын став сикас эмбур формаа организацияын уджалысь лыдыс (асшöр уджалысьястöг) 386 сюрс морт, либö экономикаын став уджалысь серти 81%.

Экономикаын уджалысьяс пиысь 49%-ыс нывбаба. Йöзлысь дзоньвидзалун видзöм, йöзöс велöдöм, культура да искусство, олысьясöс абу производственнöй сяма бытöвöя могмöдöм, вузасьöм да йöзöс вердöм юкöнын уджалысь лыдын 70 % нывбаба.

Медшöр удж сикасъяс, кöнi уджалöны йöз муысь воöмаяс: мусир, биару перйöм, вöр лэдзöм, стрöитчöм, транспорт да вузасьöм.

 

Социальнöй ёртасьöм

Коми Республикаын социальнöй ёртасян системаö пырöны:

Социальнöй да удж йитöдъяс ладмöдöм кузя куим сёрнитчысь костын республиканскöй комиссия;

Коми Республикаса став 20 карын да районын котыртöм социальнöй да удж йитöдъяс ладмöдöм кузя куим сёрнитчысь костын муниципальнöй комиссияяс;

2010 – 2011 вояс вылö Коми Республикаса Веськöдлан котыр, Коми Республикаса профсоюзъяслöн федерация да Коми Республикаса промышленникъяслöн, асшöр уджалысьяслöн да уджöн сетысьяслöн котыр костын социально-экономическöй могъяс кузя региональнöй артмöдчöм;

Коми Республикаса став 20 карын да районын кырымалöм социально-экономическöй могъяс кузя куим сёрнитчысь костын мутасса артмöдчöмъяс;

6 региональнöй отраслевöй артмöдчöм, сы лыдын: туй овмöсын, стрöитчöмын да стрöитчан материалъяс промышленносьтын, оланiн да коммунальнöй овмöсын, йöзöс велöдöмын, йöзлысь дзоньвидзалун видзöмын да мыж вештан системаын;

мутасса отраслевöй 9 артмöдчöм, кутшöмъяс пиысь: йöзöс велöдöмын – 6, культураын – 2, из шом перъян юкöнын – 1;

637 коллективнöй сёрнитчöм, мый серти уджалöны Коми Республикаса предприятиеясын, организацияясын да учреждениеясын 45% гöгöр уджалысь.

 

Уджалан условиеяс да удж видзöм

Федеральнöй законодательствокöд öттшöтш республикаын удж видзöм ладмöдсьö «Коми Республикаын удж видзöмын öткымын юалöм йылысь» Коми Республикаса Оланпасöн, а сiдзжö вылынджык пасйöм оланпас збыльмöдöм могысь примитöм Коми Республикаса Веськöдлан котырлöн шуöмъясöн да тшöктöмъясöн.

Коми Республикаса государственнöй власьт органъясöн примитöм мераяс сетiсны позянлун водзö чинтыны республикаын удж вылын доймалöмъяс. 2001 восянь удж вылын неминучаö веськалысь уджалысьяслöн лыдыс чинiс 5 %-сянь 23 %-öдз вонас. 2001 восянь 2008 воöдз 1000 уджалысь вылö доймалöмлöн тшöкыдлуныс чинiс 10,6-сянь 3,9-öдз либö 63,2 % вылö. Тайö лыдпас чинöмöн республиканым водзынджык Рытыв-Войвыв федеральнöй кытшса мукöд регионысь.

Коми республикаын государственнöй удж инспекциялöн лыдпасъяс серти удж вылын кувсьöм лыдыс чинiс 17,9 % вылö (2008 воын 39 морт да 2009 воын 32 морт).

 

Демографическöй серпас

2010 вося тöвшöр тöлысь 1 лун вылö Коми Республикаын пыр олысь лыдыс 951,1 сюрс морт.

2009 воын демографическöй серпасыс воддза во серти петкöдлö, мый олысьяслöн естественнöй чинöмыс лоис этшаджык 43,0% вылö да олысьяслöн миграционнöй чинöмыс – 22,4 % вылö.

