Обычная версия сайта
Размер шрифта: -A +A

Антитеррористическая комиссия Республики Коми

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Официальный интернет-портал правовой информации



КОМИ РЕСПУБЛИКАСА ВÖР-ВА ОЗЫРЛУН

Минерально-сырьевöй озырлун

Ыджыд тöдчанлуныс Россияса экономикалы Коми Республикаса минерально-сырьевöй вынйöрлöн, кытчö пырö уна пöлöс сотчан, кöрт да абу кöрт мупытш озырлун, а сiдзжö мупытшса ва.

Республика мутасын туялöм мупытшса озырлунö пырöны ставроссияса запасъяс: мусир – 3% гöгöр, из шом – 4,5%, барит – 13%, боксит – 30%, титан – 50% гöгöр, кварцево-жильнöй сырьё – 80% гöгöр.

Медся тöдчанаöсь Коми Республикаын ломтас да энергетическöй ресурсъяс, мый петкöдчöны Тимано-Печорскöй мусир да биару перъян провинцияын да Печораса из шом перъян бассейнын да сотчан сланеч куим бассейнын. Мупытшса горючöй запасъяс да перйöм серти республика лоö Россияса Европа Войвылын ломтас сетысь медшöр базаöн.

Печораса из шом перъян бассейн запасъяс серти лоö Россияын мöд бассейнöн да дыр кад кежлö перспективнöй сырьевöй зэв ыджыд базаöн, медым сöвмöдны коксохимия, энергетика, а водзö вылö – метан перйöмын.

Сылöн мутасын тöдса 30 гöгöр из шом перъянін да из шом туяланін, сы лыдын туялöм балансöвöй запасъяса 11 месторождение. Печораса из шом бассейнын öтувъя геологическöй озырлуныс донъявсьö 242 млрд. тонна из шомöн, сы лыдын кондиционнöйыс – 58,4 млрд. тонна из шом. Промышленнöя перйöм вылö лöсьöдсьö да дасьтыссьö 3,99 млрд. тонна из шом.

Öнія кадö уджалö 3 месторождение: Воркутаса, Воргашорса да Интаса. Мыйтакö из шом перйöны Юньягинскöй месторождениеын карьерöн. Печораса бассейнын эм позянлун Сейдинскöй месторождениеын перйыны бур энергетическöй из шом, сы лыдын восьсöн. Дасьтöма коксуйтчысь из шом запассö восьсöн обработайтöм вылö Сыръягаса площадка вылын.

Республика мутасын углеводороднöй сырьё запасъяс да ресурсъяс лоöны Тимано-Печорскöй мусир да биару провинциялöн шöр да лунвыв юкöнъясын.

Мусир запас эм 131 перъянiнын, на пиысь 114-ыс – мусир перъянiн, 8-ыс– мусир да биару конденсата, 4-ыс –мусир да биару перъянiн, 5-ыс – биару да мусир перъянiн. А+В+С1 категорияа мусир запас ставнас 600 млн. тоннаысь унджык. Мусир перъян 60% -ысь унджык коляс запасыс куим гырысь месторождениеын – Ярегаса да Усинскса мусир перъянiнын да Возейса мусир да биару конденсата перъянiнын.

Горючöй биару запас эм углеводородлöн 132 куйланiнын, сы лыдын свободнöй биару – 38 куйланiнын, попутнöй (мусирын растворитöм биару, биару шапкаяс – 94 куйланiнын. А+В+С1 категорияа биару запас ставнас 140 млрд. куб. м унджык. Сылöн пöшти джынйыс Вуктылса биару конденсата месторождениеын.

Тöдчымöн уна сотчан сланеч, мый унджыкыс сланеча куим районын да донъявсьö 62 млрд. тонна, сы лыдын донъялöма 6 млрд. тонна запас. Сотчан сланеч олöмын колö быдлаö, тшöтш и энергоклинкернöй производствоын, сир вöчигöн, ломтасö, лекарство препаратъясö, микроудобрениеö.

Торф эм 4,84 сюрс перъянiнын, запасöн да прогнознöй ресурсöн 8,4 млрд. тонна. Промышленнöя тöдмалöм запасыс 452, 9 млн. тонна (200 гöгöр перъянiн).

