Обычная версия сайта
Размер шрифта: -A +A

Президент Российской Федерации

Правительство Российской Федерации

Совет Федерации Федерального Собрания РФ

Государственная Дума Федерального Собрания РФ

Сервер органов государственной власти Российской Федерации

Национальный антитеррористический комитет

Антитеррористическая комиссия Республики Коми



ФИНН-УГОР ВОЙТЫР ЙЫЛЫСЬ

Финн-йöгра войтырлöн да кывъяслöн историяыс артавсьö уна сюрс воöн. Öнія кадся финн, йöгра да самодийскöй войтырлöн сöвман туйыс вель сьöкыд. Кывъяслöн финн-йöгра либö йöгра-финн семьяяслысь öнія нимсö вöлі вежöма уральскöй вылö сы вöсна, мый вöлі аддзöма да эскöдöма самодийскöй кывъяслысь тайö семьяö пырöмсö.

Уральскöй кыв семья юксьö йöгра вож вылö, кытчö пырöны венгерскöй, хант да манси кывъяс (та дырйи медбöръя кыкыс öтувтсьöны "обвывса йöгра кывъяс" öтувъя ним улын), финн-перым вож вылö, мый öтувтö перым кывъяс (коми, коми-пермяк да удмурт), волжскöй кывъяс (мари, мордва), балтикаберд-финн кыв группа (карел, финн, эстонеч кывъяс, а сідзжö вепсъяслöн, водьлöн, ижоралöн, ливъяслöн кывъяс), саамъяслысь да самодийскöй кывъяс, кодъяс пытшкын торйöдсьö войвыв вож (нганасанскöй, яран, энецкöй кывъяс) да лунвыв вож (селькупскöй).

Уральскöй войтыръяс пиысь унджыкыс, венгръяс, финнъяс да эстонечьяс кындзи, олöны Россия мутасын. Медунаöн лоöны венгръяс (15 миллион мортысь унджык). Лыд серти мöдöн лоöны финнъяс (5 миллион гöгöр морт). Эстонечьясöс арталöма миллион гöгöр. Россия мутасын олöны (2002 воын гижалöм серти) мордва (843350 морт), удмуртъяс (636906 морт), мари (604298 морт), коми-зыряна (293406 морт), коми-пермякъяс (125235 морт), карелъяс (93344 морт), вепсъяс (8240 морт), хантъяс (28678 морт), манси (11432 морт), ижора (327 морт), водь (73 морт), а сідзжö финнъяс, венгръяс, эстонечьяс, саамъяс. Öнія кадö мордвалöн, марилöн, удмуртъяслöн, коми-зыряналöн, карелъяслöн эмöсь национально-государственнöй артмöдöмъяс, кутшöмъяс лоöны Россия Федерация составын öтсöгласа республикаясöн.

Коми-пермякъяс олöны Перым мулöн Коми-Пермяцкöй кытшын, хантъяс да манси - Тюменскöй обласьтлöн Югра - Ханты-Мансийскöй автномнöй кытшын. Вепсъяс олöны Карелияын, Ленинградскöй обласьтлöн асыв-войвылын да Вологодскöй обласьтлöн рытыв-войвылын, саамъяс - Мурманскöй обласьтын, Санкт-Петербург карын, Архангельскöй обласьтын да Карелияын, ижора - Ленинградскöй обласьтын, Санкт-Петербург карын, Карелия Республикаын. Водь - Ленинградскöй обласьтын, Москва да Санкт-Петербург каръясын.

 

email home map
IT -опрос населения по оценке деятельности органов местного самоуправления

80-летие Ю.А.Спиридонова

эко-Республика

Инвестиционный портал Республики Коми

Витрина закупок Республики Коми

Портал государственных услуг РФ

Активный регион Республика Коми

Официальный интернет-портал правовой информации

© 2017 ГАУ РК «ЦИТ»