Олысьяслöн естественнöй чинöмыс подулавсьö чужысь лыд содöмöн 1,3 % вылö да кулöм лыд чинöмöн 0,7 % вылö.

2009 воын республикаын чужис 149 пузчужöм кага вылö (1,3% вылö) 2008 во серти унджык, кулöм лыдыс чинiс 88 морт вылö (0,7 % вылö), та дырйи 1 арöсöдз кулысь лыдыс чинiс 17 морт вылö (22,1% вылö). Чужöмъяслöн 1000 олысь вылö коэффициентыс 12,4 морт, 1000 олысь вылö кулöм коэффициентыс – 12,8 морт, ловъяöн чужысь 1000 морт вылö ичöт арлыдаöн кулöмъяслöн коэффициентыс – 5,1 морт.

2008 во серти Коми Республикаысь мунысьяслöн öтувъя лыдыс чинiс 9,9 % вылö (2306 морт вылö), миграцицоннöй мунöмыс чинiс 22,4 % вылö (2044 морт вылö).

 

Йöзлысь дзоньвидзалун видзöм

Коми Республикаын йöзлысь дзоньвидзалун видзан юкöнö пырöны учреждениеяс да организацияяс, кодъяс збыльмöдöны гражданалысь дзоньвидзалун видзан юкöнын уна сикас уджмог, кодъяслöн эмöсь олысьяслы медицина отсöг сетöмын быдсикас шöр могъяс да могъяс.

Шöр мог да могъяс серти республикаын уджалöны йöзлысь дзоньвидзалун видзан татшöм учреждениеяс да медицина организацияяс:

1) учреждениеяс да организацияяс, кодъяс веськыда сетöны йöзлы медицина отсöг: йöзлысь дзоньвидзалун видзан амбулаторно-поликлиническöй, стационарно-поликлиническöй, стационарнöй учреждениеяс, диспансеръяс, шöринъяс, санаторийяс да мукöд;

2) йöзлы медицина отсöг сетiгöн, мукöдторйысь öтдор, дöзьöр нуöдысь организацияяс: Коми Республикаын Росздравнадзорлöн да Роспотребнадзорлöн мутас органъяс;

3) медицина отсöг сетöмсö могмöдан удж нуöдысь учреждениеяс да организацияяс: государственнöй да муниципальнöй (бюджетно-страхöвöй) аптекаяс, йöзлысь дзоньвидзалун видзöмöн веськöдланінъяс, сы лыдын автотранспорт учреждениеяс да материально-техническöя могмöдысь учреждениеяс да мукöд.

Талун выль ног юклöны медицина отсöг сетöмсö стационаръясысь поликлиническöй учреждениеясö, диспансеръясö, амбулаторияясö.

Республикаса йöзлысь дзоньвидзалун видзан системаын 2010 во тöвшöр тöлысь 1 лун вылö арталöма 55 государственнöй да муниципальнöй больничнöй учреждение суткичöжся 9304 койка да лунся 567 койка. 10 сюрс олысь вылö больничнöй койкаясöн могмöдöма 97,1 олысьöс.

2010 вося тöвшöр тöлысь 1 лун вылö уджалiс верстьö йöзлы да челядьлы амбулаторно-поликлиническöй 17 асшöр учреждение да 1 диспансер, кöнi сетöны сöмын амбулаторнöй отсöг, 40 амбулаторно-поликлиническöй юкöдув, кутшöмъяс пырöны больничнöй учреждениеясö, поликлиникаясöн 11 диспансер, пинь бурдöдан 6 поликлиника. Поликлиническöй учреждениеö 10 сюрс олысь вылö сменаö волö 295,4 морт.

Республика мутасын уджалö больнича бердын 567 местаöн 32 лунся стационар; амбулаторно-поликлиническöй учреждение бердын 1425 местаöн 78 лунся стационар; 201 местаöн гортса стационар.