Кöрт мупытшса озырлунö пырö сьöд кöрт руда (титан, марганеч, хром), уна рöма кöрт (алюминий, ыргöн, свинеч, цинк), шоча паныдасьлан (ниобий, тантал, вольфрам, молибден), рассеяннöй (галлий, скандий) да редкоземельнöй кöртъяс (церий, иттрий). Дона кöртъяс лыдын зарни, эмöсь эзысьлöн, платиналöн петкöдчöмъяс. Тöдсаöсь алмазлöн петкöдчöмъяс.

Коми Республика бокситöвöй руда кузя лыддьыссьö Россияын зэв ыджыд да перспективнöй сырьевöй базаöн. Тиманскöй кражын аддзöма да туялöма боксит месторождениеа кык район: Шöр Тиманса да Лунвыв Тиманса.

Медуна запасыс (провинциялöн 68 % запас) качество серти медбурыс Среднетиманскöй бокситоноснöй районын.Танi тöдмалöма латеритнöй бокситлысь Ворыквинскöй месторождениеяс (Вежаю-Ворыквинскöй, Вылыс Тшугорскöй да Асыввывса), кодъяслöн горно-геологическöй условиеясыс бурöсь ёнджыкасö восьсöн перйöм вылö. Бокситлöн качествоыс шöркодь да бур, мый сетö позянлун вöдитчыны сыöн глинозём вöчигöн, абразив, огнеупор вöчигöн, а глинозём вöчигöн тшöтш перйыны шоч металлъяс, торйöн кö, галлий да ванадий, а водзö вылö и ниобий, шоч му, скандий.

Зэв ыджыд Вежаю-Ворыквинскöй месторождениеын уджалö да сöвмö Шöр Тиманса боксит рудник, кытысь бокситсö босьтöны Уралса да Россиялöн Рытыв-Войвывса предприятиеяс. Республикаын дасьтысьöны кыпöдны ыджыд глинозёмнöй предприятие, кодлöн вонас вынйöрыс 1,2 млн. тонна глинозём. Шöр Тиманын боксит рудасö вонас позяс перйыны 6 млн. тоннаöдз.

Титанöвöй рудалöн сырьевöй базаыс – Россияын да матыс суйöрын медыджыд. Запасъяс серти вöвлытöмöн лыддьыссьö Ярегаса нефтетитанöвöй месторождение (50% гöгöр ставроссияса запасысь). Коми Республикаын збыльмöдсьö «Ярегаса нефтетитанöвöй месторождение комплекснöя освоитöм» бала, кöнi артавсьö перйыны да переработайтны кыдзи мусир, сiдзи и титан. Предприятиелöн проектнöй вынйöрыс вонас 1,2 млн.тонна титанöвöй руда. Титанöвöй концентратысь лоö вöчöма титанокремниевöй лигатура да титанöвöй шлак, мый сетас позянлун вöчны ассьыным сырьё металлургическöй да пигментнöй производстволы.

Титанöвöй рудалöн вынйöр дорö содö Пижемскöй месторождение донъялöм запасъясöн, мый паськöдчöма Шöр Тиманса освоиттöм районын. Месторождениеын «Геотехносервис» ИКК предприятие нуöдö промышленнöй запасъяс дасьтöм вылö корсьысян уджъяс водзö вылö титанöвöй руда перйöм могысь.

Марганеч руда öнiя кадö лыддьыссьö торъя дефицитнöйöн. Республикалöн марганцево-руднöй сырьевöй базаö пырö Парнокскöй железо-марганцевöй месторождение, мый паськöдчöма Приполярнöй Ураллöн рытывладор пöкатын. Запас тэчасын торъялö марганеч рудалöн зэв бур пероксиднöй тип.

Коми Республикаын эмöсь Россиялöн Полярнöй Уралын ыджыд хромитоноснöй массивъяс. Аддзöма некымын руднöй места, кöні хромитöвöй рудалöн вынйöрыс 40 млн.тонна гöгöр.

 Республикаын эм россыпнöй зарнилöн минерально-сырьевöй база. Збыльвылас пöшти став зарни балансöвöй запасыс лоö Кожымса рудно-россыпнöй районын, кöні туялöма некымын дас россыпнöй месторождение. Ыджыд позянлун восьтöны Приполярнöй Ураллöн рытыв пöкатъясын кореннöй зарни объектъяс. Коми Республикаын россыпнöй да кореннöй зарнилöн став балансöвöй запасыс 50 тонна гöгöр, зарнилöн прогнознöй ресурсыс – 200 тоннаысь унджык.

