Обычная версия сайта
Размер шрифта: -A +A

Антитеррористическая комиссия Республики Коми

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Официальный интернет-портал правовой информации

Национальный антитеррористический комитет



НАЦИОНАЛЬНÖЙ ЙИТÖДЪЯС, ВОЙТЫРКОСТСА ДА РЕГИОНКОСТСА ÖТУВ УДЖ

Национальнöй йитöдъяс

Коми Республикаын олöны 130 национальносьтя войтыр.

Уна сикас войтыр костын йитöдъяс ладмöдöм кузя полномочиеяс пöртö олöмö Коми Республикаса национальнöй политика министерство. Сылöн медшöр мог – öтувтны став власьт органлысь, быдсикас политическöй, общественнöй, национально-культурнöй öтмунöмъяслысь республика мутасын олысь став войтырлысь национальнöй культура, кыв да традицияяс видзöм да сöвмöдöм кузя зільöмсö.

Государственнöй национальнöй политика олöмö пöртöм кузя Коми Республикаса государственнöй власьт органъяслöн медшöр отсасьысьясöн олысьяс костын лоöны республикаса национально-культурнöй общественнöй öтувъяс. Уджалö 80 унджык татшöм организация, сы лыдын 9 республиканскöй национально-культурнöй автономия, 10 республиканскöй национально-культурнöй öтув, 4 общественнöй öтмунöм, сы лыдын 3 регионкостса.

Коми Республикаса национальнöй политика министерство бердын уджалö Национально-культурнöй автономияяслöн могъяс кузя консультативнöй сöвет, кодлöн уджмогыс – участвуйтны государственнöй национальнöй политика олöмö пöртöмын да ёнмöдны национально-культурнöй автономияяслысь уна сикас войтыр да конфессияяс костын сöгласö воöдчöм могысь зільöмсö, сöвмöдны регионъяс костын ёртасьöм.

Государственнöй власьт органъяслы вужвойтырлысь мытшöдъяс бырöдöмын отсалöны «Коми войтыр» регионкостса общественнöй öтмунöм, «Коми Республикаса вужвойтыр аньяс» общественнöй öтмунöм, «Изьватас» коми-изьватаслöн регионкостса общественнöй öтмунöм.

Государственнöй национальнöй политикаын колана туйвизьöн лоö коми войтырлысь, кыдзи финн-йöгра котыр юкöнлысь, этническöй культура видзöм да сöвмöдöм кузя да национальнöй аслыспöлöслун тöдчöдöм кузя стратегия да тактика лöсьöдöм. Коми Республика – финн-йöгра ёртасьöмö пырысь, сiйö лоö финн-йöгра мирын наука, стратегия боксянь да веськöдлан ресурсъяс пиысь öтиöн. Уна сикас регионкостса проектъяс, кутшöмъясöс збыльмöдöны республикаын, лоöны зэв тöдчанаöсь финн-йöгра ёртасьöмын да решайтöны талунъя лун вылö колана мытшöдъяс, видзöны да сöвмöдöны рöдвужа войтырлысь традицияяс да культура, лöсьöдöны финн-йöгра мирын юöр сетан öтувъя гöгöртас.

Уджтасса мероприятиеяс пыр збыльмöдöны кыв политика, мый веськöдöма сы вылö, медым кыпöдны сёрнитан культуралысь да кывъяслöн толерантносьтлысь öтувъя тшупöдсö, ёнджыка вöдитчыны коми кывйöн кыдзи государственнöйöн да сöвмöдны коми кывсö челядь да том йöз костын, пыртны Коми Республикаса государственнöй кывъяс уджö юöр сетан технологияяс. Сы могысь, медым став национальносьтя йöзлöн, кодъяс олöны республикаын, государственнöй кывъяс дорö вöлi бур видзöдласыс, быд во нуöдöны традиционнöй гажъяс, фестивальяс, конкурсъяс.

Республикаын олысь войтырöс культурнöя да духовнöя могмöдöмын, налысь культура, традицияяс, обычайяс да кыв видзöмын да сöвмöдöмын активнöя уджалöны 23 национальнöй культура шöрин, сы лыдын 6 коми культура шöрин.

Олöмыс вежсьö да государственнöй национальнöй политикаын чужöны выль могъяс. На пиысь öти – бурмöдны республикаса государственнöй власьт органъяс да религиознöй организацияяс костын экстремизмысь да этносепаратизмысь öлöдан удж, медым национальнöй да религиознöй олöмын эз лоны омöль лоöмторъяс. Коми Республикаса национальнöй политика министерствоын лöсьöдöма Религиялöн могъяс кузя сöвет, кöнi уджсö нуöдöны государство да конфессияяс костын йитöдъяссö сöвмöдöм да бурмöдöм вылö, видзöдöны, кыдзи министерствоясын да ведомствоясын, организацияясын да общественнöй формированиеясын збыльмöдöны енлы эскан либö эскытöм вылö вöлялысь правовöй нормаяс.