Амбулаторнöй да стационарнöй бурдöдчöмкöд республикаын олысьяслы сiдзжö сетöны эновтны позьтöм (регыдъя) медицина отсöг. 2010 во тöвшöр тöлысь 1 лун вылö уджалiс регыдъя медицина отсöг сетан 2 станция да регыдъя медицина отсöг сетан 32 отделение. 2009 во чöж регыдъя медицина отсöг сетöма республикаса 371 сюрс олысьлы.

Коми Республика мутасын медицина уджалысьясöс да врачьясöс дасьтöны «Росздравлöн Кировса государственнöй медицина академия» вылыс уджсикасö велöдан государственнöй учреждениелöн Сыктывкарын Коми филиал да шöр уджсикасö велöдан 3 государственнöй учреждение: «И.П.Морозов нима Сыктывкарса медицина колледж», «Воркутаса медицина колледж», «Ухтаса медицина колледж».

 

Йöзöс велöдöм

Коми Республикаын йöзöс велöдан учреждениеяс сетöны республикаса став гражданалы школаöдз велöдöм, öкмыс да шöр (тыр) классъяс, улыс, шöр да вылыс тшупöда уджсикасö велöдöм кузя тöдöмлунъяс.

2010 вося тöвшöр тöлысь 1 лун вылö республикаын уджалö школаöдз велöдан 560 учреждение, сы лыдын каръясын да кар кодь посёлокъясын – школаöдз велöдан 250 учреждение, сиктъясын - 310 учреждение.

2009-2010 велöдчан во заводитчöм вылö школаöдз велöдан учреждениеясын 51,2 сюрс кага, сы лыдын каръясын да кар кодь посёлокъясын – 40,5 сюрс морт, сиктъясын – 10,7 сюрс морт.

Школаöдз велöдан öнія система артмö уна функцияа öтувъя велöдан, видзöдан да дзоньвидзалун бурмöдан, компенсируйтан учреждениеясысь, а сідзжö быдсяма челядьöс школаöдз велöдан учреждениеясысь, кагаöс сöвмöдан шöринъясысь.

Республикаын школаöдз велöдан став учреждениеысь 20 % -ын велöдöны челядьöс öти либö некымын сöвмöдан туйвизь серти, школаöдз велöдан 9 % учреждениеын велöдöны быдсяма челядьöс, 4 %-ыс - кагаöс сöвмöдан шöринъяс да 3 %-ыс - компенсируйтан учреждение.

2010 во заводитчöм вылö государственнöй да муниципальнöй лунся велöдан 413 учреждениеын велöдчö 95,5 сюрс морт, рытъя велöдан 12 учреждениеын - 3,1 сюрс морт.

 2009/2010 велöдчан воö уджсикасö велöдöны республикаса 69 общеобразовательнöй учреждениеын (10-11 классъясысь 28 % велöдчысь), уджсикасöн тöдмöдöны республикаса 143 общеобразовательнöй учреждениеын (9 классъясысь 52 % велöдчысь).

Паськыдджыка велöдан уджтас кузя общеобразовательнöй учреждениеяс лыдö пырöны 15 гимназия да 10 лицей, кöні лöсялöмöн велöдчöны 6,82 да 3,015 сюрс велöдчысь.

Республикаса 139 школаын 2009/2010 велöдчан воын котыртöма вайöдны 5178 велöдчысьöс матысса олан пунктъясысь. Школабердса 37 интернатын велöдчö 605 велöдчысь.

Коми Республикаын улыс тшупöда уджсикасö велöдöны улыс тшупöда уджсикасö велöдан 13 учреждениеын (2010 во тöвшöр тöлысь 1 лун вылö сэнi велöдчö 8,6 сюрс морт), а сідзжö шöр тшупöда уджсикасö велöдан 7 учреждениеын 2,8 сюрс мортöс.

2009/2010 велöдчан воын Коми Республикаын уджалö шöр тшупöда уджсикасö велöдан 20 государственнöй да 2 негосударственнöй учреждение (на пиын 8 филиал), кöні велöдчö 17,1 сюрс студент (сы лыдын филиалъясын – 0,9 сюрс студент).