Республикаын паськалöма неметаллическöй мупытшса озырлун, мыйöн позьö вöдитчыны кыдзи горнохимическöй (барит, каменнöй да калийнöй совъяс, фосфоритъяс, химическöй промышленносьтлы карбонатъяс), горнотехническöй ( гипс, стеклö сырьё, цеолит, бентонит), пьезооптическöй да кварцевöй (жильнöй кварц, пьезокварц, горнöй хрусталь) сырьёöн. Эм металлургиялы сырьё (ыджыд жарысь повтöм сёй, флюсöвöй доломит да известняк, формовочнöй материал), ювелирнöй да пöртмасян дона изъяс (аметист, жадеит, нефрит), минерально-стрöительнöй сырьё (известняк, доломит, мрамор, кварцит, лыа, гальки).

Промышленносьтын медся ыджыд тöдчанлуныс баритлöн, кварцевöй сырьёлöн, стеклö лыалöн, каменнöй да калийно-магниевöй совъяслöн.

Собско-Пальникскöй баритоноснöй районса баритöвöй рудалöн ресурснöй базаыс донъявсьö 80-100 млн. тонна. Медся ыджыдöн да туялöмаöн лыддьыссьö баритöвöй рудалöн Хойлинскöй месторождение (промышленнöй запасыс –2 млн. тоннаысь унджык, прогнознöй ресурсыс – е 9 млн. тоннаысь унджык), кодöс заводитiсны уджöдны 1998 воын.

Приполярнöй Уралын кварцевöй сырьёлöн ресурсыс ыджыд тöдчанлун босьтö россияса запас балансын. Коми Республикаын запас балансын артавсьö кварцевöй сырьёлöн 5 месторождение. На пиысь медся ыджыдöн да дзик öти уджöданаöн лоö «Желанное» месторождение.Татысь перъян кварцевöй сырьёыс мунö Россияын электроникалы, оптикалы, искусственöй монокристалл синтезлы торъя сикас стеклöяс вöчöм вылö.

Комиын эм каменнöй да калийно-магниевöй совлöн ыджыд запас да ресурс. Государственнöй запас балансын артавсьö сöмын Сереговса месторождение, кöнi запасыс 2,6 млрд. тоннаысь унджык да прогнознöй ресурсыс 5 млрд. тонна.

Республикалöн асыв-лунвылын паськыда тöдса каменнöй да калийно-магниевöй совъяслöн сов бассейн. Сылöн неыджыд юкöнын (Вылыс Печораса месторождение) донъялöма сов запассö: повареннöй –13 млрд. тоннаысь унджык, магниевöй - 165 млн. тоннаысь унджык, калийнöй – 122 млн. тоннаысь унджык.

Стеклö лыа запас да ресурс аддзöма Коми Республикаса рытыввыв районъясын.Промышленнöя освоитöм кежлö дасьтыссьö «Чернокурка» месторождение, кöнi запассö тöдмалöма да донъялöма 14 млн. тоннаысь унджык. Тайö месторождениеын стеклö лыалöн прогнознöй ресурсыс 50 млн тонна гöгöр. Коми Республикаын стеклö лыалöн öтувъя прогнознöй ресурсыс донъявсьö 300 млн тоннаысь унджык.

Стрöительнöй индустриялöн минерально-сырьевöй базаыс озыр уна сикас месторождениеясöн: карбонатнöй сырьёöн, стрöительнöй да облицовочнöй изъясöн, стрöительнöй, силикатнöй, стеклö лыаöн, кирпич да керамзит вылö сёйöн, цемент, гипс вöчöм вылö опокаöн да аргиллитöн.

Республикаын ыджыдöсь ресурсъясыс преснöй, минеральнöй да мупытшса промышленнöй ваяслöн. Овмöслы да юны туяна мупытшса преснöй ваясöн вöдитчана ресурсыс суткинас 62 млн.куб.м-ысь унджык. Арталöма юöм вылö да овмöс нуöдöм вылö мупытшса преснöй валысь 104 месторождение (участок). Уджöдсьö 69 месторождение (участок).

