Обычная версия сайта
Размер шрифта: -A +A

Антитеррористическая комиссия Республики Коми

Победа! 70 лет

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Кадровый резерв Президента России

Официальный интернет-портал правовой информации



КОМИ РЕСПУБЛИКАСА ВИДЗ-МУ ОВМÖС ÖТУВТАС

Республикалöн агропромышленнöй комплексö пырöны уна сикас видз-му овмöс организацияяс, сёян-юан вöчысьяс, фермеръяслöн да аспом подсобнöй овмöсъяс. Комплексын артавсьö 276 организация: сиктса да вöралан-кыйсян овмöсъяс, чери кыян, сёян-юан вöчан, стрöитчан, ремонтно-техническöй, могмöдан, транспортнöй, заготовительнöй, вузасян, проектнöй, ветеринарнöй да мукöд организация.

2009 воын Коми Республикаса агропромышленнöй комплекс вöчис прöдукциясö 12,4 млрд. шайт вылö. 57% гöгöр вöчöм прöдукцияыс видз-му овмöслöн, 43%-ыс – сёян-юан промышленносьтлöн.

 

Видз-му овмöс

Сиктын олö республикаса став олысь лыдысь 24% йöзыс, та дырйи видз-му овмöс нуöдöны регионса 2% олысьыс. Коми Республикаын тöдчымöн уна му ресурс, но видз-му угоддьöясын видз-му овмöс тöдчанлуна муяслöн пайыс 72%, пашняыс – 75%.

Видз-му овмöс организацияясын да фермер овмöсъясын ёнджыкасö быдтöны кöрым культураяс. Унджык йöзыс вöдитöны картупель.

Валöвöй видз-му овмöс прöдукцияын видз-му овмöс организацияяслöн пайыс 55%. 52% гырысь скöтсö, 76% порсьсö, 78% кöрсö, унджык чипансö видзöны видз-му овмöс организацияясын. Найö сетöны 51% йöв, 99% кольк, яй вылö 74% скöт да чипан, 25% град выв пуктас, 6% картупель. Гырысь видз-му овмöс организацияяс медся уна сетöны йöв, яй, град выв пуктас да кольк.

Республикаын уджалö чипан видзан куим фабрика: «Чипан видзан Зеленечса фабрика» ВАК, «Чипан видзан Сыктывкарса фабрика» ИКК – «Сыктывдiн» муниципальнöй районын, «Интаса» чипан видзан фабрика» ВАК – «Инта» кар кытшын.

Уна йöла мöсъяс видзöны татшöм видз-му овмöс организацияясын: «Ухта-97» племхоз ИКК, «Изьвайыв-97» племхоз ИКК (Ухта к.), «Лунвыв» ВАК (Луздор район), «Пригороднöй» ВАК (Сыктывкар), «Паль» СПК (Сыктывдiн район). Найö сетöны став видз-му овмöс организацияясöн сетöм йöлысь 37%.

Видз-му овмöс организацияясöн быдтöмысь 96% гöгöр град выв пуктассö быдтö «Пригороднöй» ВАК (Сыктывкар) тепличнöй комплекс.

Кöр видзан овмöсъяс паськöдчöмаöсь Воркута, Инта да Усинск каръяс дорын.

Коми Республикаын 270 крестьянин (фермер) овмöс. Валöвöй видз-му овмöс производствоын налöн пайыс 3%. Унджык фермерыс могмöдöны сёян-юанöн ёнджыкасö асьнысö, этша быдтöны картупель, сетöны яй да йöв. Йöзсянь да крестьянин овмöсъяссянь йöв сетан удельнöй сьöктаыс республиканскöй рынокын став сетан йöв серти лоö 16%, яй вылö скöтыс – 37% (чипан яй артавтöг). 

Республикаын 210 сюрс гöгöр семья нуöдöны аспом подсобнöй овмöс, вöдитöны сад да град выв пуктас. Найö сетöны 42% валöвöй видз-му овмöс прöдукция; йöзлöн овмöсъясын вöчöны 23% яй, 43% йöв, 92% картупель, 75% град выв пуктас. Аспом подсобнöй овмöсъясын видзöны 41% гырысь скöт (сы лыдын 43% мöс), 14% порсь, 21% кöр.