2009/2010 велöдчан воын Коми Республикаын уджалö 6 вылыс тшупöда велöдан заведение да 18 филиал, кöнi велöдчöны 35,5 сюрс морт.

Коми Республикаын вылыс тшупöда уджсикасö велöдан юрнуöдысь заведениеясöн лоöны Сыктывкарса канму университет, Коми государственнöй педагогика институт, Сыктывкарса вöр институт (Киров нима Санкт-Петербургса лесотехническöй академиялöн филиал), Ухтаса государственнöй техническöй университет.

Республикаса общеобразовательнöй да велöдан учреждениеясын 4247 кружокö ветлöдлö 74,7 сюрс кага. Унджык челядьыс велöдчöны художественнöй творчествоö (24,6 сюрс кага) да мортöс ёнмöдан да спорт туйвизьяс кузя (15,8 сюрс кага).

 

Йöзлы социальнöй отсöг сетöм

Коми Республикаса йöзлы отсöг сетсьö «Коми Республикаын олысьяслы социальнöй отсöг сетöм йылысь», «Коми Республикаын государственнöй социальнöй отсöг сетöм йылысь», «Челядя семьяяслы Коми Республикаын государственнöй гарантияяс йылысь», «Кагаöс семьяö сетiгöн государственнöй отсöг йылысь», «Коми Республикаын олысьясöс социальнöя могмöдöм йылысь» Коми Республикаса Оланпасъяс серти.

«Коми Республикаын олысьяслы социальнöй отсöг сетöм йылысь» 2004 во вöльгым тöлысь 12 лунся 55-РЗ №-а Коми Республикаса Оланпас серти сетсьö социальнöй отсöгыс республикаса торъя категория гражданалы.

Коми Республикаын лöсьöдöма федеральнöй да региональнöй регистръяс гражданалысь, кодъяслöн эм право социальнöй отсöг вылö. 2010 во тöвшöр тöлысь 1 лун вылö федеральнöй регистрö пыртöма 91,0 сюрс мортöс, региональнöйö – 101,3 сюрс мортöс.

Коми Республикаса республиканскöй сьöмкуд тшöт весьтö сетсьö социальнöй отсöг, мый пыртöма Коми Республикаса рöскод обязательствоясö:

2008 восянь Коми Республикаын торъя категория гражданалы олан жырйысь да коммунальнöй услугаясысь мынтысьöм кузя социальнöй отсöгсö тырвыйö вуджöдöма сьöмöн сетöм вылö.

2010 во тöвшöр тöлысь 1 лун вылö Коми Республикаын олö 202 приёмнöй семья, кöнi быдмö 470 кага.

«Коми Республикаын олысьясöс социальнöя могмöдöм йылысь» 2004 во öшым тöлысь 31 лунся 84-РЗ №-а Коми Республикаса Оланпас серти уджалöны олысьясöс социальнöя могмöдан учреждениеяс, сы лыдын: Коми Республикаса государственнöй учреждение – олысьясöс социальнöя могмöдöмын государственнöй услугаяс збыльмöдан 21 шöрин; дзоньвидзалунын дзескöдöм позянлуна йöзлы 6 реабилитационнöй шöрин; ас оланiнтöм да уджтöмалысь йöзлы 2 реабилитационнöй шöрин; верстьö йöзлы да вермытöм челядьлы 16 стационарнöй учреждение; семьялы да челядьлы социальнöй отсöг сетан 13 шöрин; тыр арлыдтöмъяслы специализируйтöм 20 учреждение.

Олысьясöс социальнöя могмöдан учреждениеяс вöчöны услугаяс, кутшöмъяс пырöны социальнöй услугаяслöн гарантируйтöм да содтöд лыддьöгö (социально-бытöвöй, социально-медицинскöй, социально-правовöй, социально-психологическöй, социально-реабилитационнöй). Социальнöй услугаяс сетсьöны быдсикас категория гражданалы, кодъяслы колöны тайö услугаясыс, социальнöя могмöдöм кузя законодательство нормаяс серти.

