ТАМАРА ГАВРИЛОВНА КУЗЬМИНЫХ
Чужис 1937 вося сора тöлысь 4 лунö Киров обласьтлöн Вятско-Полянскöй районса Сосновка сиктын уджалысьлöн семьяын. Батьыс водз кувсис, сылы весиг воыс эз вöв.
Тöдöмлун:
1954 воын помалiс Самборса статистическöй техникум, уджсикасыс - «Статистик»;
1962 воын помалiс Львовса вузасян да экономика институт, уджсикасыс – «Вузасян экономика».
1954 восянь уджалiс Самбор карын Львовса кöрт туйлöн Стрыйскöй юкöнса видзöдан да учёт нуöдан бюроын старшöй агентöн.
1957 восянь вöлi Самбор карын сакар вöчан заводлöн автоколоннаса диспетчерöн.
1958 восянь – Самбор карын ПДМ-са Львовса Облисполкомлöн челядь жырйын инспекторöн.
1961 восянь – РСУ-са табельщикöн, секретар-машинисткаöн.
1965 воын комсомольскöй путёвка серти ыстiсны Воркута карö.
1968 восянь вöлi «Воркутауголь» комбинатса УРСа-лöн öтув вердан контораса МК веськöдлысьöс вежысьöн.
1971 восянь – «Воркутауголь» комбинатса ТКУ УРСа-лöн производство велöдан старшöй мастерöн.
1978 восянь - «Печоршахтстрой» комбинталöн автобазаса инженерöн.
1980 восянь – Войкытш-Уралса мупытшса озырлун корсян-туялан производство öтув социальнöя сöвмöдöм кузя инженерöн.
1981 воын Коми АССР-са вузасян министерство ыстiс Сыктывкарö.
1981 восянь вöлi «Сыктывкар» вердан комбинталöн вузасян юкöнса начальникöн, директорöн, сёянiнъяс да ресторанъяс трестын старшöй экономистöн.
1987 воын арлыд серти петiс пенсия вылö. Пенсия вылын водзö уджалiс уджсикас серти.
1998 воын котыртiс да кутiс юрнуöдны «За социальную справедливость» пенсионеръяслöн инöд доръян öтйöза Коми республиканскöй öтув, кодi öнöдз на зiля уджалö да лоö медуна лыдаöн (12 000 участник).
2004 восянь 2008 воöдз юрнуöдiс «Пенсионеръяслöн Россияса ютыр» кансям ютырлöн Коми дiнмуса öтйöза котырöн.
2011 вося öшым тöлысь 4 лунö бöрйисны квайтöдысь бöрйöм Россия Федерацияса Федеральнöй Собраниелöн Каналан Думаса депутатöн.
Коми Республикаса йöзлысь дзоньвидзалун видзан министерство бердын Общественнöй Сöветö пырысь, Коми Республикаын Юралысь бердын мылыштöм кузя комиссияö пырысь, Коми Республикаса прокурор бердын сöветö пырысь.
Дыр уджалiс велöдысьöн. Сетiс тöдöмлунъяс торъя предметъяс серти: «Статистикалöн öтув теория», «Бухгалтерскöй учёт», «Корреспонденция да делопроизводство», «Вузасян экономика».
Уджвывса ветеран.
Водзвежöс
Инпас: 103265, Москва к., Охотнöй ряд ул., 1
Каналан Думаын удж кузя отсасьысь - ОЛЬГА АФАНАСЬЕВНА БУРМИСТРОВА
Водзвежöс
Инпас: 167000, Сыктывкар, Интернациональнöй ул, 157, 301 каб.
Тел.: (8212) 203-250
Коми Республикаын удж кузя отсасьысь - НАТАЛЬЯ АЛЕКСАНДРОВНА ВЕЧКАНОВА
Тел.: (8212) 203-250