Öнi Россияын национальнöй верктуйяс пиысь öти – суйöр сайын соотечественникъяскöд удж нуöдöм. Коми Республика збыльмöдö Суйöрсайса соотечественникъяслы отсöг сетан мероприятиеяслысь план, мый серти республика отсалö россияса диаспоралöн общественнöй организацияяслы да öтувъяслы, суйöр сайын отсалö сöвмöдны роч кыв да россияса культура наследие, сöвмöдö экономика да юöр боксянь ёртасьöм.

Государственнöй национальнöй политика, мый нуöдöны Коми Республикаын, веськöдöма этнополитическöй зумыдлун видзöм вылö, межэтническöй, межконфессиональнöй толерантносьт лöсьöдöм вылö да вöчсьö национальнöй сöвмöмын да войтыркостса йитöдъяс ладмöдöмын государственнöй власьт органъяскöд, меставывса асвеськöдлан органъяскöд да общественнöй öтувъяскöд бур йитöдъяс öтув лöсьöдöмöн.

 

Войтыркостса да регионкостса öтув удж

Коми Республика кутö уна сикас йитöд СНГ да ылыс суйöрсайса странаяскöд, Россия Федерацияса мукöд регионкöд; Коми Республикаöс петкöдлысьяс коставлытöг участвуйтöны войтыркостса да асмуса форумъясын, выставкаясын да ярмангаясын.

Коми Республикаса ортсы йитöдъяслöн медшöр туйвизьöн лоö экономикаын, политикаын, культураын, йöзöс велöдöмын, экологияын да мукöд юкöнын Войвыв регионъяс öтвывтöм кузя Баренцев Евро-Арктическöй Регион (БЕАР) серти öтувъя удж.

Россияын этнокультурнöй сöвмöмын збыль инструментöн да тöдчана факторöн лоö финн-йöгра странаяскöд ёртасьöм. Уна сикас регионкостса проектъяс, кутшöмъясöс збыльмöдöны республикаын, лоöны зэв тöдчанаöсь финн-йöгра ёртасьöмын да решайтöны талун вылö колана мытшöдъяс, видзöны да сöвмöдöны рöдвужа войтырлысь традицияяс да культура, лöсьöдöны финн-йöгра мирын юöр сетан öтувъя гöгöртас. Тöдчанаöн Коми Республикалы лоö Финляндиякöд ёртасьöм, кöнi медшöр туйвизьясыс: видз-му овмöс да кöр видзöм, вöр отрасль, ас вылö удж, туризм сöвмöдöм, сы лыдын уджалысьясöс дасьтöм. Медшöр öтувъя проектъяс лыдын: Оулу – Архангельск – Сыктывкар – Пермь кöрт туй стрöитöм; Сыктывкар ваöн могмöдан система выльмöдöм.

Коми Республикалöн эмöсь зумыд йитöдъяс Европаса странаяскöд. 1994 восянь республика участвуйтö Войвывса Форумлысь уна сикас проект олöмö пöртöмын.

Коми Республика пырö регионъяс лыдö, кöні ёна сöвмöма экспорт ылыс суйöр сайö, медсясö, Европаса странаясö, кытчö ыстöны республикалöн ортсыса став вузöсысь 72%, СНГ государствояс та серти босьтöны 28%.

Коми Республикалöн ортсыса вузасян медшöр партнёръясöн лоöны Беларусь, Финляндия, Нидерланды, Польша, Германия, Казахстан, Украина да Иран.

Коми Республикалöн вузасян йитöдъясыс Россия Федерацияса 70-ысь унджык субъекткöд. Топыдджыка найö сöвмöны Архангельскöй, Вологодскöй, Кировскöй, Московскöй, Нижегородскöй обласьтъяскöд, Москва да Санкт-Петербург каръяскöд.

Ортсыса экономическöй уджысь кындзи, Коми Республика активнöя уджалö суйöрсайса странаяскöд социальнöя сöвмöдан, экология, культура, гуманитарнöй йитöдъяс юкöнын.

Гуманитарнöй йитöдъяс сöвмöны финн-йöгра странаяскöд: Финляндиякöд да Венгриякöд. Культура да велöдчöм кузя топыд йитöдъяс эмöсь Германиякöд, республикаын уджалö немечьяслöн национально-культурнöй автономия. Велöдчöм кузя вежласьöмъяс мунöны Норвегиякöд, Швециякöд, Финляндиякöд, Германиякöд, США-кöд. Коми Республикаын пöртсьöны олöмö TACIS социально-ориентированнöй проектъяс.

Коми Республикаын збыльмöдöны войтыркостса экологическöй проектъяс, кутшöмъясöс веськöдöма сы вылö, медым тöлкöн вöдитчыны вöр-ва озырлунöн, сöвмöдны да видзны сылысь унасикаслунсö. 

 

email home map

Лучшая региональная практика 2017

Региональный раздел Республики Коми на федеральном Информационном портале об Оценке регулирующего воздействия


Электронный рубрикатор клинических рекомендаций

эко-Республика

VI Съезд Финно-Угорских народов РФ

Инвестиционный портал Республики Коми

Открытая Республика

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Торгово-промышленная палата Республики Коми

© 2017 ГАУ РК «ЦИТ»