 

Культура да искусство

2010 во тöвшöр тöлысь 1 лун вылö Коми Республикаын культура да искусство учреждениеяс лыдö пырöны: 5 театр, 1 филармония, 369 библиотека, прöст кад коллялан 395 учреждение, 104 киновидеоустановка, сы лыдын 16 карса да 88 сиктса, на лыдын 12 кинотеатр, 20 музей. Уджалö содтöд тöдöмлун сетан 49 учреждение, шöр тшупöда 3 велöдан заведение.

Коми Республикаын медшöр театрально-концертнöй организацияясöн лоöны: "Коми Республикаса государственнöй опера да балет театр" ГУ; "Народъяслöн дружба ордена В.Савин нима Коми Республикаса государственнöй академическöй драма театр" государственнöй культура учреждение; "Коми Республикаса вужвойтырлöн шылада-драмаа театр" Коми Республикаса ГУ; "Воркутаса государственнöй драма театр" государственнöй культура учреждение; "Коми республиканскöй филармония" ГУ.

369 публичнöй библиотекаясысь 274 лоö сиктсаöн, 4 библиотека - республиканскöй тöдчанлуна: "Коми Республикаса национальнöй библиотека" ГУ, "Том йöзлы Коми республиканскöй библиотека" ГУ, "С.Я. Маршак нима Коми Республикаса челядьлы национальнöй библиотека" ГУ, "Синтöмъяслы Л.Брайль нима Коми республиканскöй торъя библиотека" ГУ. 2009 воын библиотекаясö воліс республикаса 45,0% олысь (438,4 сюрс морт). Электроннöй базаын 1073,5 сюрс гижöд.

Коми Республикаын уджалö 20 музей, сы лыдын 2 музей - республиканскöй тöдчанлуна ("Коми Республикаса национальнöй галерея" ГКУ да "Коми Республикаса национальнöй музей" ГРУ). 10 музей уджалö карын, 10 - сиктын. Став музей серти 17 - историко-краеведческöй, 1-öн - художественнöй, мемориальнöй да театральнöй.

2010 во заводитчöм вылö государственнöй да муниципальнöй музейяслöн медшöр фондын арталöма 589299 единица, эм музейнöй предметъяс реставрируйтöм кузя аслас база.

Республикаын сöвмöма йöзкост промысел: пу вундалöмöн серöдöм да серпасалöм, сюмöдысь вöчасьöм, вöчöмторъяс кыöм (ньöрйысь, вужйысь), дöра кыöм, узоръясöн кысьöм, кружеваяс кыöм, сёй, кучик, ку, вышивайтчöм, йöзкост аканьяс вöчöм.

2009 воын Коми Республикаын 1355 культура наследие объект. Государстволöн видзöм улын 397 объект, на лыдын 71 - федеральнöй тöдчанлуна. Аддзöма 904 культура наследие объект, кöнi унджыкыс лоöны археология памятникъясöн (880 единица) да вöрзьöдны позьтöм 54 объект, кодъяслöн эмöсь культурнöй наследие объект признакъяс.

Культура да искусство юкöнын шöр уджсикас образованиеö квалифицируйтöм специалистъясöс велöдöны шöр уджсикасö велöдан торъя заведениеясын: Коми Республикаса искусствояс колледж, В.Т. Чисталёв нима Коми республиканскöй культура колледж, Шыладö велöдан Воркутаса училище.

Коми Республикаса культура министерство системаын 2009 воын уджалiс челядьöс содтöд велöдан 49 муниципальнöй учреждение, кöнi велöдчис 8341 морт, уджалiс 732 велöдысь.

 

Мортöс ёнмöдöм да спорт

2010 во тöвшöр тöлысь 1 лун вылö Коми Республикаын уджаліс 2128 спорт сооружение. На пиысь 733 - спорт площадкаяс да полеяс, 787 - спорт залъяс. На пиысь 2010 во заводитчöм вылö 37 бассейн, 8 стадион, 118 лызь база.