Тöдчанаöн лоöны мупытшса минеральнöй ва ресурсъяс. Медся ёна паныдасьлöны этша минерализуйтöм юан, сероводороднöй , унджык брома да кöрта минеральнöй ваяс. Республикаын туялöма мупытшса минеральнöй валысь 9 месторождение (участок) суткинас 3,532 сюрс куб.м балансöвöй запасöн. Минеральнöй ва кисьталöны промышленнöя, а сiдзжö бальнеологическöй могъяс вылö.

Коми Республика лоö промышленнöй валöн ыджыд сырьевöй базаöн, мый сулалö ёнджыкасö Тимано-Печорскöй мусир да биару провинцияын. Мусир перъян пластöвöй ваясын эм бром, йод, литий, магний, стронций да мукöд дона компонент.

 

Ва озырлун

Коми Республика пырö лишка васöд зонаö.

Коми Республикаса гидрографическöй сетьыс йитчöма татшöм море бассейнъяскöд: Белöй (Эжва, Луза, Мозын юяс), Баренцев (Печора ю), Карскöй (Кара ю) и Каспийскöй (Летка, Кобра, Берёзовка юяс). Налöн плöщадьыс республикалöн мутас серти лöсялöмöн 35,2%; 62,9%; 0,7%; 1,2% мында.

Муниципальнöй юкöнъяс серти ва ресурсыс юклыссьö зэв оз öтмоз. Республикаын заводитчöны да визувтöны кык ыджыд ю – Печора да Эжва.

Коми Республикаын Печора нюжöдчöма 1570 км. Сiйö заводитчö Мылдiн районын да вомöналö 6 административнöй район.

Эжвалöн кузьтаыс Коми Республикаын 920 км, вомöналö 4 район.

Республика пасьтала тыяс абу зэв сöвмöмаöсь. Медунаöсь найö  Большеземельнöй тундраын, войвыв районъясса ю ковтысъясын да ваюксянiнын, гырысь ю ойдланiнъясын. Ставнас республикаын артавсьö 70 сюрс гöгöр ты, ставнас 4,3 сюрс км2, мый лоö сылöн мутасысь 0,5%. Медгырысь тыяс лыдö пырöны Ямозеро (ыдждаыс 31,1 км2), Синдорса (28,5 км2), Косминскöй (12,6 км2).

Ёна паськалöмаöсь Коми Республикаын нюръяс да нюрзьöм муяс. Шöркодя нюрзьöмыс территорияын 9,6%. 60% -ысь унджыкыс верхöвöй сяма нюръяс. На лыдын Европаын медгырысьясыс - Океан нюр (1790 км2) да Усинскса нюр (1570 км2).

 

Вöр озырлун

Коми Республика – Россияын медгырысь вöр промышленнöй регионъясысь öти. Вöр фондса став вöр площадьыс 38,9 млн. га, сы лыдысь 30 млн. га быдмö вöрöн, либö Россияса став вöр площадьысь 3,5% да Россияса Европа Войвывлöн вöрысь 50% гöгöр.

Вöрыс да кустарникыс босьтöны республикалысь 78% мутассö. Вöрöн вöдитчöм вылö сетöма вöр фондлöн куим нёльöд юкöнысь унджык 3 млрд. куб. м. запасöн. Республикаса вöрлöн аслыспöлöслуныс сыын, мый сэнi уна воöм да вывтi воöм вöрыс (72,3%).

Республика пырö Россияса вöр районъяс лыдö, кöнi эмöсь зэв дона пемыд лыска козъя вöръяс. Лыска вöр запасыс 84% став вöр пуктасысь. Небыд коръя вöр запасыс 15,9% öтувъя вöр пуктасысь.

 

Звер-пöтка

Коми Республикалöн звер-пöтка лыдö пырö 4400 сикас олысь. На пиын 3 сюрсысь унджыкыс - гут-гаг, 315 сикас мувывса позвоночнöй пемöс (5 сикас земноводных, 247 сикас лэбач да 58 сикас млекопитающöй). Республикаса ю-тыын олö 47 сикас чери.

Коми Республикаса гöрд небöглöн мöд изданиеö (2009) доръян пемöс списокын артавсьö 33сикас лэбач, 15 сикас млекопитающöй да 6 сикас чери. Лэбачьяс пиысь олöны регионын скопа, сапсан, беркут. Республикаса ю-тыын олöны шоча паныдасьлысь черияс, кыдзи чикыш ком, нельма, лен, осётр.