Республикаын сёян-юан ресурсыс ас тшöт весьтö артмö картупель серти 98,3% вылö, град выв пуктас серти – 24% вылö, кольк да колькысь прöдукция серти – 67,8% вылö, йöв да йöла сёян серти –28,2% вылö, яй да яя сёян серти – 26,8% вылö.

Климат условиеяс вöсна республика оз могмöд асьсö ас тшöт весьтö став колана сёян-юанöн. Республикаса олысьясöс могмöдöм вылö мыйтакö видз-му овмöс прöдукция да мукöд сёян-юан вайöны мукöд регионысь.

 

Сёян-юан вöчöм

Обработайтан производствоын сёян-юанлöн пайыс, юанторъяс пыртöмöн, лоö 6,5%. Республикаын, нянь да мукöд пöжас кындзи, лэдзöны юмовторъяс да макарон, майонез, минеральнöй ва, алкогольтöм да алкоголя юанторъяс, переработайтöны йöв да яй.

Сёян-юан вöчысь медшöр организацияясыс уджалöны Сыктывкарын, Воркутаын да Ухтаын.

Нянь пöжалан производствоö пырöны республикаса каръясын да районса шöринъясын 14 гырысь да шöркодь нянь пöжалан завод, потребкооперациялöн нянь пöжалан пекарняяс да аспом посни пекарняяс. Медся гырысь лыдын – «Сыктывкархлеб» ВАК, «Воркутаса нянь пöжалан комбинат» МÖП да «Ухтаса нянь пöжалан комбинат» МÖП. Республикаын коймöд пайсьыс унджык няньсö пöжалöны Сыктывкарын.

Макарон вöчöны нянь пöжалан комбинатъяслöн цехъясын. Медшöр вöчысьнас лоö «Печораса хлебомакароннöй комбинат» ВАК.

Юмовторъяс лэдзöны Сыктывкарын «Юбилейнöй» кондитерскöй фабрика» ВАК да сёян-юан промышленносьт организацияясын кондитерскöй цехъяс.

Яя сёян медшöр вöчысьясöн лоöны «Чипан видзан Зеленечса фабрика» ВАК (Сыктывдiн район), «Сыктывкарса яй комбинат» ИКК (Сыктывкар) да «Яй переработайтан Ухтаса комбинат» ИКК.

Джынсьыс унджык йöвсö видз-му овмöс организацияяс переработайтöны асланыс цехъясын. Йöв промышленносьтлöн медся гырысь организацияяс: «Сыктывкарса» йöв завод» ВАК (Сыктывкар) да «Воркутаса йöв завод» ВАК (Воркута). Унджык йöв прöдукциясö лэдзöны Сыктывкарса (60%) да Ухтаса (22%) организацияяс.

Коми Республикаын ликёр да водка вöчысьöн (30 сикас прöдукцияöдз) лоö «Сыктывкарса ликёро-водочнöй завод» ВАК. Сур вöчысьяс – «Сыктывкарпиво» ВАК (Сыктывкар) да «Нянь пöжалан комбинат» ВАК (Усинск к.). 

 

email home map

Форум Арктика
Российский инвестиционный форум
Система-112
Инвестиционный портал Республики Коми
Региональный раздел Республики Коми на федеральном Информационном портале об Оценке регулирующего воздействия

Оценка регулируещего воздействия Республики Коми

Памятные даты военной истории России

Геопортал

Приемная Президента Российской Федерации в Республике Коми

Реализация указов Президента Российской Федерации

Портал государственных услуг РФ

 Портал государственных услуг Республики Коми

Федеральный портал управленческих кадров

Резерв управленческих кадров Республики Коми

Избирательная комиссия Республики Коми

Общественная палата Республики Коми

Законодательство Республики Коми

Пожары в Республике Коми

ГБУ РК «Коми республиканский центр энергосбережения»

Цифровое эфирное телевидение

Портал открытых данных Республики Коми

Бюджет для граждан

Оценка населением муниципальной власти и организаций

Активный регион Республика Коми

Открытая Республика

Торгово-промышленная палата Республики Коми

Разработка сайта — веб-студия «Цифровой Век»