Спортивнöй да мортöс ёнмöдан да бурдöдан секцияясö да группаясö ветлöдлöны 191 сюрс морт (республикаса олысьяс öтувъя лыдысь 20,1 %).

Мортöс ёнмöдан удж вöчö 2060 штатнöй уджалысь, на лыдысь 916 мортлöн вылыс уджсикас тöдöмлуна.

Коми Республикаын спорт, мортöс ёнмöдöм да туризм кузя специалистъясöс дасьтöны Сыктывкарса государственнöй университетын, Ухтаса государственнöй техническöй университет бердын Мортöс ёнмöдöм, спорт да туризм институтын, Сыктывкарса педагогическöй колледжын.

2009 воын республика мутасын нуöдöма спорт сикас кузя 155 республиканскöй вермасьöм (кубокъяс, чемпионатъяс, первенствояс) да ставроссияса тшупöда 34 мероприятие. Коми Республикаса чукöртöм командаяс 176-ысь ветлiсны республика сайö ставроссияса вермасьöмъясын участвуйтöм могысь.

 

Туризм

2009 воын республикаын туризм удж нуöдiс 66 турфирма, кодъяс вöзйисны ёнджыкасö республикасайса туризм. Турфирмаяс вузалiсны 18640 путёвка, мый 24,7 % вылö унджык 2008 во серти.

2009 воын пытшкöсса да Коми Республикаö волан туризм юкöн пыр сöвмö да тöдчö сыöн, мый содöны олысьяслы сетан туристскöй услугаяс, содö Коми Республикаын туристъяслы вöзйöмторъяс да кыптö петкöдланторъяс дорö волысьяслöн интерес.

Таысь öтдор, 2009 воын ёна кутiсны сöвмöдны Коми Республикаын пытшкöсса да волан туризм да бырöдны мытшöдъяс, кутшöмъяс эз сетны сöвмыны тайö юкöнлы: сöвмöдöны отрасльяс костын öтувъя удж; лöсьöдöны туристскöй брендъяс да дасьтöны пытшкöсса да велöдны волан туризмын уджалысь специалистъясöс; содтöны Коми Республикаса туристскöй прöдуктъяс йылысь Россия Федерацияса гражданаöс бурджыка юöртöм вылö веськöдöм мероприятиеяс.

Коми Республикаса Веськöдлан котырлöн 2009 во вöльгым тöлысь 27 лунся 344 №-а шуöмöн вынсьöдöма «Коми Республикаын волан да пытшкöсса туризм сöвмöдöм (2010-2012 вояс)» торъя мога республиканскöй уджтас, кодлöн могыс – правовöй, организационно-управленческöй да экономическöй среда котыртöм, мый веськöдöма Коми Республикаын волан да пытшкöсса туризм сöвмöдöм вылö.

Такöд тшöтш, öнi ёнджыка сöвмö пытшкöсса туризм. Бура пöртсьöны олöмö этнография, экология, познавательнöй да сиктса туръяс. Туристъяслы окота аддзывны 2008 воын "Россияса чуймöданаторйöн" лыддьöм Маньпупунёр вылысь "Из бöлбанъяс" (Мылдiн район).

Сiдзжö збыльмöдсьö пытшкöсса да республикаö волан туризм: "Финн-йöгра этнокультурнöй парк", " Якша сикт кодь посёлокын гöсьтъяслы туристскöй грезд" (Мылдiн район), "Луздорса алöй лента" (Луздор район), "Гöсьтъяслы керка" (Чилимдiн район).

 

email home map

VI Съезд Финно-Угорских народов РФ

Лучшая региональная практика 2017

Региональный раздел Республики Коми на федеральном Информационном портале об Оценке регулирующего воздействия


Инвестиционный портал Республики Коми

Открытая Республика

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Торгово-промышленная палата Республики Коми

Разработка сайта — веб-студия «Цифровой Век»