Республика мутасын позьö кыйны 37 сикас пöтка: сьöла-тар - 5, ваын уялысьясöс - 21, вадоркай - 11. Прöмысел нуöдан да любительскöй вöралöмын медся тöдчанаясöн лоöны сьöла-тар (еджыд байдöг, сьöла, дозмöр, тар) да ваын уялысь пöтка (гуменик, горда, ваула, кавкавлык, жыдач да суналысь утка).

Овмöс нуöдöм боксянь медся вылö донъявсьöны татшöм пемöсъяс: йöра, ош, мой, вурд, низь, ур, тулан, руч, сьöдбöж, анча, вöркань, сан, еджыд кöч, ондатра.

Республикаса ю-тыясын олысь 47 сикас чериысь промыселöн кыйöны  15-17 сикас медся дона да медпаськалöм чери. Дона сикасысь позьö торйöдны печораса чими, сибирса да европаса ком, стерлядь, нельма. Промышленнöя кыйöны мöдлаö вешъялысь дона черияс: чими, сиг-пыжьян, ряпушка.

 

Экология серпас

Коми Республикалöн, кыдзи и Россия Федерацияса унджык регионлöн, эмöсь сьöкыдлунъяс атмосфернöй сынöд сöстöмöн видзöм кузя, промышленнöй да бытöвöй коляс весалöм да бырöдöм кузя, вевдор да мупытш ваяс сöстöмöн видзöм кузя, мулысь вын видзöм да муяс няйтчöдöмысь видзöм кузя.

Карса сынöд медъёна няйтчöдöны: транспорт, теплоэнергетика, из шом, мусир да биару предприятиеяс, мусир да биару переработайтан заводъяс, вöр переработайтан предприятиеяс, стройиндустрия.

Медся уна коляс артмö мупытшса озырлун перйысь предприятиеяслöн (пöшти 79%) да обработайтысь производстволöн ( 15% гöгöр). Мукöд сикас экономическöй удж вöчöмысь артмö колясыс 6%. Медшöр отрасльяс, кöнi артмöны да чöжсьöны колясъяс, – из шом перйысь да вöр обработайтысь.

Колясъяс кузя öтувъя удж котыртöм могысь Коми Республикаын ёна колö лöсьöдны «Колясъяс» республиканскöй торъя мога уджтас либö дасьтыны Коми Республикаын колясъяскöд удж нуöдан концепция, медым 2020 воöдз кадколаст вылö лöсьöдны республикаын колясъяс кузя удж нуöдöмын государственнöй политикалысь медшöр туйвизьяс, мый дасьтöма тайö юкöнын öнiя серпас серти, республикаын да орчча регионъясын коляс нуан схемаяс серти, Коми Республикаын производительнöй вынъяс иналöм да сöвмöдöм серти.

Тайö туйвизь серти уджыс водзö мунас 2010 воын.

2010 вося тöвшöр тöлысь 1 лун вылö республикаын артавсьö 240 торйöн ёна видзан вöр-ва мутас, сы лыдын: 2 – федеральнöй тöдчанлуна (Печоро-Илычскöй государственнöй биосферный вöр-ва заповедник да «Югыд ва» национальнöй парк) да 238 торйöн ёна видзан региональнöй тöдчанлуна вöр-ва мутас (разнöй профиля 165 вöр-ва заказник да 73 вöр-ва памятник).

Торйöн ёна видзан вöр-ва мутаслöн площадьыс (федеральнöй да республиканскöй тöдчанлуна ), 6 млн. гаысь унджык, либö  Коми Республикалöн став площадьысь 14,6% гöгöр.

1995 восянь «Югыд ва» национальнöй парклöн мутас лунвылын сы дорö пырысь Печоро-Илычскöй государственнöй биосфернöй вöр-ва заповедниккöд да сылöн буфернöй зонаöн пыртöма ЮНЕСКО ставмирса вöр-ва озырлун списокö «Комиын вöрзьöдлытöм вöръяс» öти ним улын. 

 

email home map

VI Съезд Финно-Угорских народов РФ

Лучшая региональная практика 2017

Региональный раздел Республики Коми на федеральном Информационном портале об Оценке регулирующего воздействия


Инвестиционный портал Республики Коми

Открытая Республика

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Торгово-промышленная палата Республики Коми

Разработка сайта — веб-студия «Цифровой Век»