Коми Республикаса Юралысьлöн да Коми Республикаса Веськöдлан котырлöн Администрацияса юрнуöдысь Л.О.Опариналöн - Коми Республикаса Веськöдлан котырö пырысьлöн уджмогъяс
Коми Республикаса Юралысьлöн да Коми Республикаса Веськöдлан котырлöн Администрацияса юрнуöдысь Л.О.Опарина - Коми Республикаса Веськöдлан котырö пырысь веськöдлö Коми Республикаса министерствояслöн да мукöд олöмö пöртысь власьт органлöн, Коми Республикаса Юралысьöн либö Коми Республикаса Веськöдлан котырöн артмöдöм Коми Республикаса государственнöй органъяслöн уджöн (водзö - Коми Республикаса государственнöй органъяс), видзöдö налöн удж бöрся, сетö индöдъяс татшöм юалöмъяс кузя, кыдзи:
1) Коми Республикаса Юралысь да Коми Республикаса Веськöдлан котыр збыльмöдöны:
Коми Республикаса Каналан Сöветын оланпас вöзъян право;
государственнöй кадрöвöй политика;
Коми Республикаса государственнöй гражданскöй служба юкöнын уджмогъяс;
2) кутöны йитöдъяс ёрдын вензьöмъяс кузя, кöнi:
а) участвуйтöны Коми Республикаса государственнöй органъяс;
б) участвуйтöны Коми Республикаса государственнöй учреждениеяс, Коми Республикаса государственнöй öтувъя предприятиеяс татшöмтор дырйи, кор:
ёрдын вензьöм видлалöм бöрын вермас артмыны Коми Республикаса республиканскöй сьöмкуд тшöт весьтö рöскод;
ёрдын вензьöм вöсна ёсьмö олöмыс (ыджыд социально-экономическöй тöдчанлун дырйи);
3) öтув уджалöны:
Коми Республикалöн войтыркостса да ортсы экономическöй йитöдъяс збыльмöдöмын олöмö пöртысь федеральнöй власьт органъяскöд;
регионъяс костын ёртасьöм сöвмöдöм кузя Россия Федерацияса субъектъяскöд;
4) öтув уджалöны меставывса асвеськöдлан органъяскöд;
5) видзöны Коми Республикаса олöмö пöртысь власьт системаын государственнöй гусялун, дорйöны юöр техника боксянь;
6) нуöдöны административнöй реформа;
7) адвокатура да нотариат;
8) öтув уджалöны ёрд власьтлöн да прокуратуралöн органъяскöд.
Коми Республикаса Юралысьлöн 2011 во урасьöм тöлысь 17 лунся 85-р №-а тшöктöм
(2 №-а содтöд)
